Illu Illalu Pillalu Serial Today may 14th: ఇల్లు ఇల్లాలు పిల్లలు: వల్లీ కడుపు సంగతి నర్మద, ప్రేమలు తేల్చేస్తారా! రెచ్చిపోయిన సాగర్.. ధీరజ్‌ని అపార్థం చేసుకున్నాడా!

Illu Illalu Pillalu Serial Today Episode may 14th: నర్మద, ప్రేమ వల్లీని మరో డాక్టర్‌ దగ్గరకు తీసుకెళ్లాలి అనుకోవడంతో ఇవాళ్టి ఎపిసోడ్ ఆసక్తికరంగా మారింది.

ఇల్లు ఇల్లాలు పిల్లలు సీరియల్ టుడే ఎపిసోడ్

Source : https://www.hotstar.com/

Illu Illalu Pillalu Serial Latest Episode: ధీరజ్, ప్రేమ రొమాన్స్‌తో ఇల్లు ఇల్లాలు పిల్లలు సీరియల్‌ మే 14వ తేదీ నాటి ఎపిసోడ్ మొదలవుతుంది. ప్రేమని ధీరజ్‌ హగ్ చేసుకుంటే నర్మద అక్కడికి వెళ్లి ఏంటి పొద్దు పొద్దున్నే మొదలు పెట్టారా మీ రొమాన్స్ అంటుంది. ఇద్దరూ కంగారుగా దూరం వెళ్లి అది కాదు వదినా రాత్రి పాలు తాగి ప్రేమ ఏం చేసిందో తెలుసా అని అంటాడు. ప్రేమ చెప్పొద్దు అంటే దానికి నర్మద మాకు పెళ్లయింది మీ రొమాన్స్ ప్రత్యేకంగా చెప్పక్కర్లేదు అని ప్రేమతో మాట్లాడాలి అని పక్కకి తీసుకెళ్తుంది. 

పాలలో మత్తు మందు కలిపింది సుకన్యనే అని నర్మద ప్రేమకు చెప్తుంది. తనకేంటి అవసరం అక్కా అని ప్రేమ అడిగితే వల్లీ, చందు బావని ఒకటి చేయాలని కలిపాని అని చెప్పిందని సుకన్యతో మాట్లాడిన విషయం మొత్తం నర్మద ప్రేమకి చెప్తుంది. సుకన్య మాటలు నమ్మేలా లేవని నర్మద అంటుంది. అది చెప్పిందంతా అబద్ధమే అక్క. నిజంగానే చందు బావకి ఇంకా కోపం పోలేదు అంటే అందుకు క్షమించమని మాట్లాడి ఒప్పించాలి కానీ ఇలా ఎవరైనా చేస్తారా.. ఇదంతా చూస్తుంటే దీని వెనక ఏదో మతలబు ఉందని నాకు అనిపిస్తుంది అక్కా అని ప్రేమ అంటుంది. సుకన్య ఇలా చేయడం వెనక ఉన్న మతలబు ఎలా కనిపెడతాం అని నర్మద అంటుంది.

ప్రేమ నర్మదతో ఆ రోజు మనం సరిగా పట్టించుకోలేదు కానీ ఆ రోజు డాక్టర్ ఇచ్చిన స్కానింగ్ రిపోర్ట్‌లో వల్లీ పేరు కానీ డిటైల్స్ కానీ ఏం లేవు.. అని అంటుంది. స్కానింగ్ రిపోర్ట్స్ తన దగ్గరే ఉన్నాయని ప్రేమ తీసుకు రావడానికి వెళ్తుంది. గది మొత్తం వెతికినా కనిపించవు.. నర్మదకు విషయం చెప్తుంది. రిపోర్స్ట ఎలా పోయావి అని నర్మద అంటే ఇలా అని సుకన్య రిపోర్ట్స్ తీసి వల్లీకి చూపిస్తుంది. 

