Illu Illalu Pillalu Serial Today May 12th: ఇల్లు ఇల్లాలు పిల్లలు: అన్ని జంటలకు ఓకే రోజు మళ్లీ ఫస్ట్నైటా! పాలతో సుకన్య చేసిన మ్యాజిక్ ఫలించిందా!
Illu Illalu Pillalu Serial Today Episode May 12th వల్లీ, చందులను ఒకటి చేయాలని సుకన్యా పాలలో మందు కలపడం వేదవతి ఆ పాలను అందరికీ పంచేయడంతో ఇవాళ్టి ఎపిసోడ్ ఆసక్తికరంగా మారింది.
Illu Illalu Pillalu Serial Today Episode ప్రసాద్రావు మందు కొడుతూ అల్లుడిని రెచ్చగొడుతుంటాడు. ధీరజ్ స్వార్థంతో ఆలోచించి 5 లక్షలు కట్టమని చెప్పాడని.. నువ్వు ఇంట్లో నుంచి వెళ్లిపోతే నీ వాటా కూడా వాళ్లే తీసుకోవచ్చని ప్లాన్ చేశారని లేనిపోని వన్నీ సాగర్ తలకెక్కిస్తాడు. నీ బాధ కంటే ధీరజ్ డబ్బుకే ఎక్కువ విలువ ఇస్తున్నాడు. ఒక్క రూపాయి జీతం తీసుకోకుండా రైస్మిల్లులో పని చేశావ్ కానీ నీ త్యాగాన్ని ఎవరైనా గుర్తించారా.. మరెక్కడైనా పని చేసుంటే తక్కువలో తక్కువ పది లక్షలు సంపాదించేవాడివి.. ఇన్నాళ్లు మీ నాన్నే నీకు శత్రువు అంటే ఇప్పుడు మీ తమ్ముడు తయారయ్యాడు.. ఈ 5 లక్షల కోసం రేపు నిన్ను కొట్టడానికి వస్తాడు.. నువ్వు ఎదగడాన్ని నీ అన్నదమ్ములు కూడా ఓర్చుకోలేకపోతున్నారు.. ఇక నుంచి నువ్వు నీ గురించి ఆలోచించు.. ఏం ఆలోచించకుండా వేరే కాపురం పెట్టు అవసరం అయితే ఆ 5 లక్షలు నేను సర్దుతా అని రెచ్చగొడతాడు.
సుకన్య కిచెన్లో పాలు మరిగిస్తూ ఇదిగో పింక్ చీర ఇవిగో మల్లెపూలు అని పాట పాడుతుంది. ఇంతలో వల్లీ వచ్చి ఓసేయ్ నువ్వు ఈ రోజు రాత్రికి నన్ను నా మొగుడిని కలుపుతా అని చెప్పి పాటలు పాడుతున్నావేటే అని అంటే ఈ రోజు మీకు మళ్లీ ఫస్ట్నైట్ ఖాయం. తల్లిని అవుతున్నా అని నువ్వు చెప్పిన అబద్ధం ఈ రాత్రితో నిజం అవుతుంది అని అందుకు మన ఊరి నుంచి మంచి పవర్ ఫుల్ మందు తీసుకొచ్చా అని చెప్పి దాన్ని పాలలో కలిపేస్తుంది. ఈ పాలు చందుతో తాగించే అని అంటుంది. ఇంతలో వేదవతి వచ్చి ఏంటి ఏంటి ఆ పౌడర్ అని అంటే బాధం పౌడర్ అని కవర్ చేస్తుంది. దాంతో వేదవతి చందు ఒక్కడికేనా ఇంట్లో అందరికీ ఇవ్వాలి అని చెప్పి మళ్లీ పాలు మరిగించి వాటిలో పౌడర్ కలిపి నర్మద, ప్రేమలకు చెరో గ్లాస్ ఇచ్చి మీ భర్తలకు ఇవ్వండి అని చెప్తుంది. వేదవతి రామరాజు కోసం ఓ గ్లాస్ తీసుకెళ్తుంటే తిరుపతి తీసుకొని తాగేస్తాడు. తర్వాత కన్యా కన్యా అంటూ సుకన్య కోసం వెళ్తాడు.
ప్రేమ ధీరజ్ దగ్గరకు పాలు తసుకొని వెళ్లి పాలు తాగమని అంటుంది. ఇందాకే మజ్జిగా తాగాను ఇప్పుడు పాలు తాగితే కడుపులోనే పెరుగు అయిపోతుంది నువ్వే తాగేయ్ అని అంటాడు. దాంతో ప్రేమే పాలు మొత్తం తాగేస్తుంది. నర్మద కూడా సాగర్కి పాలు ఇస్తుంది. అక్కర్లేదు అని సాగర్ అనేస్తాడు. దాంతో నర్మద కోపంగా పాలు మొత్తం తాగేస్తుంది. ఇక చివరకు వల్లీ పాల గ్లాస్ తీసుకొని చందు దగ్గరకు వెళ్తుంది. చందు రోజు అలవాటు వల్ల వల్లీ ఇచ్చిన పాలు మొత్తం తాగేస్తాడు. తిరుపతి కన్యా కన్యా అంటూ సుకన్య కోసం ఇల్లంతా తిరుగుతాడు. సుకన్య వినేసి వీడు కూడా తాగేసినట్లు ఉన్నాడు వీడితో కాస్త జాగ్రత్తగా ఉండాలి అనుకుంటుంది. ప్రేమకి ఫుల్లుగా మత్తు ఎక్కిపోతుంది. ధీరజ్ పడుకొని ఉంటే వెళ్లి పక్కనే పడుకొని ధీరజ్ మీద చేతులు వేస్తుంది. ఏయ్ ఏంటే మాటలు తేడాగా ఉన్నాయి.. మనిషివి తూలుతున్నావ్.. మందు తాగావా ఏంటి అని అడుగుతాడు. అవునురా నీ ప్రేమ అనే మందు తాగాను అంటుంది. ఏయ్ ఏమైందే నీకు అని ధీరజ్ అడుగుతాడు. నువ్వు నాకు పూర్తిగా నచ్చేశావురా అని ధీరజ్ని ముద్దు పెట్టుకుంటుంది.
సాగర్ కోపంగా ఉంటే నర్మద సాగర్ని ఈడ్చుకెళ్లి లాగిపెట్టి కొట్టి నువ్వు పెళ్లాన్ని పట్టించుకోవడం లేదురా.. అని వాయించేస్తుంది. ఈమధ్య మల్లెపూలు తీసుకురావడం లేదు అని అంటుంది. నేను ఎలాంటి టెన్షన్స్లో ఉన్నానో నీకు తెలుసు కదా అని సాగర్ అంటే అలా అని ప్రేమించి పెళ్లి చేసుకున్న నన్ను నిర్లక్ష్యం చేస్తావా అని అడుగుతుంది. అనవసరంగా మన మనసుల మధ్య దూరం పెంచుతున్నావ్రా అని హగ్ చేసుకొని ఏడుస్తుంది. ఇక చందుకి కూడా మత్తు ఎక్కుతుంది. వల్లీ దగ్గరకు వెళ్లి దగ్గరకు తీసుకుంటే ఇప్పుడే వచ్చేస్తా బా అని వల్లీ బయటకు వెళ్తుంది. సుకన్యా ఇళ్లంతా తిరుగుతూ తిరుపతికి దొరక్కుండా పరుగులు పెడుతుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
