Prabhas: ప్రభాస్@25.. కొత్త సినిమా ప్రకటన ఆ రోజే, టైటిల్ ఇదేనా?

ప్రభాస్ చేసే సినిమాలకు క్రేజ్ ఎక్కువ. త్వరలో తన 25 వ సినిమాను ప్రకటించబోతున్నాడట డార్లింగ్ స్టార్.

ప్రశాంత్ నీల్ తో ప్రభాస్ (Image credit: Instagram)

‘బాహుబలి’ సినిమా ప్రభాస్ క్రేజ్ ను అమాంతం పెంచేసింది. పాన్ ఇండియా స్టార్ గా మార్చేసింది. సలార్, రాధేశ్యామ్, ఆది పురుష్... ఈ మూడు సినిమాలు వరుస పెట్టి విడుదల కానున్నాయి. ఆ తరువాత ప్రభాస్ చేయబోయే సినిమా నాగ్ అశ్విన్ దర్శకత్వంలో చేయబోయే ‘ప్రాజెక్ట్ కె’.ఈ సినిమాకు ఇంకా పేరు ఖరారు చేయలేదు. ఈ సినిమా తరువాత ప్రభాస్ ఒప్పుకోబోయే సినిమా అతడి 25వ సినిమా అవుతుంది. ఆ సినిమాకు దర్శకత్వం వహిస్తారు? నిర్మాత ఎవరు? ఆ సినిమా పేరు ఏమై ఉంటుంది? ఇలా చాలా సందేహాలు ప్రభాస్ అభిమానుల్లో కలుగుతున్నాయి. ఈ సందేహాలన్నింటికీ అక్టోబర్ 7న ఫుల్ స్టాప్ పడనుంది. ఆరోజున అధికారికంగా ప్రభాస్ తన 25వ సినిమాను ప్రకటించనున్నారట. 

సోషల్ మీడియాలో ప్రభాస్ 25వ సినిమాకు సంబంధించి కొన్ని రోజులుగా ఓ వార్త వైరల్ అవుతోంది. ఆ సినిమా పేరు  ‘వృందావన’ అని, ఇప్పటికే ఆ టైటిల్ ను రిజిస్టర్ చేయించారని టాక్ నడుస్తోంది. ఈ సినిమా దిల్ రాజు నిర్మాణంలో, హిస్టారికల్ బ్యాక్ డ్రాప్ లో పీరియాడికల్ మైథాలజీ డ్రామాగా రాబోతోందట. ఇది నిజమో కాదో తెలియాలంటే అధికారికంగా ఓ ప్రకటన రావాల్సిందే. అతి త్వరలో ప్రకటన చేసేందుకు చిత్రయూనిట్ కూడా సిద్ధమవుతోంది. 

దర్శకుడిగా ప్రశాంత్ నీల్ నే మళ్లీ ఎంపిక చేసినట్టు కూడా టాలీవుడ్ టాక్. ఇప్పటికే ప్రభాస్ అతని దర్శకత్వంలో ‘సలార్’ సినిమాలో నటిస్తున్నాడు. తిరిగి అదే కాంబినేషన్లో ప్రభాస్ 25వ సినిమా రాబోతోందని అంటున్నారు. కెజీఎఫ్ చాప్టర్ 1తో ప్రశాంత్ నీల్ కు క్రేజీ దర్శకుడిగా ముద్రపడింది. ఆయన ‘కెజీఎఫ్ చాప్టర్ 2’ షూటింగ్ కూడా దాదాపు పూర్తి చేశాడు.  అయితే ప్రభాస్ 25వ సినిమా విడుదలవ్వడానికి మాత్రం రెండుమూడేళ్లు పట్టొచ్చని అంచనా . 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి