Pawan Kalyan: నాని కోసం పవన్ కళ్యాణ్ - 'అంటే సుందరానికి' ప్రీరిలీజ్ ఈవెంట్ రచ్చ రచ్చే!

'అంటే సుందరానికి' సినిమా ఈవెంట్ కి పవన్ కళ్యాణ్ గెస్ట్ గా రానున్నారు.

నాని కోసం పవన్ కళ్యాణ్

'శ్యామ్ సింగరాయ్' సినిమాతో హిట్ అందుకున్న నాని ఇప్పుడు 'అంటే సుందరానికి' సినిమాతో ప్రేక్షకులను అలరించడానికి సిద్ధమవుతున్నాడు. మొదటినుంచి 'ఆవకాయ్ సీజన్'లో తమ సినిమాను విడుదల చేస్తామని యూనిట్ చెబుతూ వస్తోంది. ఒకేసారి ఏడు విడుదల తేదీలు ప్రకటించి అందరినీ స‌ర్‌ప్రైజ్ చేసిన ఈ టీమ్ ఫైనల్ గా జూన్ 10న రిలీజ్ చేస్తున్నట్లు ప్రకటించింది.

దర్శకుడు వివేక్ ఆత్రేయ ఈ సినిమాను రూపొందిస్తున్నారు. ఇప్పటికే ఈ సినిమా నుంచి పాటలు, టీజర్, ట్రైలర్ ను విడుదల చేశారు. ఇవన్నీ కూడా ప్రేక్షకులను ఆకట్టుకున్నాయి. ముఖ్యంగా ఫ్యామిలీ ఆడియన్స్ ఈ సినిమా కోసం ఆసక్తిగా ఎదురుచూస్తున్నారు. ఈ సినిమా ప్రమోషన్స్ లో భాగంగా గ్రాండ్ గా ప్రీరిలీజ్ ఈవెంట్ ను ప్లాన్ చేస్తున్నారు. 

ముందుగా జూన్ 8న ఈ ఈవెంట్ చేయాలనుకున్నారు. కానీ ఇప్పుడు జూన్ 9న నిర్వహిస్తున్నారు. దీనికి కారణం పవర్ స్టార్ పవన్ కళ్యాణ్. ప్రీరిలీజ్ ఫంక్షన్ కి పవన్ కళ్యాణ్ ని గెస్ట్ గా పిలవాలనుకుంది మైత్రి సంస్థ. ఆయన డేట్స్ ని బట్టి జూన్ 9కి ఈవెంట్ ను వాయిదా వేసింది. హైదరాబాద్ శిల్ప కళా వేదికలో జరగబోతున్న ఈ ఈవెంట్ కి పవన్ కళ్యాణ్ ముఖ్య అతిథిగా రాబోతున్నారు. మైత్రి మూవీ మేకర్స్ తో ఉన్న సాన్నిహిత్యం కారణంగా పవన్ ఈ సినిమా ప్రమోషన్స్ లో పాల్గొనబోతున్నారు. 

ఇక ఈ సినిమాలో నాని సరసన మలయాళ బ్యూటీ నజ్రియా నజీమ్ నటిస్తోంది. ఈ సినిమాతో ఆమె టాలీవుడ్ లో ఎంట్రీ ఇస్తోంది. ఈ సినిమాలో నాని 'K.P.V.S.S.P.R సుందర ప్రసాద్' అనే పాత్రలో కనిపించనున్నారు. ఈ సినిమాను తెలుగులోనే కాకుండా తమిళంలో 'ఆదదే సుందర', మలయాళంలో 'ఆహా సుందర' టైటిల్స్‌తో విడుదల చేయనున్నారు. ఈ సినిమాకి వివేక్ సాగర్ సంగీతం అందిస్తున్నారు. 

Pawan kalyan for Sundar prasad ♥️

Thank you sir @PawanKalyan .#AnteSundaraniki team and I are thrilled 🙏🏼
Looking forward to the pre release event on 9th :))

— Nani (@NameisNani) June 7, 2022

 

 

 

 

 

View this post on Instagram

 

 

 

 

 

 

 

 

 

 

 

A post shared by Mythri Movie Makers (@mythriofficial)