Nandamuri Suhasini: ఘనంగా నందమూరి సుహాసిని కుమారుడి వివాహం - హాజరైన ప్రముఖులు!
హైదరాబాద్‌లో జరిగిన నందమూరి సుహాసిని, చుండ్రు శ్రీనివాస్‌ల కుమారుడి వివాహానికి ప్రముఖులు హాజరయ్యారు.
దివంగత నందమూరి హరికృష్ణ కుమార్తె నందమూరి సుహాసిని, చుండ్రు శ్రీనివాస్‌ల కుమారుడు అయిన హర్ష వివాహం ఆదివారం ఘనంగా జరిగింది. సాయి గీతికతో హర్ష ఏడు అడుగులు వేశారు. హైదరాబాద్‌‌లోని గచ్చిబౌలిలో ఈ వివాహ వేడుకను వైభవంగా నిర్వహించారు. ఎంతోమంది ప్రముఖులు ఈ పెళ్లికి హాజరయ్యారు. తెలుగు దేశం పార్టీ అధినేత చంద్రబాబు, భువనేశ్వరి దంపతులు వివాహానికి హాజరై నూతన వధూవరులను ఆశీర్వదించారు.
నందమూరి బాలకృష్ణ, ఆయన తనయుడు మోక్షజ్ఞ ,జూనియర్ ఎన్టీఆర్, కల్యాణ్‌రామ్‌తో పాటు పలువురు సినీ, రాజకీయ ప్రముఖులు ఈ వివాహ వేడుకలకు హాజరయ్యారు. బీఆర్ఎస్ నేత ఎర్రబెల్లి దయాకరరావు కూడా ఈ వివాహానికి హాజరయ్యారు. ఈ సందర్భంగా ఆయన జూనియర్ ఎన్టీఆర్, కల్యాణ్‌రామ్‌లతో కూడా ముచ్చటించారు.
2018 తెలంగాణ అసెంబ్లీ ఎన్నికల్లో నందమూరి సుహాసిని రాజకీయాల్లో కూడా తన అదృష్టం పరీక్షించుకున్నారు. తెలుగుదేశం పార్టీ తరఫున కూకట్‌పల్లి అసెంబ్లీ నియోజకవర్గం నుంచి పోటీ చేశారు. కానీ ఆ ఎన్నికల్లో 41 వేలకు పైగా ఓట్ల తేడాతో సుహాసిని ఓటమి పాలయ్యారు. అప్పటి నుంచి ఈ కుటుంబం రాజకీయాలకు దూరంగానే ఉంటూ వచ్చింది.
కీ శే నందమూరి హరికృష్ణ గారి మనవడు, శ్రీమతి నందమూరి సుహాసిని & చుండ్రు శ్రీకాంత్ దంపతుల కుమారుడు, చి శ్రీ హర్ష & చి ల సౌ సాయి గీతిక ల వివాహ కార్యక్రమానికి హాజరై నూతన వధూ వరులను ఆశీర్వదించడం జరిగింది @NANDAMURIKALYAN Anna @tarak9999 Anna pic.twitter.com/HLZSU6JWOl
— Nandipati Murali (@NtrMurali9999) August 20, 2023
టాప్ హెడ్ లైన్స్
ట్రెండింగ్ వార్తలు
