3 roses: రియల్‌‌లైఫ్‌‌లో బాయ్‌‌ఫ్రెండ్‌‌తో రీల్ లైఫ్ కోసం రొమాన్స్

‘3 రోజెస్’ వెబ్ సిరీస్‌‌లో పాయల్ రాజ్‌‌పుత్, సౌరభ్ ధింగ్రా జంటగా నటించారు. రియల్ లైఫ్‌‌లో వీళ్లిద్దరూ పెళ్లి చేసుకోనున్న సంగతి తెలిసిందే.

బాయ్‌‌ఫ్రెండ్‌‌తో పాయల్ రాజ్‌‌పుత్ రొమాన్స్

ఫిల్మ్ ఇండస్ట్రీకి వారసులు రావడం కామన్! బట్, ఫర్ ఏ ఛేంజ్... ఓ బాయ్‌‌ఫ్రెండ్ వస్తున్నాడు. ‘ఆర్‌‌ఎక్స్‌‌ 100’తో తెలుగు సినిమా ఇండస్ట్రీకి పాయల్ రాజ్‌‌పుత్ హీరోయిన్‌‌గా ఇంట్రడ్యూస్ అయ్యారు. అంతకు ముందు పంజాబీలో సినిమాలు చేశారు. హిందీ సీరియళ్లలో నటించారు. అయితే, అక్కడ రాని గుర్తింపు... తెలుగులో ఒక్క సినిమాతో వచ్చింది. ‘ఆర్ఎక్స్ 100’ విడుదలైన తర్వాత పాయల్ రాజ్‌‌పుత్‌‌కు ఓవర్ నైట్‌‌లో స్టార్‌‌డమ్ వచ్చింది. అక్కడ నుంచి తెలుగులో సినిమాలు చేసుకుంటూ వెళుతున్నారు. ఇప్పడు తన బాయ్‌‌ఫ్రెండ్‌ను ఇండస్ట్రీకి తీసుకొస్తున్నారు.

పాయల్ రాజ్‌‌పుత్ సోషల్ మీడియా ఖాతాలను రెగ్యులర్‌‌గా ఫాలో అయ్యేవాళ్లకు సౌరభ్ ధింగ్రా తెలిసే ఉంటారు. మొదట్లో అతడు తన ఫ్రెండ్ మాత్రమే అని పాయల్ చెప్పేవారు. సౌరభ్ తల్లి మరణించిన తర్వత... సౌరభ్, తాను పెళ్లి చేసుకుంటే చూడాలని అతడి తల్లి కోరుకున్నారని, ఆ కోరిక తీరకుండా మరణించారని పాయల్ ఆవేదన చెందారు. సౌరభ్‌‌ను తాను పెళ్లి చేసుకోనున్నట్టు తెలిపారు. ఇప్పడు అతడిని తెలుగు ఫిల్మ్ ఇండస్ట్రీకి తీసుకొస్తున్నారు. 

‘ఆహా’ ఓటీటీ కోసం దర్శకుడు మారుతి ఆధ్వర్యంలో రూపొందిన వెబ్ సిరీస్ ‘3 రోజెస్’. దీనికి మ్యాగీ దర్శకత్వం వహించారు. ఎస్.కె.ఎన్ నిర్మించారు. పాయల్ రాజ్‌‌పుత్, ఈషా రెబ్బా, పూర్ణ ప్రధాన పాత్రల్లో నటించారు. త్వరలో రిలీజ్ కానుంది. ఈ వెబ్ సిరీస్‌‌లో రియల్ లైఫ్‌‌లో బాయ్‌‌ఫ్రెండ్ అయినటువంటి సౌరభ్ ధింగ్రాకు పాయల్ రాజ్‌‌పుత్ జంటగా నటించారు. తామిద్దరి మధ్య రొమాంటిక్ సీన్ ఉందని ఆమె తెలిపారు. ‘3 రోజెస్’ దర్శక నిర్మాతలే తనను సౌరభ్ నటిస్తాడా? అని అడిగారని, సంతోషంగా యాక్సెప్ట్ చేశానని పాయల్ చెప్పుకొచ్చారు. రీసెంట్‌‌గా వీళ్లిద్దరూ ఓ మ్యూజిక్ వీడియోలో కూడా నటించారు. పాయల్ నిదానంగా తన జీవిత భాగస్వామిని సైతం సినిమాల్లో సెటిల్ అయ్యేలా ప్లాన్ చేస్తున్నారమ్మాట. వారసులు వచ్చే ఇండస్ట్రీకి ఓ హీరోయిన్ తన బాయ్‌‌ఫ్రెండ్‌‌ను తీసుకురావడం విశేషమే.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి