Kiran Abbavaram: కిరణ్ అబ్బవరం వెబ్ సిరీస్ టైటిల్ ఫిక్స్... కడప నేపథ్యంలో!

Kiran Abbavaram Web Series: కిరణ్ అబ్బవరం కథానాయకుడిగా అమెజాన్ ప్రైమ్ వీడియో ఓటీటీ కోసం ఒక వెబ్ సిరీస్ రూపొందుతోంది. ఆ ప్రాజెక్ట్ టైటిల్ ఫిక్స్ చేశారు. కడప నేపథ్యంలో కథ అని టైటిల్ బట్టి అర్థం అవుతోంది

కిరణ్ అబ్బవరం ఓటీటీ ఎంట్రీ ఫిక్స్... టైటిల్ ఏమిటో తెలుసా?

Source : https://www.instagram.com/p/CtrE7C_MtLg/?img_index=3

Kiran Abbavaram - Guvvalacheruvu Ghat Web Series: యువ కథానాయకుడు కిరణ్ అబ్బవరం పర్సనల్ అండ్ ప్రొఫెషనల్ లైఫ్‌లో లాస్ట్ ఇయర్ (2025) చాలా మెమరబుల్ అని చెప్పాలి. 'కే ర్యాంప్'తో మంచి కమర్షియల్ సక్సెస్ కొట్టారు. అది కాకుండా కిరణ్ అబ్బవరం - రహస్య గోరఖ్ దంపతులకు మే 22న బాబు పుట్టాడు. ఇప్పుడు 2026ను కూడా మెమరబుల్‌గా మార్చుకునే ప్రయత్నాల్లో ఉన్నాడు కిరణ్. కొత్త అడుగులు వేస్తున్నాడు.

ఫస్ట్ వెబ్ సిరీస్ టైటిల్ ఫిక్స్...
ప్రైమ్ వీడియో కోసం ఏం చేశారంటే?
కిరణ్ అబ్బవరం ఓటీటీలో అడుగు పెట్టేందుకు రెడీ అయ్యారు. ఆల్రెడీ ఆయన ఓ వెబ్ సిరీస్ చేస్తున్నారు. ఇటీవల పూజా కార్యక్రమాలతో ఆ సిరీస్ స్టార్ట్ చేశారు. ది రౌడీ బాయ్ విజయ్ దేవరకొండ, నేషనల్ క్రష్ రష్మికా మందన్నా జంటగా 'డియర్ కామ్రెడ్' సినిమా తీసిన భరత్ కమ్మ ఆ సిరీస్ షో రన్నర్. అఫీషియల్ అనౌన్స్మెంట్ నెక్స్ట్ మంత్ ఉంటుందని టాక్. 

కిరణ్ అబ్బవరం కథానాయకుడిగా భరత్ కమ్మ నేతృత్వంలో రూపొందుతున్న వెబ్ సిరీస్ టైటిల్ 'గువ్వల చెరువు ఘాట్'. ఒకప్పటి కడప, ప్రస్తుత అన్నమయ్య జిల్లాలోని శేషాచలం కొండల్లో 'గువ్వలచెరువు ఘాట్' ఉంది. ఈ సిరీస్ కూడా కడప నేపథ్యంలో ఉంటుందని టాక్. మరి, ఆ టైటిల్ ఎందుకు పెట్టారు? అనేది తెలియాలంటే కొన్ని రోజులు వెయిట్ చేయక తప్పదు.

ప్రస్తుతం కిరణ్ అబ్బవరం చేతిలో రెండు సినిమాలు ఉన్నాయి. అందులో 'చెన్నై లవ్ స్టోరీ' ఒకటి. ఆల్మోస్ట్ ఆ సినిమా షూటింగ్ ఫినిష్ అయ్యింది. అది కాకుండా మరో సినిమా 'క 2' రెడీ అవుతోంది. 'క' సక్సెస్ తర్వాత ఆ సినిమా దర్శక ద్వయం సుజీత్ & సందీప్ మరో సినిమా ఛాన్స్ అందుకున్నారు. సాయి దుర్గా తేజ్ హీరోగా ఓ సినిమా చేస్తున్నారు. అది పూర్తి అయ్యాక 'క 2' సెట్స్ మీదకు వెళ్లే అవకాశాలు ఉన్నాయి.