Laal Singh Chaddha Telugu Trailer: చిరంజీవికి పానీపూరి తినిపించిన అమీర్ ఖాన్, ‘లాల్ సింగ్ చద్దా’ తెలుగు ట్రైలర్ రిలీజ్
లాల్ సింగ్ చద్దా ట్రైలర్ లాంచ్ సందర్భంగా చిరంజీవికి ఆమీర్ ఖాన్ పానీపూరి తినిపించారు.
బాలీవుడ్ సినిమా లాల్ సింగ్ చద్దా ట్రైలర్ లాంచ్‌లో చిరంజీవికి ఆమీర్ ఖాన్ పానీపూరి తినిపించారు. ఈ కార్యక్రమం ఆదివారం హైదరాబాద్‌లో జరిగింది. బాలీవుడ్ మిస్టర్‌ పర్‌ఫెక్ట్‌ ఆమిర్‌ ఖాన్, కరీనా కపూర్‌ ఈ సినిమాలో జోడిగా నటించారు. హాలీవుడ్‌ మూవీ 'ఫారెస్ట్‌ గంప్‌'కు రీమేక్‌గా వస్తున్న ఈ సినిమా తెరకెక్కింది.
టాలీవుడ్ యువసామ్రాట్ నాగ చైతన్య కీలక పాత్రలో నటిస్తున్నాడు. సీక్రెట్ సూపర్ స్టార్ దర్శకుడు అద్వైత్ చందన్‌ ఈ సినిమాకు కూడా దర్శకత్వం వహించారు. ఈ సినిమా ఆగస్టు 11వ తేదీన విడుదల కానుంది. లాల్ సింగ్ చద్దాను తెలుగులో మెగాస్టార్‌ చిరంజీవి సమర్పిస్తున్నారు.
ఈ కార్యక్రమంలో 'లాల్‌సింగ్ చద్దా' తెలుగు ట్రైలర్‌ను చిరంజీవి విడుదల చేశారు. చిరంజీవితోపాటు అమీర్ ఖాన్, నాగ చైతన్య కూడా ఈ ఈవెంట్‌లో పాల్గొన్నారు. ఈ సందర్భంగా చిరంజీవి మాట్లాడుతూ అమీర్ ఖాన్ భారతీయ సినిమాకు ఒక ఖజానా అన్నారు. ఎన్నో వైవిధ్యమైన పాత్రలతో గొప్ప నటుడు అనిపించుకున్నాడని తెలిపారు. అమీర్ ఖాన్ నడక, నడవడిక అంటే తనకు చాలా ఇష్టమన్నారు. అమీర్ ఖాన్‌లాగా తాము కూడా చేయాలనుకుంటామని, కానీ వారికి ఉన్న పరిధుల వల్ల చేయలేకపోతున్నామని పేర్కొన్నారు.
అమీర్ నటనకు ఎవరైనా ఫిదా కావాల్సిందేనని, ఆయనపై ఉన్న ప్రేమ, బాధ్యతతో ఈ సినిమాకు సమర్పకుడిగా ఉన్నానన్నారు. తొందరపడి ఈ సినిమా ఒప్పుకోలేదని, గర్వపడి విడుదల చేస్తున్నానని చిరంజీవి తెలిపారు. ఈ ఈవెంట్‌లో అమీర్ ఖాన్‌తో నాగ చైతన్య తెలుగు డైలాగ్‌ చెప్పించారు. అలాగే చిరంజీవికి అమీర్ ఖాన్ పానీపూరి తినిపించడం విశేషం.
Delighted to launch the Telugu Trailer of #LaalSinghChaddha
— Chiranjeevi Konidela (@KChiruTweets) July 24, 2022
Here goeshttps://t.co/wkXhzilbFc#AamirKhan #KareenaKapoorKhan@chay_akkineni @AKPPL_Official @Viacom18Studios #AdvaitChandan @atul_kulkarni @ipritamofficial @ParamountPicsIN @TSeries#LaalSinghChaddhaOnAUG11th
View this post on Instagram
టాప్ హెడ్ లైన్స్
ట్రెండింగ్ వార్తలు
