Anshu Reddy: బుల్లితెరపై రాణిస్తున్న తెలుగింటి అందం.. అన్షురెడ్డి గురించి ఇంట్రెస్టింగ్ విషయాలు
Actress Anshureddy: ఇల్లు ఇల్లాలు పిల్లలు సీరియల్లో నర్మదగా అలరిస్తున్న అన్షురెడ్డి.. గత 15 ఏళ్లుగా బుల్లితెరపై రాణిస్తోంది. సీరియల్స్తో పాటు సోషల్ మీడియాలోనూ అన్షు యాక్టివ్గా ఉంటుంది.
Anshu Reddy: స్టార్ మాలో ప్రసారం అయ్యే 'ఇల్లు ఇల్లాలు పిల్లలు' సీరియల్లో సాగర్ భార్య క్యారెక్టర్ చేస్తున్న నర్మద అసలు పేరు అన్షురెడ్డి. ఆమె కట్టు బొట్టు చూస్తే అబ్బా భార్య అంటే ఇలా ఉండాలని సీరియల్ చూసేవాళ్లకు అనిపిస్తుంటుంది. ప్రభుత్వ ఉద్యోగిగా, రామరాజు రెండో కోడలిగా.. భాగ్యంకు లెఫ్ట్ అండ్ రైట్ ఇచ్చే నర్మద క్యారెక్టర్లో అన్షురెడ్డి నటన మరో లెవల్.
అన్షురెడ్డి తెలంగాణ సిద్ధిపేట జిల్లా చీర్యాలకు చెందిన వారు. ఆమె పదో తరగతి పూర్తి కాగానే తన తల్లిదండ్రులతో పాటు హైదరాబాద్కు మకాం మార్చింది. అన్షుకు చిన్నప్పటి నుంచీ నటన అంటే మక్కువ ఎక్కువ. అనుకోకుండా వచ్చిన అవకాశంతో.. ఒకరోజు స్టార్ మహిళ షోలో అన్షు పాల్గొంది. అదే సమయంలోనే సీరియల్లో పాల్గొనే ఛాన్స్ కొట్టేసింది. ఆ అవకాశాన్ని కరెక్ట్గా వాడుకుంటూ.. బుల్లితెరపై రాణిస్తుంది. సోషల్ మీడియాలో అన్షురెడ్డి యాక్టివ్గా ఉంటుంది.
అన్షురెడ్డి కెరీర్, సీరియల్స్
తెలుగు బుల్లితెరపై అందం, అభినయంతో అలరిస్తున్న నటి అన్షురెడ్డి. 'భార్యామణి' సీరియల్తో బుల్లితెర కెరీర్ స్టార్ట్ చేసింది. తొలి సీరియల్తోనే మంచి గుర్తింపు తెచ్చుకుంది. 'గోకులంలో సీత', 'ఇద్దరమ్మాయిలు', 'సూర్యవంశం', స్టార్ మా లో వచ్చిన 'కృష్ణవేణి', 'కథలో రాజకుమారి', 'ఇల్లు ఇల్లాలు పిల్లలు' వంటి సీరియల్స్ ఆమెకు మంచి పేరు తెచ్చిపెట్టాయి. ముఖ్యంగా నెగెటివ్ షేడ్స్ ఉన్న క్యారెక్టర్లు, ఎమోషనల్ హోమ్లీ క్యారెక్టర్లలలో ఆమె చక్కగా నటించగలదు. తెలుగుతో పాటు తమిళ సీరియల్స్లోనూ అన్షు సత్తా చాటుతోంది. దాదాపు పదేళ్లుగా 15కి పైగా సీరియల్స్లో నటించిన అన్షురెడ్డి నటించింది.
