Moses J Moseley Shot Dead: కారు పక్కనే డెడ్ బాడీ... శరీరంపై బుల్లెట్ గాయం! మోసెస్‌ను హ‌త్య చేశారా? ఆత్మహత్య చేసుకున్నారా?
'ది వాకింగ్ డెడ్' స్టార్ మోసెస్ జె. మోస్లే ఇకలేరు. అయితే... ఆయనది హత్యా? ఆత్మహత్యా? అనేది మిస్టరీగా మారింది.
'ది వాకింగ్ డెడ్'లో టీవీ సిరీస్‌లో జాంబీలలో ఒకరిగా నటించిన మోసెస్ జె. మోస్లే తుదిశ్వాస విడిచారు. ఆయన వయసు 31 సంవత్సరాలు. అయితే... ఆయనది హత్యా? ఆత్మహత్యా? అనేది మిస్టరీగా మారింది.
మోసెస్ కుటుంబ సభ్యులు జనవరి 21 నుంచి అతడి ఆచూకీ తెలియలేదని తెలిపారట. ఎక్కడ ఉన్నాడనే సమాచారం లేకపోవడం, ఫోన్ ద్వారా అందుబాటులోకి రాకపోవడంతో జనవరి 23న (బుధవారం) మిస్సింగ్ కంప్లైంట్ ఇచ్చారు. పోలీసులు కార్ సెక్యూరిటీ కంపెనీని కాంటాక్ట్ చేయగా... జీపీఎస్ ఆధారంగా కార్ ట్రాక్ చేశారు. కార్ దగ్గరే మోసెస్ మృతదేహం లభించింది.
మోసెస్ ఒంటి మీద గన్ షాట్ ఉంది. ఎవరైనా తుపాకీతో అతడిని కాల్చి చంపారా? లేదంటే అతడే షూట్ చేసుకుని ఆత్మహత్య చేసుకున్నారా? అనేది ఇంకా తెలియలేదు. ఆత్మహత్య అనే కోణంలో అమెరికన్ పోలీసులు దర్యాప్తు చేస్తున్నారట. అమెరికాలోని అట్లాంటా శివార్లలో గల హడ్సన్ బ్రిడ్జ్ ఏరియాలో మోసెస్ మృతదేహం లభించింది. అక్కడి పోలీసులు దర్యాప్తు చేస్తున్నారు. 'వాచ్ మెన్', 'క్వీన్ ఆఫ్ సౌత్' షోలలో కూడా మోసెస్ జె. మోస్లే నటించారు. ఆయన మృతి పట్ల పలువురు సంతాపం వ్యక్తం చేశారు.
View this post on Instagram
Our thoughts and prayers are with our #TWDFamily member Moses J. Moseley. pic.twitter.com/ahCrRNA652
— The Walking Dead on AMC (@WalkingDead_AMC) February 1, 2022
టాప్ హెడ్ లైన్స్
ట్రెండింగ్ వార్తలు
