Anumita Dutta: గోదావరి సీరియల్ హీరోయిన్ జాను.. ఈ బెంగాలీ ముద్దుగుమ్మ బ్యాక్ గ్రౌండ్ తెలుసా!

Anumita Dutta: గోదావరి సీరియల్‍లో జాను పాత్రలో మంచి ప్రేక్షకాదరణ పొందుతుంది అనుమిత దత్తా. ఈ బెంగాలీ అమ్మాయి సీరియల్ కెరీర్ గురించి ఆసక్తికర విషయాలు తెలుసుకుందాం.

గోదావరి సీరియల్ హీరోయిన్ జాను.. బెంగాలీ ముద్దుగుమ్మ బ్యాక్ గ్రౌండ్ తెలుసా!

Source : instagram

Show Quick Read

Key points generated by AI, verified by newsroom

• అనుమిత దత్తా 'గోదావరి' సీరియల్ తో మంచి గుర్తింపు తెచ్చుకుంది.
• కుటుంబ పరిస్థితుల వల్ల చదువు మానేసి నటనలోకి అడుగుపెట్టింది.
• జీ తెలుగు 'పడమటి సంధ్యారాగం'తో తెలుగు తెరపై పరిచయమైంది.
• సోషల్ మీడియాలో యాక్టివ్ గా ఉంటూ, యువతను ఆకట్టుకుంటోంది.

Anumita Dutta: స్టార్ మా ఛానల్ ప్రసారం అవుతున్న కొత్త సీరియల్స్ 'గోదావరి సీరియల్' ఒకటి. ఇటీవలే ప్రారంభం అయిన ఈ సీరియల్ బుల్లితెర ప్రేక్షకులను ఎంతగానో ఆకట్టుకుంటుంది. డిఫరెంట్ విలేజ్ స్టోరీతో వచ్చిన ఈ సీరియల్.. ప్రస్తుతం టీఆర్పీ రేటింగ్‍తో దూసుకుపోతుంది.  ఈ సీరియల్‍లో హీరోయిన్‍గా నటిస్తున్న జాహ్నవి(జాను) తన నటనతో ప్రేక్షకులను ఆకట్టుకుంటుంది. జాహ్నవి అసలు పేరు అనుమిత దత్తా.  ఈమె బ్యా గ్రౌండ్, రియల్ లైఫ్ గురించి ఒకసారి వివరంగా తెలుసుకుందాం. 

అనుమిత దత్తా  అక్టోబర్ 9, 2002లో కోల్‍కతాలో జన్మించింది. ఫ్రీలాన్స్ మోడలింగ్‍గా తన కెరీర్‍ను స్టార్ట్ చేసింది. అనంతరం సీరియల్స్ లో ఎంటర్ అయింది. గతంలో అనేక సీరియల్స్ లో నటించి తన నటనతో తెలుగు ప్రేక్షకులకు దగ్గరైంది.  అనుకోని పరిస్థితులలో చదువు వదిలేసి నటన వైపు అడుగులు వేసినట్లు అనుమిత ఓ ఇంటర్వ్యూలో చెప్పుకొచ్చింది. కుటుంబ పరిస్థితులు కారణంగానే తను ఈ ఫీల్డ్ లోకి వచ్చినట్లు తెలిపింది. ప్రస్తుతం వరుసగా సీరియల్స్ తో బిజీగా ఉంది.  

సీరియల్ కెరీర్  

అనుమిత దత్తా తన నటన, గ్లామర్‌తో తెలుగు టెలివిజన్ రంగంలో తనకంటూ ఒక ప్రత్యేకమైన గుర్తింపు తెచ్చుకుంది. కన్నడ, బెంగాలీ ఇండస్ట్రీకి చెందినదైనప్పటికీ, తెలుగు ప్రేక్షకులు బాగా ఓన్ చేసుకున్నారు. జీ తెలుగులో ప్రసారమైన "పడమటి సంధ్యారాగం" సీరియల్ ద్వారా అనుమిత తెలుగు బుల్లితెరకు పరిచయమైంది. ఈ సీరియల్‌లో 'ఆద్య' పాత్రలో ఆమె చూపించిన నటన, పలికించిన హావభావాలు ప్రేక్షకులను బాగా ఆకట్టుకున్నాయి. సున్నితమైన మనస్తత్వం ఉన్న అమ్మాయిగా ఆమె నటనకు మంచి మార్కులు పడ్డాయి. ప్రస్తుతం గోదావరి సీరియల్‍లో జాహ్నవిగా మరికొన్ని కొత్త ప్రాజెక్ట్‌లు, సోషల్ మీడియాలో బిజీగా ఉన్నారు.

2022లో బెంగాలీ సీరియల్స్ ద్వారా తన కెరీర్ మొదలుపెట్టి, తెలుగులో ప్రముఖ నటిగా గుర్తింపు తెచ్చుకుంది. 'నువ్వుంటే నా జతగా' సీరియల్‍లో మిథున పాత్రలో చక్కని తెలుగింటి అమ్మాయిలాగా కనిపిస్తుంది. తెలుగులో వరుస ప్రాజెక్టులు రావడంతో.. సీరియల్‍ రెమ్యూనరేషన్ పెంచినట్లు వార్తలు వినిపిస్తున్నాయి. గోదావరి సీరియల్‍లో నటిస్తున్నందుకు గాను దాదాపు రూ.40 వేలకు పైగా రెమ్యూనరేషన్ తీసుకుంటుందని సోషల్ మీడియాలో చర్చ జరుగుతోంది. ఈ లెక్కన చూస్తే  నెలకు లక్షల్లోనే సంపాదిస్తుంది.

ఆసక్తికరమైన విషయాలు  

అనుమిత కేవలం నటనలోనే కాకుండా విభిన్న భాషా సంస్కృతులను ఈజీగా అలవాటు చేసుకోగలదు. కన్నడ, బెంగాలీ బ్యాక్‌గ్రౌండ్ ఉన్నప్పటికీ, తెలుగు డైలాగ్స్, ఎక్స్‌ప్రెషన్స్‌ను చాలా సహజంగా పలికిస్తుంది.  

సోషల్ మీడియాలో

ఇన్‌స్టాగ్రామ్‌( anumita_dutta)లో అనుమిత చాలా యాక్టివ్‌గా ఉంటుంది. ఇన్‍స్టాలో 2.58 లక్షల మంది ఫాలోవర్స్ ఉన్నారు. మోడరన్ వెస్ట్రన్ వేర్ నుంచి ట్రెడిషనల్ శారీల వరకు అన్నింట్లోనూ రీల్స్, ఫొటోషూట్స్ చేస్తూ యువతను ఆకట్టుకుంటుంది. ట్రెండీ రీల్స్ చేయడంలో ఆమె ముందుంటుంది. సెట్స్‌లో తోటి నటీనటులు, టెక్నీషియన్లతో చాలా సరదాగా, స్నేహపూర్వకంగా ఉంటారని ఇండస్ట్రీలో టాక్.  కేవలం గ్లామర్ పాత్రలకే పరిమితం కాకుండా, ఎమోషనల్ సీన్స్‌లోనూ చక్కని హావభావాలు కనబరచడం ఆమె ప్లస్ పాయింట్.