Telugu Hero: ఈ ఫోటోలోని ఓ పిల్లాడు ఇప్పుడు తెలుగు వారికి నచ్చిన హీరో... ఎవరో కనిపెట్టారా?

హీరోలా చిన్నప్పుడు ఫోటోలు చూడడం అభిమానులకు ఆనందాన్నికలిగిస్తాయి. ఈ ఫోటో ఓ హీరో చిన్నప్పటిది.

(Image credit: Instagram)

ఫోటోలో ఇద్దరు అబ్బాయిలు ఉన్నారు కదా, అందులో చిన్న పిల్లాడు ఇప్పుడు బిజీ హీరో. ఆ పిల్లాడి ముఖాన్ని  కాసేపు పరిశీలనగా చూస్తే చాలు మీకు ఆ హీరో ఇట్టే గుర్తొచ్చేస్తారు. ఎలాంటి సినిమా నేపథ్యం లేకుండానే మంచి హీరోగా పేరుతెచ్చుకున్న ఆ కుర్ర హీరో నాగశౌర్య. తన అన్నయ్య పుట్టినరోజు సందర్భంగా తమ చిన్నప్పటి ఫోటోను పోస్టు చేసి మరీ బ్రదర్ కు శుభాకాంక్షలు చెప్పారు. ఈ ఫోటోలో నాగశౌర్య చాలా క్యూట్ గా ఉన్నాడు. ప్రస్తుతం ఇతని చేతిలో నాలుగైదు సినిమాలు ఉన్నాయి. చిన్న హీరోల్లో చాలా బిజీగా ఉండే వాళ్లలో నాగశౌర్య ఒకరు. 

దసరాకు రీతూ వర్మతో జంటగా నటించిన వరుడు కావలెను సినిమా విడుదలవ్వబోతోంది. లక్ష్య, పోలీస్ వారి హెచ్చరిక, నారి నారి నడుమ మురారి సినిమాలతో పాటూ మరో పేరు పెట్టని సినిమాలోనూ నటిస్తున్నారు ఈ కుర్ర హీరో. తొలిసారి 2011లో క్రికెట్ గర్ల్స్ అండ్ బీర్ అనే సినిమాలో నటించారు. కానీ ఏ గుర్తింపూ రాలేదు. మూడేళ్ల పాటూ ఒక్క సినిమా అవకాశం రాలేదు. 2014 అతనికి విజయాన్ని తీసుకొచ్చిన ఏడాది. అప్పట్నించి ఇప్పటి వరకు వరుస సినిమాలో బిజీ అయిపోయాడు నాగశౌర్య. 2014లో చందమామ కథలతో పాటూ ఊహలు గుసగుసలాడే, దిక్కులు చూడకు రామయ్య, లక్ష్మి రావే మా యింటికి సినిమాలు విడుదలయ్యాయి. ఈ నాలుగు సినిమాలు నాగశౌర్యకు మంచి పేరు తెచ్చిపెట్టాయి. ముఖ్యం ఊహలు గుసగుసలాడే అతడిని హీరోగా నిల్చోబెట్టింది. ఇందులో రాశి ఖన్నా హీరోయిన్ గా నటించింది. ఆ తరువాత నిర్మాతగా కూడా మారి ‘ఛలో’ సినిమా తెరకెక్కించారు. అది సూపర్ హిట్ కొట్టింది. సమంతతో ఓ బేబీ సినిమాలో కూడా నటించారు. సహ నిర్మాతగా నర్తనశాల, అశ్వత్థామ వంటి సినిమాలు నిర్మించారు. సినిమా ఇండస్ట్రీలో గాడ్ ఫాదర్ లేకుండా ఎదిగిన వ్యక్తి నాగశౌర్య. 

Happy Birthday to the Coolest Brother @YEMYENES ❤️
Wishing you a mountain of success and happiness ra.
Love you forever🤗❤️
Party Hard🎉 pic.twitter.com/uchQmqhByJ

— Naga Shaurya (@IamNagashaurya) October 4, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి