Kaikala Satyanarayana: అవన్నీ వదంతులే... కైకాల సత్యనారాయణ తాజా ఆరోగ్య పరిస్థితిపై కుమార్తె స్పందన ఇది

సీనియర్ నటులు కైకాల సత్యనారాయణ మరణించారని సోషల్ మీడియాలో ప్రచారం జరుగుతోంది. ఆ వందతులను ఆయన కుటుంబ సభ్యులు ఖండించారు. ఆయన తాజా ఆరోగ్య పరిస్థితిపై కుమార్తె స్పందించారు.

Written By : ABP Desam | Updated at : 23 Nov 2021 11:52 AM (IST)

కైకాల సత్యనారాయణ

సీనియర్ నటులు కైకాల సత్యనారాయణ అస్వస్థతకు గురి కావడంతో గత వారం ఆయన్ను హైదరాబాద్ అపోలో ఆస్పత్రిలో జాయిన్ చేసిన సంగతి తెలిసిందే. ఆయన ఆరోగ్య పరిస్థితి తొలుత క్రిటికల్ గా ఉందని వైద్యులు చెప్పినా... తర్వాత రెండు రోజులకు కోలుకుంటున్నారని వెల్లడించారు. అయితే... అనూహ్యంగా ఈ రోజు ఉదయం నుంచి కైకాల మరణించారంటూ సోషల్ మీడియాలో ప్రచారం జరుగుతోంది. దానిని ఆయన కుటుంబ సభ్యులు ఖండించారు. ఆయన ఆరోగ్య పరిస్థితి బావుందని, కోలుకుంటున్నారని వెల్లడించారు.

"నేను కైకాల రామాదేవి. సత్యనారాయణ గారి అమ్మాయిని. నాన్నగారి ఆరోగ్య పరిస్థితి బావుంది. ఆయన కోలుకుంటున్నారు. చికిత్సకు స్పందిస్తున్నారు. అందరితో మాట్లాడుతున్నారు. నిన్న డాక్టర్, యాక్టర్ మాదాల రవి గారు వచ్చారు. ఆయనతో నాన్నగారు మాట్లాడారు. థంబ్స్ అప్ సింబల్ చూపించారు. ఎవరూ ఆందోళన చెందాల్సిన అవసరం లేదు. టీవీల్లో తప్పుడు సమాచారం చూపించి అందరినీ ఆందోళనకు గురి చేయవద్దు" అని కైకాల సత్యనారాయణ కుమార్తెల్లో ఒకరైన రమాదేవి ఓ వాయిస్ నోట్ విడుదల చేశారు. కైకాలకు ఇద్దరు కుమార్తెలు, ఇద్దరు కుమారులు ఉన్న సంగతి తెలిసిందే.

ఇక, కైకాల సత్యనారాయణ తాజా ఆరోగ్య పరిస్థితికి వస్తే... బీపీ తగ్గడంతో పాటు కిడ్నీ పనితీరు మెరుగైందని, నిదానంగా వెంటిలేటర్ అవసరం తగ్గుతోందని తెలిసింది. ప్రస్తుతం ఆయన ఐసీయూలో ఉన్నారు.

Patient name kaikala satyanarayana is more concious.Blood pressure settling down. Kidney function improving . Good urine output. Decreasing the ventilator support slowly. Today No bleeding from GI tract.patient is in ICU. Condition improving with minimal supports.
— Suresh Kondeti (@santoshamsuresh) November 23, 2021