IntrCity SmartBus: భారత్లో తొలి AQI ఇంటర్సిటీ బస్సు సర్వీస్ విజయవాడలో ప్రారంభించిన ఇంట్రసిటీ స్మార్ట్బస్
Bus Service on Vijayawada– Bengaluru Route: దేశంలో తొలి ఎయిర్ క్వాలిటీ ఇండెక్స్ (ఎయిర్ ప్యూరిఫైడ్ ఇంటర్సిటీ బస్సు) సర్వీసును విజయవాడ - బెంగళూరు నగరాల మధ్య ఇంట్రసిటీ స్మార్ట్ బస్ ప్రారంభించింది.
విజయవాడ: భారత్లో అగ్రగామి ఇంట్రసిటీ మొబిలిటీ బ్రాండ్, 18 రాష్ట్రాల్లోని 630కి పైగా మార్గాల్లో తన సేవలను అందిస్తున్న ఇంటర్సిటీ స్మార్ట్బస్ (IntrCity SmartBus) విజయవాడలో సరికొత్త సేవలను ప్రారంభించింది. దేశంలోనే తొలి ఎయిర్ ప్యూరిఫైడ్ ఇంటర్సిటీ బస్సు సర్వీస్ IntrCity SmartBus.AQI ను విజయవాడ – బెంగళూరు.. బెంగళూరు – విజయవాడ కారిడార్లలో వాణిజ్యపరంగా ప్రారంభించింది. ఈ చారిత్రాత్మక సర్వీసును విజయవాడ ట్రాఫిక్ విభాగం డిప్యూటీ కమిషనర్ ఆఫ్ పోలీస్ షెరీన్ బేగం (ఐపీఎస్) ఇంటర్సిటీ స్మార్ట్బస్ ఉన్నతాధికారులతో కలిసి శనివారం అధికారికంగా ప్రారంభించారు.
ప్రయాణ సౌకర్యం, ఆరోగ్యంలో తరచుగా విస్మరించే 'బస్సు క్యాబిన్ లోపల గాలి నాణ్యత' అనే ముఖ్యమైన అంశాన్ని దృష్టిలో ఉంచుకుని ఈ బస్సు సేవలను అందుబాటులోకి వెచ్చారు. ఇంటర్సిటీ బస్సు మార్గాల్లో క్యాబిన్ లోపల ఉండే వాయు కాలుష్యం, ప్రపంచ ఆరోగ్య సంస్థ (WHO) సిఫార్సు చేసిన పరిమితుల కంటే 2 నుండి 3 రెట్లు ఎక్కువగా ఉంటోందని ఇంటర్సిటీ ఇంటర్నల్ స్టడీలో తేలింది. దీనిని అధిగమించేందుకు ప్రవేశపెట్టిన AQI సర్వీసులో ప్రయాణంలో 90 % పైగా సమయంలో PM2.5 స్థాయిలను సుమారు 40 µg/m³ వద్ద నిలకడగా ఉంచుతుంది. ఇది భారత్లోని ప్రధాన నగరాల్లో బయట ఉండే గాలి నాణ్యత కంటే చాలా మెరుగైనది, స్వచ్ఛమైనది.
విజయవాడ – బెంగళూరు మార్గంలో ప్రయాణించే వారు బుకింగ్ సమయంలోనే ఇంటర్సిటీ యాప్ లేదా వెబ్సైట్లో IntrCity SmartBus.AQI ట్యాగ్ ద్వారా ఈ ప్రత్యేక కోచ్లను గుర్తించి బుక్ చేసుకోవచ్చు. దాంతోపాటు ప్రయాణంలో బస్సు లోపల, యాప్లో రియల్ టైమ్ AQI, PM 2.5 రీడింగులు ప్రదర్శించనున్నారు. దీనివల్ల ప్రయాణికులకు పూర్తి పారదర్శకత లభిస్తుంది.
‘విజయవాడ – బెంగళూరు వంటి సుదూర ప్రయాణ మార్గాలకు విజయవాడ ఒక కీలక కేంద్రంగా ఉంటుంది. SmartBus.AQI ద్వారా మేం ప్రయాణంలో తరచుగా నిర్లక్ష్యం చేసే గాలి నాణ్యత సమస్యను పరిష్కరిస్తున్నాం. ప్రయాణికులు సుదూర ప్రయాణాల్లోనూ స్వచ్ఛమైన, సురక్షితమైన గాలిని పీల్చుతూ ప్రయాణించాలన్నదే మా లక్ష్యం’ — మనీష్ రాఠీ, కో-ఫౌండర్ & CEO, ఇంట్రసిటీ స్మార్ట్బస్
ఇ ఇందుకోసం ఇంట్రసిటీ ప్రత్యేకంగా మైక్రోసైట్ను (https://www.intrcity.com/smartbus-aqi) కూడా ప్రారంభించింది. ప్రయాణికులు ఇక్కడ ఈ టెక్నాలజీ ఎలా పనిచేస్తుంది, గాలి ప్యూరిఫికేషన్ ప్రక్రియ గురించి మరిన్ని వివరాలు తెలుసుకోవచ్చు.
ఇంట్రసిటీ గురించి..
ఇంట్రసిటీ స్మార్ట్బస్ భారత్లోని 15 రాష్ట్రాలలో 630కి పైగా సుదూర మార్గాల్లో సురక్షితమైన, ప్రామాణికమైన ప్రయాణ సేవలను అందిస్తోంది. దీని అనుబంధ బ్రాండ్ రైల్యాత్రి (RailYatri) నెలకు 12 మిలియన్లకు పైగా వినియోగదారులకు సేవలందిస్తూ, రైలు ప్రయాణ సమాచారం, టికెట్ బుకింగ్లో అత్యంత ప్రజాదరణ పొందిన డిజిటల్ ప్లాట్ఫారమ్గా నిలుస్తోంది.
మరింత సమాచారం కోసం:
అధికారిక వెబ్సైట్: www.intrcity.com మరియు www.railyatri.in
ఫేస్బుక్: https://www.facebook.com/intrcity/
లింక్డ్ఇన్: https://www.linkedin.com/company/intrcity/
X: @IntrCity
టాప్ హెడ్ లైన్స్
ట్రెండింగ్ వార్తలు
