ట్యాగ్ మార్చిన రామ్ చరణ్, ‘డబుల్ ఇస్మార్ట్’ రిలీజ్ డేట్ - నేటి టాప్ సినీ విశేషాలివే!
ఈ రోజు 5 గంటల వరకు జరిగిన సినీ విశేషాల గురించి తెలుసుకోవాలని ఉందా? మరి ఇంకెందుకు ఆలస్యం... ఈ టాప్-5 విశేషాలు చూసేయండి.
ఘనంగా ‘ఆర్‌సీ 16’ ఓపెనింగ్ - వీడియో విడుదల చేసిన మేకర్స్
‘ఉప్పెన’తో టాలీవుడ్ ప్రేక్షకులకు దర్శకుడిగా పరిచయమయ్యారు బుచ్చి బాబు సానా. మొదటి సినిమాతోనే నేషనల్ అవార్డును తన ఖాతాలో వేసుకున్నారు. ఇక ఈ దర్శకుడి టేకింగ్ నచ్చిన ప్రేక్షకులు.. తన రెండో సినిమా అప్డేట్ ఎప్పుడెప్పుడు వస్తుందా అని ఎదురుచూడడం మొదలుపెట్టారు. ఇంతలోనే ముందుగా ఎన్‌టీఆర్‌తో బుచ్చి బాబు సినిమా ఉంటుందని రూమర్స్ వైరల్ అయ్యాయి. ఆ తర్వాత ఆ కథ ఎన్టీఆర్ నుండి రామ్ చరణ్ చేతికి వచ్చిందని వార్తలు వచ్చాయి. ఫైనల్‌గా అవే నిజమయ్యాయి. తాజాగా బుచ్చి బాబు, రామ్ చరణ్ కాంబినేషన్‌లో తెరకెక్కనున్న ‘ఆర్‌సీ 16’ పూజా కార్యక్రమం చాలా ఘనంగా జరిగింది. (పూర్తి వివరాల కోసం ఇక్కడ క్లిక్ చేయండి.)
‘రంగస్థలం’కు సీక్వెల్ ఫిక్స్ - ఆరోజే అనౌన్స్‌మెంట్?
సుకుమార్, రామ్ చరణ్ కాంబినేషన్‌లో తెరకెక్కిన ‘రంగస్థలం’ బ్లాక్‌బస్టర్ హిట్‌ను అందుకుంది. అప్పటివరకు లెక్కల మాస్టర్ లాగా తన సినిమాల్లో కేవలం మ్యాథ్స్‌ను మాత్రమే చూపించే సుకుమార్.. మొదటిసారి ఆ లెక్కలను పక్కన పెట్టి ప్రేక్షకులకు ఊరమాస్ ఎంటర్‌టైన్మెంట్ అందించారు. చిట్టిబాబుగా రామ్ చరణ్‌ను ఎంత మాస్‌గా చూపించగలరో.. అంత మాస్‌గా చూపించి ఫ్యాన్స్‌ను ఖుషీ చేశారు. ఇక వినికిడి లోపం ఉన్న పాత్రలో ఒదిగిపోయి నటించారు చరణ్. ఇప్పటికీ ‘రంగస్థలం’ అంటే ఈ హీరో ఫ్యాన్స్‌కు ప్రత్యేకమైన అభిమానం ఉంది. 2018లో విడుదలయిన ఈ మూవీకి ఇప్పుడు సీక్వెల్ తెరకెక్కనుందని వార్తలు వైరల్ అవుతున్నాయి. (పూర్తి వివరాల కోసం ఇక్కడ క్లిక్ చేయండి.)
'డబుల్ ఇస్మార్ట్' రిలీజ్ ఎప్పుడో చెప్పేసిన ఉస్తాద్ హీరో!
