Ram Charan : ఎన్టీఆర్ లాగే ట్యాగ్ మార్చుకున్న రామ్ చరణ్ - ఇక నుంచి మెగా పవర్ స్టార్ కాదు?

Ram Charan : మెగా హీరో రామ్ చరణ్ తాజాగా తన ట్యాగ్ ని అప్డేట్ చేసుకున్నాడు. ఈ విషయాన్ని 'RC16' మూవీ టీమ్ వెల్లడించింది.

రామ్ చరణ్(Image Credit : Ram Charan/Instagram)

Ram Charan Tag Changed : మన టాలీవుడ్ లో ఉన్న స్టార్ హీరోలకి పాన్ ఇండియా ఇమేజ్ వచ్చిన తర్వాత అప్పటివరకు ఉన్న తమ ట్యాగ్స్ ని అప్డేట్ చేసుకుంటున్నారు. అలా 'పుష్ప' కంటే ముందు స్టైలిష్ స్టార్ గా పిలువబడిన అల్లు అర్జున్.. తన ట్యాగ్ ను 'ఐకాన్ స్టార్' గా అప్డేట్ చేసుకున్నాడు. ఆ తర్వాత రీసెంట్ గా ఎన్టీఆర్ కూడా అదే పని చేశాడు. 'RRR' మూవీ వరకు యంగ్ టైగర్ గా కొనసాగిన తారక్.. ఇప్పుడు 'దేవర'  తో 'మ్యాన్ ఆఫ్ మాస్ మాసెస్' గా మారాడు. ఇప్పుడు మరో స్టార్ హీరో రామ్ చరణ్ కూడా ఇదే దారిలో వెళ్తున్నాడు. 'RRR' సినిమా వరకు మెగా పవర్ స్టార్ ట్యాగ్ తో కొనసాగిన రామ్ చరణ్ ఇప్పుడు తన ట్యాగ్ ని అప్డేట్ చేసుకున్నాడు.

మెగా పవర్ స్టార్ టూ గ్లోబల్ స్టార్

'RRR' సినిమాతో రామ్ చరణ్ కి గ్లోబల్ వైడ్ గా గుర్తింపు వచ్చింది. ప్రపంచవ్యాప్తంగా ఉన్న ఆడియన్స్ రామ్ చరణ్ ని అభిమానించడం మొదలుపెట్టారు. దాంతో ఫ్యాన్స్ కూడా చరణ్ ని 'గ్లోబల్ స్టార్' అని పిలవడం మొదలుపెట్టారు. దాంతో ఆ మధ్య 'గ్లోబల్ స్టార్' అనే హ్యాష్ ట్యాగ్ కూడా బాగా ట్రెండ్ అయింది. ఇప్పుడు ఇదే ట్యాగ్ ని రామ్ చరణ్ అఫీషియల్ గా తన సినిమాకి మార్చుకున్నాడు. బుచ్చిబాబుతో చరణ్ చేస్తున్న 'RC16' సినిమాతో చరణ్ 'గ్లోబల్ స్టార్' అనే ట్యాగ్ తో రాబోతున్నాడు. తాజాగా జరిగిన RC16 పూజ కార్యక్రమాలకు సంబంధించి ఓ వీడియోని రిలీజ్ చేశారు మేకర్స్. ఈ వీడియోలోనే రామ్ చరణ్ పేరును 'గ్లోబల్ స్టార్' ట్యాగ్ తో ప్రజెంట్ చేశారు. ఇది తెలిసిన మెగా ఫ్యాన్స్ రామ్ చరణ్ కి మెగా పవర్ స్టార్ ట్యాగ్ కన్నా గ్లోబల్ స్టార్ అనే ట్యాగ్ సరిగ్గా సూట్ అయింది అంటూ కామెంట్స్ చేస్తున్నారు.

An auspicious beginning to #RC16 with the Pooja Ceremony ❤️‍🔥

▶️ https://t.co/R9DEOtFVXz

Graced & blessed by MEGASTAR @KChiruTweets Garu, @shankarshanmugh Garu, #AlluAravind Garu and #DilRaju Garu ✨

Shoot begins soon!#RamCharanRevolts
Global Star @AlwaysRamCharan… pic.twitter.com/OstBQwv1yN

— Vriddhi Cinemas (@vriddhicinemas) March 22, 2024

'RC16' కి ఫస్ట్ క్లాప్ కొట్టిన మెగాస్టార్

'RC16' మూవీ లాంచ్ ఈవెంట్ చాలా గ్రాండ్ గా జరిగింది. ఈ ఈవెంట్ కి రామ్ చరణ్ తో పాటు ఉపాసన కూడా హాజరయ్యారు. అలాగే మెగాస్టార్ చిరంజీవి స్పెషల్ గెస్ట్ గా విచ్చేసి హీరో, హీరోయిన్స్ పై ఫస్ట్ క్లాప్ కొట్టారు. జాన్వి కపూర్ తన తండ్రి బోని కపూర్ తో కలిసి వచ్చింది. 'గేమ్ ఛేంజర్' డైరెక్టర్ శంకర్, సుకుమార్, ఏఆర్ రెహమాన్ లతో పాటూ దిల్ రాజు, అల్లు అరవింద్ లాంటి అగ్ర నిర్మాతలు సైతం హాజరై మూవీ టీంకి బెస్ట్ విషెస్ తెలిపారు. మ్యూజిక్ డైరెక్టర్ ఏ ఆర్ రెహమాన్ ఈ ఈవెంట్ కోసమే చెన్నై నుంచి ప్రత్యేకంగా హైదరాబాద్ రావడం విశేషం.

 'RC16' టైటిల్ 'పెద్ది'

బుచ్చిబాబు - రామ్ చరణ్ కాంబినేషన్లో తెరకెక్కబోయే సినిమా రూరల్ విలేజ్ స్పోర్ట్స్ బ్యాక్ డ్రాప్ లో సాగనుంది. సినిమాలో రామ్ చరణ్ ఉత్తరాంధ్ర యువకుడిగా కనిపించనున్నారు. అతని స్లాంగ్ నుంచి గెటప్ వరకూ అంతా కొత్తగా ఉండబోతోంది. కాగా కథకి అనుగుణంగా ఈ సినిమాకి 'పెద్ది' అనే టైటిల్ ని మేకర్స్ ఫిక్స్ చేసినట్లు తాజా సమాచారం. ఈనెల 27 రామ్ చరణ్ పుట్టినరోజు సందర్భంగా ఈ సినిమా టైటిల్ అండ్ ఫస్ట్ లుక్ ని రిలీజ్ చేయనున్నట్లు సమాచారం.