Jersey Trailer: ‘జెర్సీ’ హిందీ ట్రైలర్: సేమ్ టు సేమ్.. కానీ, ‘అర్జున్ రెడ్డి’ తరహాలో హాట్ సీన్స్!

షాహీద్ కపూర్ తెలుగు రీమేక్స్‌లో బిజీగా ఉన్నాడు. ‘అర్జున్ రెడ్డి’ సినిమాను హిందీలో ‘కబీర్ సింగ్’ పేరుతో రీమేక్ చేసిన సంగతి తెలిసిందే. ఇప్పుడు ‘జెర్సీ’ సినిమాతో మరోసారి తన లక్ పరీక్షించుకోడానికి సిద్ధమైపోతున్నాడు. పైగా.. ఈ చిత్రాన్ని నిర్మిస్తోంది మన తెలుగు నిర్మాతలే. గీతా ఆర్ట్స్ బ్యానర్‌‌పై తెరకెక్కిన ఈ చిత్రానికి దిల్ రాజు, నాగ వంశీ, అమన్ గిల్ నిర్మాతలు. బన్నీ వాసు సహ నిర్మాత. 

నానీ హీరోగా నటించిన ‘జెర్సీ’ సినిమా.. ఏ స్థాయిలో హిట్ కొట్టిందో తెలిసిందే. ఈ చిత్రం బాలీవుడ్‌ను సైతం ఆకట్టుకోవడంతో హిందీలో రీమేక్ చేశారు. తెలుగులో ఈ చిత్రాన్ని తెరకెక్కించిన  గౌతమ్‌ తిన్ననూరి హిందీ ‘జెర్సీ’కి కూడా దర్శకత్వం వహించారు. షూటింగ్‌తోపాటు అన్ని పనులు పూర్తిచేసుకున్న ఈ చిత్రం డిసెంబర్‌ 31న విడుదలకు సిద్ధమవుతోంది. ఈ సందర్భంగా చిత్రయూనిట్ బుధవారం ‘జెర్సీ’ ట్రైలర్‌ను యూట్యూబ్‌లో రిలీజ్‌ చేశారు. 

Also Read: దెబ్బలతో సన్నీ లియోన్.. అయ్యో ఏమైంది?

క్రికెట్‌ నేపథ్యంలో తెరకెక్కిన ఈ చిత్రంలో షాహిద్‌ కపూర్‌కి జోడీగా మృణాల్‌ ఠాకూర్‌ నటించింది. ట్రైలర్ చూస్తుంటే.. ఎలాంటి మార్పులు లేకుండా మక్కికి మక్కికి దించేసినట్లు తెలుస్తోంది. అయితే, ఈ చిత్రంలోని ఒరిజనల్ కంటెంట్‌ను ఏ మాత్రం మార్చినా ఫీల్ మిస్ అవుతుందనే దర్శకుడు సీన్ టు సీన్.. రీమేక్ చేస్తున్నట్లు తెలుస్తోంది. బాలీవుడ్ కావడంతో హాట్ సీన్స్‌లో మాత్రం రాజీ పడలేదు. ‘కబీర్ సింగ్’ తరహాలోనే షాహీద్ కపూర్ ఈ చిత్రంలో కూడా ముద్దు సీన్లలో జీవించాడు. మొత్తానికి ట్రైలర్ చూస్తుంటే.. హిందీలో కూడా హిట్ కొట్టేట్లే ఉంది. అయితే, ఇందులోని కొన్ని సీన్లు ‘అర్జున్ రెడ్డి’ (కబీర్ సింగ్)‌ను పోలి ఉండటంతో.. బాలీవుడ్ అభిమానులు ఈ చిత్రాన్ని ‘కబీర్ సింగ్ 2.0’ అంటున్నారు. హిందీ ‘జెర్సీ’ ట్రైలర్‌ను ఇక్కడ చూడండి. 

Thank you for the love on the #JerseyTrailer. We are pumped up and how!https://t.co/hn5Mm7Yvz3 @shahidkapoor @mrunal0801 @gowtam19 #AlluAravind @AlluEnts @DilRajuProdctns @SitharaEnts @theamangill @vamsi84 @brat_films @jerseythefilm pic.twitter.com/RIPUtPRHQ1

— Geetha Arts (@GeethaArts) November 24, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి