గాడ్ ఆఫ్ మాసెస్ బాలయ్య, గోపీచంద్ మలినేని కాంబోలో వచ్చిన ఫస్ట్ మూవీ వీరసింహారెడ్డి బాక్సాఫీస్ వద్ద సెన్సేషన్ క్రియేట్ చేసిన సంగతి తెలిసిందే.

ఈ మూవీలో బాలయ్య డ్యుయల్ రోల్‌లో నటించారు. రాయలసీమ బ్యాక్ డ్రాప్ ఆధిపత్య పోరు, బాలయ్య పవర్ ఫుల్ లుక్, మాస్ ఎలివేషన్స్ అదిరిపోయాయి.

రాయలసీమలో పవర్ ఫుల్ లీడర్ వీరసింహారెడ్డి. రాజకీయ కుట్రలతో హత్యకు గురైన ఆయన ఆశయాలను నెరవేర్చేందుకు కొడుకు ఏం చేశాడు? అనేదే స్టోరీ.

అన్నా చెల్లెళ్ల మధ్య అనుబంధంతో పాటు శత్రుత్వం, శత్రువుని పెళ్లాడిన చెల్లి అన్న చావుకు కారణం కావడం వంటి ఎమోషనల్ అంశాలతో స్టోరీని నడిపించారు గోపీచంద్.

సినిమాలో బాలయ్య డైలాగ్స్, పవర్ ఫుల్ యాక్షన్ సీన్స్ ఫ్యాన్స్‌కు ఫుల్ ట్రీట్ అనే చెప్పాలి. సీమలో పవర్ ఫుల్ లీడర్‌గా బాలయ్య మాస్ లుక్, కొడుకుగా స్టైలిష్ లుక్ అదిరిపోయింది.

అయితే, NBK111లో మాత్రం బాలయ్య కంప్లీట్ యంగ్ స్టైలిష్ లుక్ గూస్ బంప్స్ తెప్పిస్తోంది. Entry Of An Era (ఓ శకం ప్రారంభం) గోపీచంద్ బిగ్ సస్పెన్స్ క్రియేట్ చేశారు.

1993లో ముంబై మాఫియా బ్యాక్ డ్రాప్ నేపథ్యంలో NBK111 స్టోరీ సాగనున్నట్లు తెలుస్తోంది. 2 టైమ్ లైన్స్ లింక్ చేసేలా స్టోరీ ఉండబోతోందట.

గాడ్ ఆఫ్ మాసెస్ స్టైలిష్ గాడ్ అనేలా బాలయ్య లుక్ గ్లింప్స్‌లో ట్రెండ్ అవుతోంది. మరి ఈ కథ ఎలా ఉండబోతుందోననే ఉత్కంఠ అందరిలోనూ ఉంది.

'నో మోర్ వింటేజ్... ఓన్లీ న్యూ ఏజ్' ఇదీ గ్లింప్స్ ట్యాగ్ లైన్. అంటే రెగ్యులర్ ఫ్యాక్షన్ పాత్రలా కాకుండా స్టైలిష్ లుక్‌లో ఈ రోల్ ఉండబోతున్నట్లు టాక్.

ఈ మూవీకి కూడా తమన్ బీజీఎం వేరే లెవల్‌లో ఉంది. బాలయ్య సరసన కాజల్ అగర్వాల్ హీరోయిన్‌గా నటిస్తున్నారు.