Vedika: వేదిక ఈజ్ బ్యాక్... అప్పుడు 'ముని', ఇప్పుడు 'యక్షిణి'... హారర్‌తో హిట్స్

Yakshini Web Series: ఇప్పుడు వేదిక పేరు తెలుగులో మళ్ళీ వినబడుతోంది. అటు ఇండస్ట్రీలో, ఇటు ప్రేక్షకుల్లో 'యక్షిణి'తో ఆవిడ బౌన్స్ బ్యాక్ అయ్యింది. ఆమెకు ఆఫర్లు క్యూ కడుతున్నాయని టాక్.

వేదిక

Yakshini Web Series Cast 2024: డిస్నీ ప్లస్ హాట్ స్టార్ ఓటీటీలో జూన్ 14 నుంచి స్ట్రీమింగ్ అవుతున్న కొత్త సిరీస్ 'యక్షిణి'. తెలుగుతో పాటు తమిళ, కన్నడ, హిందీ, మలయాళ, బెంగాలీ, మరాఠీ భాషల్లోనూ అందుబాటులో ఉంది. ఇండియా వైడ్ ట్రెండ్ అవుతున్న తెలుగు ప్రాజెక్టుల్లో అది టాప్ ప్లేసులో ఉంది. అన్నట్టు... ఈ సిరీస్ టైటిల్ రోల్ చేసిన హీరోయిన్ వేదిక పేరు అటు ఫిల్మ్ ఇండస్ట్రీలో, ఇటు ప్రేక్షకుల్లో కూడా ట్రెండ్ అవుతోంది. 

వేదిక ఈజ్ బ్యాక్... హారర్ అంటే తిరుగులేదు!
హీరోయిన్ వేదిక (Actress Vedhika) పూర్తిస్థాయి కథానాయికగా తెలుగు తెరపైకి కనిపించి ఎన్నో రోజులు అయ్యింది. ఈ ఏడాది 'రజాకార్' సినిమాలో పవర్ ఫుల్ రోల్ చేశారు. గత ఏడాది కింగ్ అక్కినేని నాగార్జున, ఆయన కుమారుడు నాగ చైతన్య నటించిన 'బంగార్రాజు'లోని ఓ పాటలో మెరిశారు. కంప్లీట్ హీరోయిన్ అంటే కరోనా కంటే ముందు వచ్చిన 'కాంచన 3' అనే చెప్పాలి. 

వేదికకు అసలు తెలుగు, తమిళ భాషల్లో గుర్తింపు తీసుకు వచ్చిన ఫ్రాంచైజీ అంటే 'కాంచన'. కథానాయికగా 'ముని' ఆమెకు రెండో సినిమా. తెలుగు, తమిళ భాషల్లో ఆ సినిమాకు వచ్చిన స్పందన ఆవిడ క్రేజీ హీరోయిన్ అయ్యేలా చేసింది. అది హారర్ జానర్ ఫిల్మ్. ఇప్పుడు మరోసారి ఆవిడకు క్రేజ్ తెచ్చిన 'యక్షిణి' వెబ్ సిరీస్ కూడా హారర్ జానరే. చూస్తుంటే... హారర్ జానర్ ఆవిడకు హిట్ సెంటిమెంట్ అయ్యేలా ఉంది.

'యక్షిణి'గా వేదిక విశ్వరూపం!
Vedhika Role In Yakshini Web Series: 'ముని' నుంచి 'కాంచన 3' వరకు... రాఘవ లారెన్స్ తీసిన హారర్ ఫ్రాంచైజీలో వేదిక గ్లామర్ రోల్స్ చేశారు. నటనతోనూ ఆమె మంచి పేరు తెచ్చుకున్నారు. అయితే... 'యక్షిణి' వెబ్ సిరీస్ ఆ ఫ్రాంచైజీకి పూర్తిగా భిన్నం. దీంతో వేదిక తన నట విశ్వరూపం చూపించారు.

అటు గ్లామర్... ఇటు పెర్ఫార్మన్స్... 'యక్షిణి'లో రెండు చూపించే అవకాశం వేదికకు లభించింది. ప్రవీణ్, రాహుల్ విజయ్... ఇద్దరితో చేసిన సన్నివేశాల్లో ఆయా వ్యక్తులను ప్రేమలో పడేయడానికి ప్రయత్నించే అమ్మాయిగా అందంతో ఆకట్టుకున్నారు. లక్ష్మీ మంచుతో సన్నివేశాల్లో యాక్షన్ సీన్లు కూడా చేశారు. ఈ సిరీస్ వేదికను ఒక్కసారిగా మళ్లీ లైమ్ లైట్‌లోకి తీసుకొచ్చింది.

తెలుగులో నారా రోహిత్ సరసన నటించిన 'బాణం' వేదికకు మంచి విజయంతో పాటు పేరు తెచ్చింది. అయితే, ఆవిడ ఆశించిన అవకాశాలు రాలేదు. గాడ్ ఆఫ్ మాసెస్, నట సింహం నందమూరి బాలకృష్ణతో 'రూలర్' చేశారు. ఇప్పుడు ఆమెకు ఆఫర్లు క్యూ కడుతున్నాయని టాక్.

'యక్షిణి' వెబ్ సిరీస్ విషయానికి వస్తే... 'బాహుబలి' వంటి పాన్ ఇండియా ఇండస్ట్రీ హిట్ ఫిల్మ్ తీసిన శోభు యార్లగడ్డ, ప్రసాద్ దేవినేని ప్రొడ్యూస్ చేశారు. ఆహా ఓటీటీ ఫిల్మ్ 'జోహార్', శ్రీవిష్ణు 'అర్జున ఫల్గుణ', శ్రీకాంత్ 'కోట బొమ్మాలి పీఎస్' ఫేమ్ తేజ మార్ని దర్శకత్వం వహించారు. ఇప్పటి వరకు వచ్చిన సోషియో ఫాంటసీ ఫిలిమ్స్, వెబ్ సిరీస్‌లకు భిన్నంగా ఉండటంతో 'యక్షిణి'కి మంచి ఆదరణ లభిస్తోంది.