CM Jagan & Chiranjeevi: ఏపీ సీయం జ‌గ‌న్‌తో చిరంజీవి భేటీ... టికెట్ రేట్స్ గురించి చ‌ర్చిస్తారా?

ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డితో మెగాస్టార్ చిరంజీవి ఈ రోజు భేటీ కానున్నారు. వీరి మధ్య టికెట్ రేట్స్ అంశం చర్చకు వస్తుందా?

జగన్ మోహన్ రెడ్డి, చిరంజీవి

మెగాస్టార్ చిరంజీవికి ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి ఈ రోజు అపాయింట్‌మెంట్‌ ఇచ్చారు. నేడు (గురువారం) మధ్యాహ్నం వీరిద్దరూ భేటీ కానున్నారు. కలిసి భోజనం చేయనున్నారు. ఏపీలో టికెట్ రేట్స్, థియేటర్స్ సీజ్ తదితర అంశాల గురించి పెద్ద ఎత్తున చర్చ జరుగుతున్న నేపథ్యంలో ఏపీ సీయంతో మెగాస్టార్ భేటీ మీద సర్వత్రా ఆసక్తి నెలకొంది.

జగన్, చిరంజీవి సమావేశంలో ప్రధానంగా టికెట్ రేట్స్ అంశం చర్చకు రావచ్చని ఫిల్మ్ ఇండస్ట్రీ వర్గాలు భావిస్తున్నాయి. ఇటీవల వైసీపీకి చెందిన ఎమ్మెల్యే ఒకరు నిర్మాతలు బలిసి కొట్టుకుంటున్నారని వ్యాఖ్యానించడం... అందుకు నిర్మాత ఎన్వీ ప్రసాద్ కౌంటర్ ఇవ్వడం, ఆ తర్వాత తమ్మారెడ్డి భరద్వాజ మాట్లాడటం తెలిసిన విషయాలే. టికెట్ రేట్స్ తగ్గిస్తూ ఏపీ ప్రభుత్వం తీసుకున్న నిర్ణయం పెద్ద వివాదానికి దారి తీసిందని చెప్పాలి. రోజు రోజుకూ సమస్య పరిష్కారం దిశగా వెళుతుండటం సంగతి అటు ఉంచితే... కొందరు చేసే విమర్శలు, ప్రతి విమర్శలతో వాతావరణం వేడెక్కుతోంది. ఈ నేపథ్యంలో అన్ని వివాదాలకు ముగింపు పలికేలా సామరస్య పరిష్కారం కోసం వీరిద్దరూ చిరంజీవి ప్రయత్నిస్తున్నారని సమాచారం.
Also Read: జాతకాలు తేల్చుకుందాం.. దమ్ముంటే ఓపెన్‌ డిబేట్‌కు రండి.. వైఎస్అర్‌సీపీ ఎమ్మెల్యేలకు తమ్మారెడ్డి సవాల్ !
తెలుగు రాష్ట్రాల్లో టికెట్ రేట్స్ మధ్య చాలా వ్యత్యాసం ఉంది. ఒకవైపు తెలంగాణాలో టికెట్ రేట్స్ పెంచుకోవడానికి కెసిఆర్ ప్రభుత్వం అనుమతులు ఇచ్చింది. హైదరాబాద్ సిటీలోని కొన్ని మ‌ల్టీప్లెక్స్‌లో మూడు వందల రూపాయల టికెట్ రేట్ కూడా ఉంది. మరోవైపు ఏపీలో మ‌ల్టీప్లెక్స్‌లో నగర ప్రాంతాల్లో ఓ విధంగా, గ్రామీణ ప్రాంతాల్లో మరో విధంగా టికెట్ రేట్స్ ఉన్నాయి. అంత తక్కువ టికెట్ రేట్స్ వల్ల పరిశ్రమకు ఇబ్బంది అనేది టాలీవుడ్ నిర్మాతలు, హీరోలు, డిస్ట్రిబ్యూటర్లు చెబుతున్న మాట. 

Also Read: బలిసికొట్టుకుంటోంది మీరే.. వైఎస్‌ఆర్‌సీపీ ఎమ్మెల్యేపై మండిపడిన నిర్మాత !
Also Read: త్రివిక్ర‌మ్ గారూ... ఆ సీన్ యూట్యూబ్‌లో రిలీజ్ చేయండి!
Also Read: అక్కడ వినిపించుకునే నాథుడు ఉండాలి కదా..? టికెట్ రేట్ ఇష్యూపై బాలయ్య వ్యాఖ్యలు..
Also Read: థియేటర్ల కోసం సినిమాలు దాచాల్సిన అవసరం నాకు లేదు! వాళ్లు హ్యాపీగా ఉండాలనే... - నాని ఇంటర్వ్యూ
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి