Tollywood Gossips: చరణ్ సినిమాలో ట్రైన్ ఎపిసోడ్.. మహేష్ రిజెక్ట్ చేసిన కథతో విజయ్.. 

ఈరోజు టాలీవుడ్ కి సంబంధించిన లేటెస్ట్ గాసిప్స్ మీకోసం..

చరణ్ సినిమాలో ట్రైన్ ఎపిసోడ్

చరణ్ సినిమాలో ట్రైన్ ఎపిసోడ్..

'ఆర్ఆర్ఆర్' తరువాత రామ్ చరణ్ ఎవరితో సినిమా చేయబోతున్నారనే విషయంలో క్లారిటీ వచ్చేసింది. శంకర్ దర్శకత్వంలో భారీ పాన్ ఇండియా సినిమాలో రామ్ చరణ్ నటించబోతున్నారు. అయితే ఈ సినిమాలో కీలకమైన ఘట్టంలో ట్రైన్ ఎపిసోడ్ వస్తుందని సమాచారం. ఈ సన్నివేశాల్లో రామ్ చరణ్ హీరోయిజాన్ని ఓ రేంజ్ లో ఎలివేట్ చేయబోతున్నారట. ఈ సీన్ కోసం దాదాపు పది కోట్ల రూపాయలను ఖర్చు చేయబోతున్నారని టాక్. ఇదొక భారీ యాక్షన్ సన్నివేశమని తెలుస్తోంది. వందలాది మంది ఫైటర్స్ తో ఈ యాక్షన్ సీక్వెన్స్ ఉంటుందట. ఈ ట్రైన్ ఎపిసోడ్ సినిమా మొత్తానికి మెయిన్ హైలైట్ కాబోతుందని తెలుస్తోంది. దానికోసం స్పెషల్ గా ఓ సెట్ కూడా వేయబోతున్నారట. దాదాపు రెండు వందల కోట్ల బడ్జెట్ తో నిర్మించనున్న ఈ సినిమాలో కియారా అద్వానీ హీరోయిన్ గా నటించబోతుంది. 

మహేష్ రిజెక్ట్ చేసిన కథతో విజయ్.. 

ఇండస్ట్రీలో ఒక హీరోతో అనుకున్న కథలు మరో హీరోకి వెళ్తుండడం కామన్. అయితే ఇప్పుడొక స్టార్ హీరో రిజెక్ట్ చేసిన కథతో మరో స్టార్ హీరో సినిమా చేస్తున్నాడట. వంశీ పైడిపల్లి-మహేష్ బాబు కాంబినేషన్ లో 'మహర్షి' సినిమా వచ్చిన సంగతి తెలిసిందే. ఈ సినిమా తరువాత మరోసారి ఇద్దరూ కలిసి సినిమా చేయాలనుకున్నారు. ఈ మేరకు వంశీ ఓ కథ కూడా సిద్ధం చేశాడు. కానీ అది కాస్త 'శ్రీమంతుడు', 'మహర్షి' సినిమాలకు దగ్గరగా ఉండడంతో మహేష్ నో చెప్పేశాడు. అదే కథను కోలీవుడ్ హీరో విజయ్ కి వినిపించి ప్రాజెక్ట్ ఓకే చేయించుకున్నాడు వంశీ పైడిపల్లి. త్వరలోనే ఈ సినిమా సెట్స్ పైకి వెళ్లనుంది. 

వడివేలుతో కీర్తి సురేష్.. 

సూపర్ స్టార్స్ తో కలిసి నటిస్తోన్న కీర్తి సురేష్ ఇప్పుడు మంచి ఫామ్ లో ఉంది. అలాంటిది ఇప్పుడు ఆమె కమెడియన్ వడివేలు సరసన 'నాయ్ శేఖర్ రిటర్న్స్' అనే సినిమాలో నటించనున్నారని కోలీవుడ్ టాక్. సురాజ్ డైరెక్ట్ చేస్తోన్న ఈ సినిమా శునకాల నేపథ్యంలో సాగనుంది. ఈ సినిమాలో వడివేలు సరసన కీర్తి నటించనుందని అంటున్నారు. అయితే ఇందులో వడివేలుకి జోడీ లేదని.. సినిమాలో మరో కీలకపాత్రలో కీర్తి సురేష్ నటించనుందని అంటున్నారు. మరి ఈ సినిమాపై కీర్తి క్లారిటీ ఇస్తుందేమో చూడాలి!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి.