Sitaramam: క్లాసిక్ హిట్ మిస్ చేసుకున్న హీరోలు - ఇప్పుడు ఫీలై ఏం లాభం!

'సీతారామం' కథను నేచురల్ స్టార్ నాని(Nani)కి వినిపించారట.

క్లాసిక్ హిట్ మిస్ చేసుకున్న హీరోలు

దర్శకుడు హను రాఘవపూడి(Hanu Raghavapudi) రూపొందించిన 'సీతారామం'(Sitaramam)సినిమా ఆగస్టు 5న ప్రేక్షకుల ముందుకొచ్చిన సంగతి తెలిసిందే. దుల్కర్ సల్మాన్, మృణాల్ ఠాకూర్ ఈ సినిమాలో లీడ్ రోల్స్ పోషించారు. రష్మిక కీలకపాత్రలో కనిపించింది. తొలిరోజు నుంచే ఈ సినిమాకి హిట్ టాక్ వచ్చింది. క్లాసిక్ లవ్ స్టోరీ అంటూ తెగ పొగిడేస్తున్నారు సినీ అభిమానులు. లాంగ్ రన్ లో ఈ సినిమా భారీ వసూళ్లను సాధించింది.

Nani, Ram Missed Sitaramam: ఈ సినిమా చూసిన తరువాత సీతారాములుగా దుల్కర్, మృణాల్ లను తప్ప మరొకరిని ఊహించుకోలేం. అంతగా వారు తమ పెర్ఫార్మన్స్ తో ఆకట్టుకున్నారు. అయితే ఈ సినిమా కోసం ముందుగా చాలా మంది హీరోలను అనుకున్నారు దర్శకుడు హను రాఘవపూడి. ముందుగా ఈ కథను నేచురల్ స్టార్ నాని(Nani)కి వినిపించారట. కానీ 'పడి పడి లేచే మనసు' లాంటి సినిమా తరువాత హను రాఘవపూడితో వర్క్ చేయడం రిస్క్ అనుకున్న నాని 'నో' చెప్పారట. 

ఆ తరువాత రామ్ పోతినేని(Ram Pothineni)కి ఈ కథ వినిపించారట హను రాఘవపూడి. సినిమాలో కమర్షియల్ ఎలిమెంట్స్ లేకపోవడంతో రామ్ కూడా నో చెప్పినట్లు తెలుస్తోంది. ఫైనల్ గా దుల్కర్ చేతికి ఈ సినిమా వెళ్లింది. రీసెంట్ గా విడుదలైన ఈ సినిమా భారీ విజయాన్ని అందుకోవడంతో.. ఇలాంటి క్లాసిక్ హిట్ ను వదులుకున్నందుకు నాని, రామ్ ఫీల్ అవుతున్నట్లు సమాచారం. 

ఈ ఇద్దరు హీరోలకు ఇప్పుడు సక్సెస్ చాలా అవసరం. ఈ సినిమా గనుక ఇద్దరిలో ఎవరు చేసినా.. వారి కెరీర్ కి హెల్ప్ అయ్యేది. కానీ మిస్ చేసుకున్నారు. వీరితో పాటు విజయ్ దేవరకొండకి కూడా కథ చెప్పారు హను రాఘవపూడి. ఈ విషయాన్ని ఆయనో ఇంటర్వ్యూలో స్వయంగా చెప్పారు. అయితే ఈ సినిమా వదులుకున్నందుకు విజయ్ కి ఎలాంటి రిగ్రెట్స్ లేవట. తనకు రామ్ క్యారెక్టర్ సూట్ అవ్వదని.. దానికి దుల్కర్ లాంటి సాఫ్ట్ నేచర్ ఉన్న వాళ్లే సూట్ అవుతారనేది విజయ్ ఆలోచన. 

ఓటీటీలో సీతారామం:

Sita Ramam OTT - ఈ సినిమా డిజిట‌ల్ హ‌క్కుల‌ను ప్ర‌ముఖ ఓటీటీ సంస్థ అమెజాన్ ప్రైమ్ ద‌క్కించుకున్నట్లు తెలుస్తోంది. థియేట‌ర్ విడుద‌ల‌కు ఆరు వారాల త‌ర్వాత ఈ సినిమాను ఓటీటీలో స్ట్రీమింగ్ చేయనున్నారు. ఈ సినిమాలో దుల్క‌ర్ లెఫ్టినెంట్ రామ్ పాత్ర‌లో క‌నిపించారు. మృనాళ్ థాకూర్ హీరోయిన్‌గా న‌టించిన ఈ సినిమాలో నేష‌న‌ల్ క్ర‌ష్ ర‌ష్మిక మంద‌న్న కాశ్మీర్ ముస్లిం అమ్మాయిగా కథ‌ను మ‌లుపు తిప్పే పాత్ర‌లో న‌టించింది. న‌టుడు సుమంత్, త‌రుణ్ భాస్క‌ర్ కీల‌క‌పాత్ర‌ల్లో న‌టించారు. ఈ సినిమాను స్వ‌ప్న సినిమాస్ బ్యాన‌ర్‌పై స్వ‌ప్న ద‌త్ నిర్మించింది.