'డబుల్ ఇస్మార్ట్' మూవీ నిజానికి మార్చి లోనే రిలీజ్ కావాల్సింది. శివరాత్రి కానుకగా ఈ సినిమా రిలీజ్ చేస్తున్నట్లు మేకర్స్ ముందే ప్రకటించారు. కానీ షూటింగ్, పోస్ట్ ప్రొడక్షన్ పనులు ఇంకా బ్యాలెన్స్ ఉండడంతో మార్చి నుంచి వాయిదా వేశారు. అయితే ఇప్పటిదాకా కొత్త రిలీజ్ డేట్ ని మాత్రం ప్రకటించలేదు. ఏప్రిల్ నెలలో పెద్ద సినిమాలు, ఎన్నికల హడావిడి ఉండడంతో రామ్ ఫ్యాన్స్ ఈ సినిమా రిలీజ్ గురించి ఆందోళన చెందుతున్నారు. ఇలాంటి సమయంలో ఫ్యాన్స్ కి గుడ్ న్యూస్ చెప్పాడు రామ్. తాజాగా హైదరాబాద్ లో ఓ ఈవెంట్ కి హాజరైన రామ్ జూన్ లో 'డబుల్ ఇస్మార్ట్' మూవీని థియేటర్స్ లోకి తీసుకురాబోతున్నట్లు తెలిపారు. ఆ సమయానికి ఎన్నికల హడావిడి అంతా ముగిసిపోతుందని, జూన్‌లో సినిమా రిలీజ్ చేస్తామని తెలిపాడు. (పూర్తి వివరాల కోసం ఇక్కడ క్లిక్ చేయండి.)
గోవాలో ‘దేవర’ షూటింగ్, ఎన్టీఆర్ కొత్త లుక్ అదిరిందిగా!
యంగ్ టైగర్ ఎన్టీఆర్, బాలీవుడ్ బ్యూటీ జాన్వీ కపూర్ జంటగా నటిస్తున్న లేటెస్ట్ మూవీ ‘దేవర’. కొరటాల శివ దర్శకత్వంలో ఈ ప్రతిష్టాత్మక చిత్రం తెరకెక్కుతోంది. సముద్రం బ్యాక్ డ్రాప్ లో ఈ సినిమా రూపొందుతోంది. ‘జనతా గ్యారేజ్’ సినిమా తర్వాత ఎన్టీఆర్-కొరటాల శివ కాంబినేషన్ లో వస్తున్న ఈ చిత్రంపై ప్రేక్షకులలో భారీగా అంచనాలు నెలకొన్నాయి. అంచనాలకు తగినట్లుగానే ఈ మూవీకి సంబంధించి విడుదలైన పోస్టర్లు, టీజర్ ప్రేక్షకులను బాగా ఆకట్టున్నాయి. ప్రస్తుతం ఈ సినిమా షూటింగ్ శరవేగంగా కొనసాగుతోంది. (పూర్తి వివరాల కోసం ఇక్కడ క్లిక్ చేయండి.)
ఎన్టీఆర్ లాగే ట్యాగ్ మార్చుకున్న రామ్ చరణ్ - ఇక నుంచి మెగా పవర్ స్టార్ కాదు?
మన టాలీవుడ్ లో ఉన్న స్టార్ హీరోలకి పాన్ ఇండియా ఇమేజ్ వచ్చిన తర్వాత అప్పటివరకు ఉన్న తమ ట్యాగ్స్ ని అప్డేట్ చేసుకుంటున్నారు. అలా 'పుష్ప' కంటే ముందు స్టైలిష్ స్టార్ గా పిలువబడిన అల్లు అర్జున్.. తన ట్యాగ్ ను 'ఐకాన్ స్టార్' గా అప్డేట్ చేసుకున్నాడు. ఆ తర్వాత రీసెంట్ గా ఎన్టీఆర్ కూడా అదే పని చేశాడు. 'RRR' మూవీ వరకు యంగ్ టైగర్ గా కొనసాగిన తారక్.. ఇప్పుడు 'దేవర' తో 'మ్యాన్ ఆఫ్ మాస్ మాసెస్' గా మారాడు. ఇప్పుడు మరో స్టార్ హీరో రామ్ చరణ్ కూడా ఇదే దారిలో వెళ్తున్నాడు. 'RRR' సినిమా వరకు మెగా పవర్ స్టార్ ట్యాగ్ తో కొనసాగిన రామ్ చరణ్ ఇప్పుడు తన ట్యాగ్ ని అప్డేట్ చేసుకున్నాడు. (పూర్తి వివరాల కోసం ఇక్కడ క్లిక్ చేయండి.)
టాప్ హెడ్ లైన్స్
ట్రెండింగ్ వార్తలు