సోషల్ మీడియాలో యాక్టివ్
అన్షురెడ్డి సోషల్ మీడియాలో చాలా యాక్టివ్గా ఉంటుంది. అన్షురెడ్డి(https://www.instagram.com/_anshureddy/) ఇన్స్టాలో రెగ్యులర్గా పోస్టులు పెడుతుంటుంది. ఆమెకు ఇన్స్టాగ్రామ్లో మంచి ఫాలోయింగ్ ఉంది. తన లేటెస్ట్ ఫొటోషూట్స్, సీరియల్ సెట్స్లోని రీల్స్, బిహైండ్ ది సీన్స్ వీడియోలు, పర్సనల్ లైఫ్ అప్డేట్స్ను రెగ్యులర్గా షేర్ చేస్తుంటుంది. ఇన్స్టాలో ఆమెకు 993k(9.3 లక్షలు) ఫాలోవర్స్ ఉన్నారు.
చాలా మంది తోటి నటీనటుల లాగే అన్షు కూడా తన సొంత యూట్యూబ్ ఛానల్ ద్వారా హోమ్ టూర్స్, షాపింగ్ వ్లాగ్స్, మేకప్ ట్యుటోరియల్స్ వంటి ఇంట్రెస్టింగ్ కంటెంట్తో యూట్యూబ్(@_anshureddy*) ఆడియన్స్ను అలరిస్తుంటుంది. ఒక్క యూట్యూబ్ ద్వారానే నెలకి నాలుగు లక్షల వరకూ సంపాదించేదట. కానీ ఇప్పుడు వీడియోలు చేయడం కాస్త తగ్గించడంతో ఇన్కమ్ తగ్గిపోయిందని టాక్. యూట్యూబ్లో ఆమెకు 466k (4.6 లక్షలు) ఫాలోవర్స్ ఉన్నారు.
డ్యాన్స్లోనూ సూపర్
అన్షు కేవలం సీరియల్స్ మాత్రమే కాదు. బుల్లితెరపై ప్రసారం అయ్యే టాలెంటెడ్ డ్యాన్స్ షో ఢీ లో కంటెస్టెంట్గా పాల్గొంటుంది. నటనలో మాత్రమే కాదు అద్భుతమైన డ్యాన్స్తో కూడా ఆమె ప్రేక్షకులను ఆకట్టుకుంటుంది.
సీరియల్స్ రెమ్యునిరేషన్
తెలుగు బుల్లితెరపై లీడ్, క్రేజ్ ఉన్న నటీనటులకు పేమెంట్ 'పర్ డే' చొప్పున ఇస్తారని టాక్. అన్షురెడ్డి రెమ్యునరేషన్ విషయానికి వస్తే.. టెలివిజన్ ఇండస్ట్రీ టాక్ ప్రకారం, ఆమె సీరియల్లో తనకున్న ప్రాధాన్యత, క్యారెక్టర్ లెంగ్త్, ఛానల్ను బట్టి రోజుకు సుమారు రూ.15,000 నుంచి రూ. 25,000 వరకు (లేదా అంతకంటే కాస్త అటుఇటుగా) ఛార్జ్ చేస్తారని తెలుస్తోంది. సీరియల్స్ మాత్రమే కాకుండా బ్రాండ్ ఎండార్స్మెంట్స్, సోషల్ మీడియా ప్రమోషన్స్, ఓపెనింగ్స్ ద్వారా కూడా ఆమె అడిషనల్ ఆదాయాన్ని ఆర్జిస్తోంది.
బ్రేకప్ కూడా
2021లో సౌమిత్ రెడ్డితో ఎంగేజ్మెంట్ అయ్యింది. వీళ్ల నిశ్చితార్థం ఫొటోలు వైరల్ అయ్యాయి. కానీ చివరి నిషయంలో అన్షురెడ్డి-సౌమిత్ రెడ్డిలకు బ్రేకప్ అయ్యింది.
(Disclaimer: సెలబ్రిటీల రెమ్యునరేషన్ వివరాలు అధికారికంగా బయటకు రావు. ఇవి కేవలం ఇండస్ట్రీ వర్గాల సమాచారం, ఇంటర్నెట్ అంచనాల ఆధారంగా తెలుసుకున్నవి మాత్రమే).
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
