Drishyam 3 OTT : దృశ్యం 3 ఓటీటీ స్ట్రీమింగ్ - తెలుగు వెర్షన్పై బిగ్ ట్విస్ట్... ఎన్ని భాషల్లో చూడొచ్చంటే?
Drishyam 3 Telugu OTT : మోహన్ లాల్ రీసెంట్ క్రైమ్ సస్పెన్స్ థ్రిల్లర్ దృశ్యం 3 ఓటీటీలోకి వచ్చేసింది. మలయాళంతో పాటు మొత్తం 5 భాషల్లో అందుబాటులోకి ఉంది.
Mohanlal's Dirshyam 3 Telugu OTT Streaming Big Twist : మలయాళ స్టార్ మోహన్ లాల్ రీసెంట్ క్రైమ్ సస్పెన్స్ థ్రిల్లర్ దృశ్యం 3 ఓటీటీలోకి వచ్చేసింది. ఈ మూవీ తెలుగు వెర్షన్ రైట్స్పై వివాదం కోర్టులో ఉండగా ఓటీటీలోకి తెలుగులో రాదనే ప్రచారం సాగింది. అయితే, తెలుగులోనూ సినిమా అందుబాటులోకి వచ్చేసింది.
ఎన్ని భాషల్లో స్ట్రీమింగ్ అంటే?
దృశ్యం 3 డిజిటల్ రైట్స్ ప్రముఖ ఓటీటీ అమెజాన్ ప్రైమ్ వీడియోలో సొంతం చేసుకోగా బుధవారం అర్ధరాత్రి నుంచి ఓటీటీలోకి వచ్చేసింది. మలయాళంతో పాటు తెలుగు, తమిళం, కన్నడ భాషల్లో అందుబాటులోకి వచ్చింది. దృశ్యం సినిమాలు తెలుగులో రీమేక్ చేసిన డైెరక్టర్ శ్రీప్రియ దృశ్యం 3 తెలుగులో రీమేక్ చేయడంపై మద్రాస్ హైకోర్టును ఆశ్రయించారు. దీంతో న్యాయస్థానం తెలుగు ఓటీటీ రిలీజ్పై స్టే విధించింది. అయినా, సినిమా తెలుగులో అందుబాటులోకి వచ్చేసింది.
జీతూ జోసెఫ్ దర్శకత్వం వహించిన మూవీలో మోహన్ లాల్, మీనాలతో పాటు అన్సీబా హాసన్, ఎస్తర్ అనిల్, బిజూ మేనన్, సిద్ధిఖీ తదితరులు కీలకపాత్రలు పోషించారు. ఆశీర్వాద్ సినిమాస్ బ్యానర్పై నిర్మించగా... అనిల్ జాన్సన్ మ్యూజిక్ అందించారు. తెలుగులో ఫస్ట్ రెండు పార్టులు రీమేక్ చేశారు. అయితే, మూడో పార్ట్ ఇక రీమేక్ చేయరని తెలుస్తోంది.
స్టోరీ ఏంటంటే?
దృశ్యం 2 స్టోరీ ఎక్కడైతే పూర్తైందో అక్కడి నుంచే దృశ్యం 3 కథ కూడా మొదలవుతుంది. వరుణ్ హత్య కేసును హైకోర్టు కొట్టేయడంతో జార్జ్ (మోహన్ లాల్) ఫ్యామిలీకి బిగ్ రిలీఫ్ దొరుకుతుంది. వాళ్లంతా తమ పాత జ్ఞాపకాలను మర్చిపోయి ప్రశాంత జీవనం గడుపుతుంటారు. కొద్ది రోజులకు జార్జ్ తమ స్టోరీనే దృశ్యం పేరుతో సినిమా తీసి నిర్మాతగా భారీ సక్సెస్ అందుకుంటాడు. మరోవైపు, పెద్ద కూతురు అంజు (అన్సీబా హాసన్)కు పెళ్లి చేయాలనే ప్రయత్నాలు చేస్తుంటాడు.
అయితే, వచ్చిన ప్రతీ సంబంధం లాస్ట్ మినిట్లో క్యాన్సిల్ అవుతుంది. దీంతో జార్జ్లో ఎక్కడో ఓ చోట అనుమానం స్టార్ట్ అవుతుంది. దీనిపై లోతుగా ఆరా తీస్తే... తన కుమార్తెకు కొందరు పెళ్లి కానీయకుండా చేయాలని చూస్తున్నట్లు తెలుస్తుంది. ఆమెను జైలు పాలు చేయాలని పెద్ద కుట్రకే తెర లేపినట్లు తెలుసుకుంటాడు. అసలు ఆ కుట్ర చేస్తున్నది ఎవరు? వరుణ్ కుటుంబానికి దీనికి ఏమైనా సంబంధం ఉందా? జార్జ్ను దెబ్బ కొట్టాలని చూస్తున్న పోలీసులు దీన్ని ఎలా వాడుకున్నారు? తన ఫ్యామిలీనీ కాపాడుకునేందుకు జార్జ్ ఏం చేశాడు? అనేది తెలియాలంటే మూవీ చూడాల్సిందే.
Before You Go
Kadali Satyanarayana in Bigg Boss 10 | బిగ్ బాస్ 10 లోకి రచయిత్రి కడలి సత్యనారాయణ?
టాప్ హెడ్ లైన్స్
ట్రెండింగ్ వార్తలు