నర్మద వాళ్ల మాటలు వల్లీ, సుకన్య ఇద్దరూ చాటుగా వింటారు. నర్మద ప్రేమతో స్కానింగ్ రిపోర్ట్స్ మిస్ అవ్వడం.. చందుబావ వల్లీని ఒకటి చేయడానికి సుకన్య మందు కలపడం ఇవన్నీ చూస్తుంటే వల్లీ నిజంగా ప్రెగ్నెంట్ కాదేమో అని డౌట్‌గా ఉందని నర్మద అంటుంది. ఆ మాటకు వల్లీ బిత్తరపోతుంది. ఇంతలో నర్మద వాళ్ల దగ్గరకు ధీరజ్ వచ్చి స్కానింగ్ తీసే టైంలో మీరు లేరా వదినా అని అడిగితే లేం ధీరజ్ మమల్ని బయటకు వెళ్లమని చెప్పారు అంటుంది.

మరి మందులు అని అడుగుతాడు. డాక్టర్ ట్యాబ్లెట్స్ ఇవ్వలేదు అని ప్రేమ అంటే.. అవును కదా.. డాక్టర్ మందులు ఇచ్చి మళ్లీ రమ్మని చెప్తుంది కదా.. అదేమీ లేదు అంటే కచ్చితంగా ఇదంతా డ్రామానే అని నర్మద అంటుంది. ఆ వల్లీ కచ్చితంగా ప్రెగ్నెంట్ కాదు అక్కా.. అది నిజంగా ప్రెగ్నెంట్ అయింటే అడ్డమైన గడ్డి తినకుండా చక్కగాతింటూ మందులు వేసుకునేది అని ప్రేమ అంటుంది. వల్లీ ప్రెగ్నెంట్ కాదు అని ఎలా నిరూపిస్తాం అని నర్మద అడుగుతుంది. దానికి ధీరజ్ మరో డాక్టర్ దగ్గరకు తీసుకెళ్లి చెక్‌అప్ చేయించండి నిజం తెలిసిపోతుంది అని అంటాడు. ప్రేమ రేపే వల్లిని హాస్పిటల్‌కి తీసుకెళ్దాం అని అంటుంది నర్మద.

వల్లీ  చాలా టెన్షన్ పడుతుంది. బాబాయ్ ఏంటే ఇది అని సుకన్యతో అంటుంది. మీ అమ్మని కలుద్దాం పద అని సుకన్య అంటుంది. మరోవైపు సాగర్ మామ ఎక్కించిన మాటలు తలచుకొని ధీరజ్ మీద నెగిటివ్‌గా ఆలోచిస్తూ ఉంటాడు. ఇంతలో ధరీజ్ సాగర్‌ని చూసి కాఫీ పట్టుకొని వెళ్లి కూర్చొని ఏంట్రా నడిపోడా అంత సీరియస్‌గా ఆలోచిస్తున్నావ్.. కొంప తీసి ఈ ఇల్లు అమ్మితే ఎంత వస్తుందని ఆలోచిస్తున్నావా ఏంటి అని అడుగుతాడు. సాగర్ కాఫీ తీసుకొని విసిరేసి ఏంట్రా పిచ్చిపిచ్చిగా ఉందా.. నాతో డ్రామాలు ఆడుతున్నావా.. 5 లక్షలు అడిగిన నువ్వు ఇప్పుడు నా కోసం కాఫీ తెచ్చావు అంటే నమ్మాలా అని అరుస్తాడు.

ఇంట్లో నుంచి నిన్ను వెళ్లనివ్వకుండా ఆపడానికి అలా చేశానురా.. నాకు మా అన్నయ్య కంటే డబ్బే కాదు ఏదీ ముఖ్యం కాదురా అని ధీరజ్ చెప్పినా సాగర్ వినడు. వద్దు.. నువ్వు కూడా మీ నాన్నలాగే..నువ్వేంటో నా మీద నీకు వచ్చిన కుళ్లు అర్థమైందిరా.. నేను మంచి గవర్నమెంట్ ఉద్యోగిని.. నువ్వు జస్ట్ క్యాబ్ డ్రైవర్‌వి అందుకే నా మీద నీకు అసూయ అని సాగర్ అంటాడు. ఓరేయ్ నీకు పిచ్చా మా అన్నయ్య మంచి పొజిషన్‌లో ఉంటే నా కంటే సంతోషించేవాళ్లు ఎవరురా అని ధీరజ్ అంటే ఆపరా నీకు అన్నయ్య కంటే.. డబ్బు ఎక్కువ అని సాగర్ అంటాడు. 

ధీరజ్ ఎమోషనల్ అవుతూ కేవలం నీ గురించి మాత్రమే ఆలోచించి నేను ఏమైపోయినా పర్లేదు అని నువ్వు ఆ రోజు ఏడిస్తే నర్మద వదినతో నీకు నేను పెళ్లి చేశానురా.. నాన్న నన్ను తిట్టి నాలుగు రోజులు బయటకు గెంటేస్తే నానా తిప్పలు పడ్డానురా అలాంటి నేను ఇలా చేస్తానా అని ధీరజ్ అంటే ఆ రోజు తమ్ముడు వేరు ఇప్పుడు వేడు.. నిన్ను మీ నాన్న మార్చేశాడు.. మూడు నాలుగు రోజుల్లో డబ్బు కట్టేసి వెళ్లిపోతా అని సాగర్ అంటాడు. ధీరజ్ చాలా బాధ పడతాడు.

మరోవైపు రోడ్డు మీద సైకిల్ బండి పెట్టుకొని భాగ్యం, ఇడ్లీబాబాయ్ ఇడ్లీ అమ్ముతూ ఉంటారు. ఇంతలో అక్కడికి వల్లీ, సుకన్య వెళ్తారు. నర్మదకు నా కడుపు మీద డౌట్ వచ్చేసిందని ధీరజ్ మరో డాక్టర్ దగ్గరకు తీసుకెళ్లమన్నాడు అని చెప్తుంది. అసలు ఆ నర్మద ఇంట్లో ఉంటేనే కదా నిన్ను హాస్పిటల్‌కి తీసుకెళ్లడానికి భాగ్యం అంటుంది. నర్మద శాశ్వతంగా ఇంట్లో నుంచి బయటకు వెళ్లేలా చేస్తున్నా అని అంటుంది. ఎలా అని వల్లీ అంటే సాయంత్రం నువ్వే కల్లారా చూస్తావు కదా అని అంటుంది. ధీరజ్ వేదవతి దగ్గరకు వెళ్లి నీకు ఓ విషయం చెప్పాలి అని సరదాగా అంటే వేదవతి చాలా కోపంగా ఉన్నాను అని అంటుంది. మా అమ్మకి నా మీద కోపం ఎందుకు అని అడుగుతాడు. కారు కొనుక్కోవడానికి మీ నాన్న డబ్బు ఇస్తాను అంటే ఎందుకు తీసుకోవడం లేదురా.. పోనీ నా గాజులు ఇస్తానురా అంటే అమ్మా నేను కారు కొనేశా.. అని అంటాడు. దీంతో ఇవాళ్టి ఎపిసోడ్ పూర్తయిపోతుంది. 

మరిన్ని చదవండి

ఇల్లు ఇల్లాలు పిల్లలు: జంటల రొమాన్స్! బెడిసికొట్టిన వల్లీ ప్లాన్! నర్మదకు విషయం తెలిసిపోయిందా!

ఇల్లు ఇల్లాలు పిల్లలు: అన్ని జంటలకు ఓకే రోజు మళ్లీ ఫస్ట్‌నైటా! పాలతో సుకన్య చేసిన మ్యాజిక్ ఫలించిందా!