Devara : 'దేవర' షూటింగ్ నుంచి ఎన్టీఆర్ వీడియో లీక్ - తారక్ గెటప్ చూసి ఫ్యాన్స్ ఫిదా!

Devara : 'దేవర' షూటింగ్లో ఎన్టీఆర్ నడుచుకుంటూ వస్తున్న ఓ వీడియో క్లిప్ లీకై సోషల్ మీడియాలో హల్చల్ చేస్తోంది.

ఎన్టీఆర్(Image Credit : Devara/Twitter)

NTR’s Leaked Video From Devara Set : ప్రస్తుతం మన టాలీవుడ్ స్టార్ హీరోలందరూ తమ తమ సినిమా షూటింగ్స్ తో బిజీగా ఉన్నారు. అయితే ఈ షూటింగ్ సమయంలో మూవీ టీం కి లీకులు పెద్ద తలనొప్పిగా మారాయి. షూటింగ్ స్పాట్ నుంచి ఎవరో ఒకరు ఫోటోలు, వీడియోలు తీసి దాన్ని సోషల్ మీడియాలో పోస్ట్ చేస్తున్నారు. అవి కాస్త నెట్టింట హాట్ టాపిక్ అవుతున్నాయి. మొన్నటి వరకు 'గేమ్ చేంజర్', 'పుష్ప' వంటి సినిమాలు లీకుల బారిన పడగా.. ఇప్పుడు ఎన్టీఆర్ 'దేవర' విషయంలోనూ అదే జరిగింది. తాజాగా 'దేవర' షూటింగ్ కి సంబంధించి ఎన్టీఆర్ వీడియో ఒకటి లీకై నెట్టింట హల్చల్ చేస్తోంది.

'దేవర' నుంచి ఎన్టీఆర్ వీడియో లీక్

ఎన్టీఆర్, జాన్వి కపూర్ హీరో హీరోయిన్లుగా కొరటాల శివ దర్శకత్వం వహిస్తున్న 'దేవర' మూవీ షూటింగ్ ప్రస్తుతం గోవాలో జరుగుతోంది. ఈ లేటెస్ట్ షెడ్యూల్లో జాన్వి కపూర్, ఎన్టీఆర్ లపై ఓ సాంగ్ తో పాటు కొన్ని యాక్షన్ సీన్స్ ని తెరకెక్కించబోతున్నట్లు తెలిసింది. ఈ క్రమంలోనే తాజాగా గోవాలో సముద్రం దగ్గర షూటింగ్ జరుగుతుండగా ఎన్టీఆర్ సముద్రంలో నుంచి నడుచుకుంటూ వస్తున్న ఓ చిన్న వీడియో క్లిప్ లీక్ అయింది. షూటింగ్ జరుగుతుండగా ఎవరో దాన్ని చాలా దూరంగా ఉన్న చెట్టు మీద నుంచి వీడియో తీసి సోషల్ మీడియాలో పోస్ట్ చేశారు. దాంతో ఈ వీడియో కాస్త నెట్టింట తెగ వైరల్ గా మారింది. ఇందులో ఎన్టీఆర్ లుక్ చూసి ఫ్యాన్స్ తెగ ఖుషీ అవుతున్నారు. వీడియోలో ఎన్టీఆర్ ఉంగరాల జుట్టుతో లుంగీ కట్టుకుని భుజం పై కండుగా కప్పుకుని నడుచుకుంటూ వెళ్తున్నాడు. దీంతో ఈ వీడియోని తారక్ ఫ్యాన్స్ సోషల్ మీడియాలో తెగ షేర్ చేస్తున్నారు.

#Devara 🌊 leaked video pic.twitter.com/URW4NgObGW

— its_ Venकी😎 (@Venky_1202) March 22, 2024

'దేవర' ఫస్ట్ సింగిల్ ఆరోజే

'దేవర' సినిమాకు కోలీవుడ్ మ్యూజిక్ సెన్సేషన్ అనిరుద్ రవిచంద్రన్ సంగీతం అందిస్తున్నారు. ఇటీవల విడుదలైన 'దేవర' గ్లింప్స్ కి అనిరుద్ ఇచ్చిన బీజీయం నెక్స్ట్ లెవెల్ లో ఉండడంతో 'దేవర' సాంగ్స్ కోసం ఫ్యాన్స్ లో మరింత ఆసక్తి నెలకొంది. ఈ క్రమంలోనే 'దేవర' ఫస్ట్ సింగల్ రిలీజ్ చేసేందుకు మేకర్స్ సన్నాహాలు చేస్తున్నట్లు టాక్ వినిపిస్తోంది. మే 20 ఎన్టీఆర్ బర్త్ డే కానుకగా ఫస్ట్ సింగిల్ ని రిలీజ్ చేయాలని మూవీ టీం భావిస్తున్నట్లు తెలుస్తోంది. త్వరలోనే దీనిపై అనౌన్స్మెంట్ రానుంది.

డ్యూయల్ రోల్ లో ఎన్టీఆర్

'దేవర' మూవీలో ఎన్టీఆర్ డ్యూయల్ రోల్ చేస్తున్నారు. ఈ విషయాన్ని మూవీ టీం ఓ హింట్ ఇచ్చి మరీ కన్ఫర్మ్ చేసింది. 'దేవర' రిలీజ్ డేట్ అనౌన్స్ చేస్తూ వదిలిన పోస్టర్లో ఎన్టీఆర్ యంగ్ లుక్ లో కనిపించాడు. అంతేకాదు ఆ పోస్టర్ మీద 'దేవర' పేరులో 'వర' అని రెడ్ కలర్ థీమ్ ని హైలైట్ చేశారు. దీన్నిబట్టి సినిమాలో ఎన్టీఆర్ తండ్రి, కొడుకులుగా అలరించబోతున్నట్లు స్పష్టమవుతుంది. ప్రస్తుతం శరవేగంగా చిత్రీకరణ జరుపుకుంటున్న ఈ సినిమా రెండు భాగాలుగా రాబోతోంది. అందులో మొదటి భాగం 'దేవర పార్ట్-1' దసరా కానుకగా అక్టోబర్ 10న విడుదల కాబోతోంది.