Prabhas: 'సలార్' సినిమా రీషూటింగ్.. ఇంటర్వెల్ ఎపిసోడ్ పై స్పెషల్ ఫోకస్.. 

ప్రభాస్ నటిస్తోన్న 'సలార్' సినిమా రీషూట్ జరుపుకుంటుందని తెలిసి ప్రభాస్ ఫ్యాన్స్ టెన్షన్ పడుతున్నారు.

'సలార్' సినిమా రీషూటింగ్..

'బాహుబలి' సినిమా తరువాత ప్రభాస్ అన్నీ పాన్ ఇండియా కథలనే లైన్లో పెడుతున్నాడు. ఆయన మొదలుపెట్టిన 'రాధేశ్యామ్' సినిమా షూటింగ్ చాలా కాలం పాటు జరిగింది. మధ్యలో లాక్ డౌన్ కారణంగా షూటింగ్ కి కొంతకాలం గ్యాప్ వచ్చింది. అలానే కొన్ని సన్నివేశాలను రీషూట్ కూడా చేశారు. దీనివలనే సినిమా రిలీజ్ కు ఆలస్యమైంది. ఫైనల్ గా వచ్చే ఏడాది సంక్రాంతి కానుకగా సినిమా విడుదల కాబోతుంది. 

అయితే ఇప్పుడు ప్రభాస్ నటిస్తోన్న 'సలార్' సినిమా కూడా రీషూట్ జరుపుకుంటుందని తెలిసి ప్రభాస్ ఫ్యాన్స్ టెన్షన్ పడుతున్నారు. ప్రశాంత్ నీల్ దర్శకత్వంలో తెరకెక్కుతోన్న ఈ సినిమాను గతేడాది డిసెంబర్ లో అనౌన్స్ చేసి.. ఈ ఏడాది జనవరిలో షూటింగ్ మొదలుపెట్టారు. వచ్చే ఏడాది ఏప్రిల్ 14న విడుదల చేస్తామని.. రిలీజ్ డేట్ కూడా చెప్పేశారు. షూటింగ్ వేగంగా జరుగుతుండడంతో చెప్పిన టైంకి రిలీజ్ చేస్తారని అంతా భావించారు. 

కానీ ఇప్పుడు సినిమా రీషూటింగ్ జరుపుకోనుందని సమాచారం. కథ ప్రకారం.. ఈ సినిమాకి ఇంటర్వెల్, క్లైమాక్స్ ఎపిసోడ్స్ చాలా కీలకం. ఈ సన్నివేశాలు సినిమాకి హైలైట్ అయ్యేలా డిజైన్ చేయాలనుకున్నారు. ఇప్పటికే ఇంటర్వెల్ సీన్స్ కి సంబంధించిన షూటింగ్ జరిగిపోయింది. అయితే ఆ సన్నివేశాలు ఆశించిన స్థాయిలో రాలేదని ప్రశాంత్ నీల్ భావిస్తున్నాడట. దీంతో మరోసారి చిత్రీకరించాలని నిర్ణయించుకున్నారట. 
'సలార్' విషయంలో ఎక్కడా రాజీ పడకూడదని ఫిక్స్ అయ్యాడు ప్రశాంత్ నీల్. అందుకే రీషూట్ కి రెడీ అయ్యారు. ఈ సినిమాలో ప్రభాస్ రగ్డ్ లుక్ లో కనిపించబోతున్నారు. ఇప్పటికే విడుదలైన సినిమా పోస్టర్స్ ఫ్యాన్స్ ను ఆకట్టుకున్నాయి. ఇందులో శృతిహాసన్ హీరోయిన్ గా నటిస్తోంది. జగపతి బాబు కీలక పాత్రలో కనిపించనున్నారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి