Spirit Movie : వివేక్ ఒబెరాయ్‌తో ఉన్న అమ్మాయి ఎవరో తెలుసా? - ప్రభాస్ 'స్పిరిట్' పోస్టర్‌తోనే ఓవర్ నైట్ స్టార్

Vivek Oberoi First Look : ప్రభాస్ స్పిరిట్‌లో వివేక్ ఒబెరాయ్ ఫస్ట్ లుక్ వైరల్ అవుతోంది. ఈ పోస్టర్‌లో కొత్త అమ్మాయి కనిపిస్తుండగా... ఆమె ఎవరా అంటూ నెటిజన్లు తెగ సెర్చ్ చేస్తున్నారు.

వివేక్ ఒబెెరాయ్ పోస్టర్‌లో ఉన్నది ఎవరు?

Source : https://www.instagram.com/p/DVQohB8CVW3/?hl=en

Mystery Girl Photo Trending In Vivek Oberoi Poster From Spirit Movie : పాన్ ఇండియా స్టార్ ప్రభాస్, స్టార్ డైరెక్టర్ సందీప్ వంగా కాంబోలో అవెయిటెడ్ హై రేంజ్ యాక్షన్ థ్రిల్లర్ 'స్పిరిట్'. మూవీలో బాలీవుడ్ స్టార్ వివేక్ ఒబెరాయ్ విలన్ రోల్ చేస్తుండగా... ఆయన లుక్ శుక్రవారం రివీల్ చేశారు మేకర్స్. పవర్ ఫుల్ యాక్షన్ మోడ్‌లో వివేక్ లుక్ ఉండగా... అదే పోస్టర్‌లో మరో అమ్మాయి ఫోటో ఉండడం అందరినీ ఆకర్షించింది.

ఆమె ఎవరు?

నోట్లో సిగార్‌తో యాక్షన్ లుక్ అదిరిపోగా... ఓ డాన్‌గా వివేక్ కనిపించనున్నట్లు పోస్టర్‌ను బట్టి అర్థమవుతోంది. 'వన్ బ్యాడ్ హ్యాబిట్ ఇన్ స్పిరిట్ మోడ్' అంటూ వివేక్ లుక్ రిలీజ్ చేయగా... పోస్టర్‌లో ఆయనతో పాటు ఓ అమ్మాయి కూడా ఉంది. వివేక్‌తో ఉన్న అమ్మాయి ఎవరా? అని నెటిజన్లు తెగ సెర్చ్ చేస్తున్నారు.

ఆమె పేరు ఐశ్వర్యా దేశాయ్. యూనివర్సిటీ ఆఫ్ మేరీల్యాండ్ నుంచి మార్కెటింగ్‌లో డిగ్రీ పూర్తి చేశారు. ఇండో అమెరికన్ నటి అయిన ఐశ్వర్య... బాలీవుడ్ మూవీ 'గల్లీ బాయ్'లో నటించారు. 'ర్యాట్ ఇన్ ద కిచెన్' షార్ట్ ఫిల్మ్‌లో నటించి ఫుల్ పాపులారిటీ సంపాదించుకున్న ఆమె... ఉత్తమ సహాయ నటిగా అవార్డు కూడా అందుకున్నారు. వివేక్ ఒబెరాయ్‌తో పోస్టర్ షేర్ చేసుకోవడంతో మూవీలో ఆమెది ఇంపార్టెంట్ రోల్ అని తెలుస్తోంది. 'స్పిరిట్' మూవీతోనే తెలుగు తెరకు పరిచయం అవుతున్నారు. ఒక్క పోస్టర్‌తోనే ఫుల్ క్రేజ్ సంపాదించుకుంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sandeep Reddy Vanga (@sandeepreddy.vanga)

ఈ మూవీలో ప్రభాస్ సరసన త్రిప్తి డిమ్రి హీరోయిన్‌గా నటిస్తున్నారు. ఇప్పటికే రిలీజ్ చేసిన టీజర్, లుక్స్ గూస్ బంప్స్ తెప్పిస్తున్నాయి. బాలీవుడ్ యాక్టర్ విలన్ రోల్ చేస్తుండగా ఫస్ట్ లుక్ అదిరిపోయింది. విలక్షణ నటుడు ప్రకాష్ రాజ్ కీలకపాత్ర పోషిస్తుండగా... సీనియర్ నటి కాంచన కీలకపాత్రల్లో నటిస్తున్నారు. టి సిరీస్ ఫిల్మ్స్, భద్రకాళి పిక్చర్స్ సంస్థలపై భూషణ్ కుమార్, ప్రణయ్ రెడ్డి వంగా, క్రిషన్ కుమార్ నిర్మిస్తున్నారు. 

ఇప్పటివరకూ చూడని ఓ డిఫరెంట్ రోల్‌లో పవర్ ఫుల్ పోలీస్ ఆఫీసర్‌గా ప్రభాస్ కనిపించనున్నారు. మాఫియా బ్యాగ్రౌండ్‌తో పాటు పోలీస్ కథను కూడా చూపించనున్నట్లు టీజర్‌ను బట్టి అర్థమవుతోంది. పోలీస్ ఆఫీసర్ అయినా ప్రభాస్ జైలుకు వెళ్లడాన్ని టీజర్‌లో చూపించడంతో స్టోరీపై హైప్ క్రియేట్ అవుతోంది. పాన్ ఇండియా స్థాయిలో తెలుగుతో పాటు హిందీ, తమిళం, కన్నడ, మలయాళం, చైనీస్, కొరియన్ భాషలు సహా ఇతర ఫారిన్ లాంగ్వేజెస్‌లో వచ్చే ఏడాది మార్చి 5న సినిమా ప్రేక్షకుల ముందుకు రానుంది.

మరిన్ని చదవండి

విష్ణు విన్యాసం ఫస్ట్ డే కలెక్షన్స్ - శ్రీవిష్ణు కామెడీ ఎంటర్టైనర్ ఎంత కలెక్ట్ చేసిందంటే?