Krishna Hospitalized: క్రిటికల్‌గా సూపర్ స్టార్ కృష్ణ ఆరోగ్యం - ఐసీయూలో చికిత్స!
Krishna Health Condition Update : సూపర్ స్టార్ కృష్ణను ఈ రోజు ఉదయం కుటుంబ సభ్యులు ఆస్పత్రిలో చేరారు. ఇప్పుడు ఆయన ఆరోగ్యం ఎలా ఉందంటే?
సూపర్ స్టార్ కృష్ణ (Krishna Ghattamaneni) తీవ్ర అస్వస్థతకు గురి కావడంతో ఈ రోజు ఉదయం ఆయనను ఆస్పత్రిలో చేర్పించారు. ప్రస్తుతం ఆయన హైదరాబాద్‌లోని కాంటినెంటల్ ఆస్పత్రిలో ఉన్నారు. దాంతో ఘట్టమనేని, మహేష్ అభిమానులు ఆందోళన చెందుతున్నారు. కృష్ణ ఆరోగ్య పరిస్థితి విషమంగా ఉన్నట్లు వైద్యులు ప్రకటించారు.
ఇప్పుడు కృష్ణ ఆరోగ్యం ఎలా ఉందంటే?
కృష్ణ కొన్ని రోజులుగా కృష్ణ బయటకు రావడం లేదు. వయసు రీత్యా ఆయనకు కొన్ని అనారోగ్య సమస్యలు ఉన్నాయి. అందువల్ల, ఎక్కువగా ఇంటికి పరిమితం అవుతున్నారు. గతంలో మహేష్ బాబు సినిమా ఫంక్షన్స్‌కు అటెండ్ అయ్యేవారు. ఈ మధ్య అది కూడా లేదు. ఫంక్షన్స్ గట్రా అవాయిడ్ చేస్తున్నారు. హెల్త్ పరంగా జాగ్రత్తలు తీసుకుంటున్నారు.
Krishna Hospitalized : కృష్ణకు ఆస్థమా ఉందని, వాతావరణంలో మార్పులు రావడంతో కొద్దిగా నలత చేసిందని, అందువల్ల ఆస్పత్రికి తీసుకు వెళ్లారని మొదట్లో తెలిపారు. కానీ, ఆయన కార్డియాక్ అరెస్టుతో ఆస్పత్రిలో చేరినట్లు వైద్యులు స్పష్టం చేశారు. అభిమానులు ఆందోళన చెందవలసిన అవసరం లేదని కృష్ణ సన్నిహిత వర్గాలు చెప్పారు. తొలుత రెగ్యులర్ చెకప్ కోసమే కృష్ణ ఆసుపత్రికి వెళ్లారని ఘట్టమనేని ఫ్యామిలీ వర్గాలు వెల్లడించాయి. అయితే, కృష్ణకు చికిత్స అందించిన వైద్యులు మాట్లాడుతూ.. ఆరోగ్య పరిస్థితి క్రిటికల్‌గా ఉందని, ప్రస్తుతం వైద్యుల పర్యవేక్షణలో ఉన్నారని, వెంటీలేటర్‌పై చికిత్స అందిస్తున్నామని వెల్లడించారు. 24 గంటల తర్వాత మరో హెల్త్ బులిటిన్ ఇస్తామని అన్నారు. కృష్ణ కార్డియాక్ అరెస్ట్‌తో ఆస్పత్రిలో చేరారని వెంటనే ఆయనకు చికిత్స అందించామని, ఇంకా పరిస్థితి క్రిటికల్‌గా ఉన్నట్లు వెల్లడించారు. చికిత్సకు ఆయన శరీరం సహకరిస్తుందా లేదా అనేది ఇప్పట్లో చెప్పలేమన్నారు.
భార్య, కుమారుడి మరణం తర్వాత...
కుటుంబం అంటే కృష్ణకు ఎక్కువ ప్రేమ. ముఖ్యంగా పిల్లలు అంటే ఆయనకు పంచ ప్రాణాలు. ఈ ఏడాది సెప్టెంబర్ నెలాఖరున కృష్ణ సతీమణి ఇందిరా దేవి కన్ను మూశారు. ఏడాది ప్రారంభంలో కృష్ణ పెద్ద కుమారుడు, మహేష్ బాబు అన్నయ్య రమేష్ బాబు మరణించారు. భార్య, కుమారుడి మరణం ఆయనను బాధకు గురి చేసిందని సన్నిహితుల నుంచి అందుతున్న సమాచారం.
Also Read : 'ఆహ నా పెళ్ళంట' to 'గాడ్ ఫాదర్', 'సర్దార్' - ఓటీటీల్లో ఈ వారం సందడి
కృష్ణ, ఇండియా దేవి దంపతులకు ఐదుగురు సంతానం. పెద్దమ్మాయి పద్మావతిని గల్లా జయదేవ్‌కు ఇచ్చి వివాహం చేశారు. రెండో అమ్మాయి మంజుల నటిగా, నిర్మాతగా ప్రేక్షకులకు తెలుసు. ఆమె భర్త సంజయ్ స్వరూప్ నటుడు. మూడో అమ్మాయి ప్రియదర్శిని యువ హీరో సుధీర్ బాబుకు ఇచ్చి పెళ్లి చేశారు. ఆయన హీరోగా సినిమాలు చేస్తున్న సంగతి తెలిసిందే. మహేష్ సోదరుడు రమేష్ బాబు హీరోగా కొన్ని సినిమాలు చేశారు. ఇక, మహేష్ బాబు గురించి ప్రత్యేకంగా చెప్పాల్సిన అవసరం లేదు. తెలుగులో సూపర్ స్టార్‌గా, తండ్రి తగ్గ తనయుడిగా స్టార్ డమ్ కొనసాగిస్తున్నారు.
మే 31న కృష్ణ బర్త్ డే. ఆ రోజు కుటుంబ సభ్యుల సమక్షంలో ఆయన కేక్ కట్ చేశారు. అందరితో కలిసి భోజనం చేశారు. కృష్ణ బర్త్ డే స్పెషల్ గా ఆయన్ను కుమార్తె మంజుల ఇంటర్వ్యూ చేశారు.
View this post on Instagram
టాప్ హెడ్ లైన్స్
ట్రెండింగ్ వార్తలు
and tablets
