Hardik Pandya Records: చరిత్ర సృష్టించిన హార్దిక్ పాండ్యా.. ప్రపంచంలో తొలి ఆల్ రౌండర్గా అరుదైన ఘనత
Hardik Pandya Unique Record: దక్షిణాఫ్రికాతో జరిగిన మూడో టీ20 మ్యాచ్లో ఒక వికెట్ తీయడం ద్వారా హార్థిక్ పాండ్యా ప్రపంచ రికార్డు సృష్టించాడు. 1000 పరుగులు, 100 వికెట్లు తీసిన ఆల్ రౌండర్గా నిలిచాడు.
Hardik Pandya T20 Wickets: దక్షిణాఫ్రికాతో జరుగుతున్న టీ20 సిరీస్లో భాగంగా హార్దిక్ పాండ్యా అరుదైన ఘనత సాధించారు. మూడో T20 మ్యాచ్లో పాండ్యా ప్రపంచ రికార్డు సృష్టించాడు. అంతర్జాతీయ T20 క్రికెట్లో 1000 పరుగులు, 100 వికెట్లు తీసిన ప్రపంచంలోనే తొలి ఫాస్ట్ బౌలింగ్ ఆల్ రౌండర్గా నిలిచాడు. దక్షిణాఫ్రికా బ్యాటర్ ట్రిస్టన్ స్టబ్స్ను అవుట్ చేయడం ద్వారా ఈ ఘనత సాధించాడు. దీంతో పాటు హార్ధిక్ పాండ్యా T20 క్రికెట్లో వికెట్ల పరంగా ఒక ప్రత్యేక రికార్డును కూడా నెలకొల్పాడు.
స్టబ్స్ వికెట్తో పాండ్యా అరుదైన ఘనత
ధర్మశాలలో జరుగుతున్న మూడో T20 మ్యాచ్కు ముందు హార్దిక్ పాండ్యా తన T20 కెరీర్లో 99 వికెట్లు ఉన్నాయి. ట్రిస్టన్ స్టబ్స్ను ఔట్ చేయడంతో, అతను T20 ఫార్మాట్లో సెంచరీ పూర్తి చేశాడు. ఈ ఘనత సాధించిన మూడో భారత బౌలర్గా నిలిచాడు. అతని కంటే ముందు అర్ష్దీప్ సింగ్, జస్ప్రీత్ బుమ్రా T20 ఇంటర్నేషనల్లో భారత్ తరపున 100 వికెట్లు తీసిన ఫాస్ట్ బౌలర్లుగా నిలిచారు.
💯 and COUNTING 👌
— BCCI (@BCCI) December 14, 2025
Congratulations to Hardik Pandya on completing 1⃣0⃣0⃣ T20I wickets 👏👏
Updates ▶️ https://t.co/AJZYgMAHc0#TeamIndia | #INDvSA | @IDFCFIRSTBank pic.twitter.com/i1c0GdYUiy
1000 పరుగులు, 100 వికెట్లు
పాండ్యాకు ముందు ప్రపంచంలో ఏ ఫాస్ట్ బౌలింగ్ ఆల్రౌండర్ కూడా ఈ అరుదైన ఘనతను సాధించలేకపోయారు. ముగ్గురు స్పిన్ బౌలర్లు మాత్రం ఈ ఫీట్ నమోదు చేశారు. బంగ్లాదేశ్కు చెందిన షకీబ్ అల్ హసన్, ఆఫ్ఘనిస్తాన్కు చెందిన మహ్మద్ నబీ, జింబాబ్వేకు చెందిన సికిందర్ రజా అంతర్జాతీయ టీ20 క్రికెట్లో 1000 పరుగులు చేయడంతో పాటు 100 వికెట్లు పూర్తి చేశారు.
Milestone Moment!
— BCCI (@BCCI) December 14, 2025
That moment when Hardik Pandya became only the third #TeamIndia cricketer (in Men's cricket) to scalp 100 T20I wickets 👏👏
Updates ▶️ https://t.co/AJZYgMAHc0#INDvSA | @hardikpandya7 | @IDFCFIRSTBank pic.twitter.com/XYDxMvrEPz
టీ20లలో మూడో భారత బౌలర్
టీ20 అంతర్జాతీయ క్రికెట్లో 100 వికెట్లు తీసిన మూడో భారత క్రికెటర్గా హార్దిక్ పాండ్యా నిలిచాడు. తన టీ20 కెరీర్లో ఇప్పటివరకు 1939 పరుగులు చేయడంతో పాటు బౌలింగ్లో 100 వికెట్లు పడగొట్టి పలు మ్యాచులలో జట్టు విజయంలో కీలకపాత్ర పోషించాడు. భారత బౌలర్లలో ఇప్పటివరకు అత్యధిక టీ20 వికెట్లు అర్ష్దీప్ సింగ్ పేరు మీద ఉన్నాయి. అర్షదీప్ ఇప్పటివరకు 108 వికెట్లు తీశాడు. ఇక జస్ప్రీత్ బుమ్రా ఖాతాలో 101 టీ20 వికెట్లు ఉన్నాయి.
దక్షిణాఫ్రికాతో జరుగుతున్న సిరీస్ లో భారత్, దక్షిణాఫ్రికా 1-1తో సమంగా ఉన్నాయి. ఈ టీ20 మ్యాచ్ నెగ్గితే భారత్ 2-1తో ఆధిక్యంలోకి దూసుకెళ్లనుంది. అంచనాలకు తగ్గట్లుగా భారత బౌలర్లు రాణించడంతో సఫారీలు 30 పరుగులకే టాపార్డర్ వికెట్లు కోల్పోయారు. మార్ క్రమ్ రాణించడంతో పరువు దక్కించుకునే స్కోరు చేయగలిగింది.
Also Read: CM Revanth Reddy: తెలంగాణ అంటే ఎక్సలెన్స్, ఆతిథ్యం.. మెస్సీ అండ్ టీంకు సీఎం రేవంత్ థ్యాంక్స్
టాప్ హెడ్ లైన్స్
ట్రెండింగ్ వార్తలు
