Dark Night OTT : వివాహేతర సంబంధం... షాకింగ్ ఇన్సిడెంట్ - ఓటీటీలోకి పూర్ణ ఎమోషనల్ థ్రిల్లర్ డార్క్ నైట్... ఎందులో చూడొచ్చంటే?
Dark Night OTT Platform : రీసెంట్ ఎమోషనల్ థ్రిల్లర్ డార్క్ నైట్ ఓటీటీలోకి వచ్చేసింది. పూర్ణ ప్రధాన పాత్రలో నటించిన మూవీ మార్చి 13న థియేటర్లలోకి వచ్చి మిక్స్డ్ టాక్ తెచ్చుకుంది.
Poorna's Dark Night OTT Streaming : సీనియర్ హీరోయిన్ పూర్ణ ప్రధాన పాత్రలో నటించిన రీసెంట్ ఎమోషనల్ థ్రిల్లర్ డార్క్ నైట్. జీఆర్ ఆదిత్య దర్శకత్వం వహించిన ఈ మూవీ మార్చి 13న ప్రేక్షకుల ముందుకు వచ్చి... మిక్స్డ్ టాక్ సొంతం చేసుకుంది. అనుకున్నంతగా ఆడియన్స్కు రీచ్ కాలేదు. దాదాపు నెల రోజుల తర్వాత ఓటీటీలోకి వచ్చేసింది.
ఎందులో స్ట్రీమింగ్ అంటే?
ఈ మూవీ ప్రముఖ ఓటీటీ 'ఆహా' బుధవారం అర్ధరాత్రి నుంచి స్ట్రీమింగ్ అవుతోంది. పూర్ణతో పాటు త్రిగుణ్, విదార్థ్, శుభశ్రీ రాయగురు తదితరులు కీలక పాత్రలు పోషించారు. పట్లోళ్ల వెంకట్ రెడ్డి సమర్పణలో పి 19 స్టూడియోస్ బ్యానర్పై సురేష్ రెడ్డి కొవ్వూరి నిర్మించారు. థియేటర్లలో అంతగా ఆకట్టుకోలేకపోయినా మరి ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.
Also Read : శ్రీరాముడిగా మహేశ్ బాబు - వారణాసి నుంచి బిగ్ సర్ప్రైజ్ డేట్ ఫిక్స్?
స్టోరీ ఏంటంటే?
వివాహేతర సంబంధాల వల్ల జీవితాల్లో ఎలాంటి అనర్థాలు జరుగుతాయి? అనేదే ప్రధానాంశంగా ఈ మూవీని తెరకెక్కించారు. లాయర్ అయిన అలెక్స్ (విదార్థ్)కు హేమ (పూర్ణ)తో పెళ్లవుతుంది. పెద్దలు కుదిర్చిన పెళ్లి కావడంతో తన భర్తతో అందమైన జీవితం ఊహించుకుంటుంది. అయితే, అలెక్స్ తన ఆఫీస్లో పని చేసే సోఫియా (శుభశ్రీ రాయగురు)తో అఫైర్ పెట్టుకుంటాడు. ఈ విషయం తెలుసుకున్న హేమ... తన భర్తను వదిలేసి వెళ్లిపోతుంది.
మరోవైపు, సోఫియా వేరే వ్యక్తితో సన్నిహితంగా ఉండడం చూసి అలెక్స్ తాను మోసపోయానని గ్రహిస్తాడు. పశ్చాత్తాపంతో తన భార్య దగ్గరకు వెళ్తాడు. అయితే, హేమ జీవితంలోకి అప్పటికే ఆమె ఫ్రెండ్ రోషన్ (త్రిగుణ్) వస్తాడు. అతన్ని ఫ్రెండ్లానే హేమ భావించినా... రోషన్ మాత్రం వేరే ఉద్దేశంతో చూస్తాడు. తన భర్తను అర్థం చేసుకున్న హేమ తిరిగి అలెక్స్కు దగ్గరవుతుందనుకుంటున్న టైంలో ఊహించని ఘటన జరుగుతుంది. హేమ కోసం రోషన్ ఏం చేశాడు? సోఫియాపై అలెక్స్ పగ తీర్చుకున్నాడా? అసలు అతీంద్రియ శక్తులకు వీరి జీవితాలకు సంబంధం ఏంటి? అలెక్స్, హేమ మళ్లీ కలిశారా? అనేది తెలియాలంటే మూవీ చూడాల్సిందే.
టాప్ హెడ్ లైన్స్
ట్రెండింగ్ వార్తలు
