Janaki Kalaganaledu April 1st: రౌడీ దుమ్ముదులిపిన జానకి- జ్ఞానంబకి పెద్దకోడలు మీద చాడీలు చెప్పిన పెట్రోల్ మల్లిక

జానకి కానిస్టేబుల్ కావడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

జ్ఞానంబ జానకికి చిన్న పిల్లల ఫోటో ఇవ్వడం చూసి కుళ్ళుకుంటుంది. జానకి కంటే ముందు తనే నెల తప్పాలని మల్లిక దేవుడిని కోరుకుంటుంది. అటు జానకి పిల్లల ఫోటోలు గదిలో అతికించుకుని మురిసిపోతుంది. అది చూసి నా లక్ష్యం ఎప్పటికీ గుర్తుండేలా కళ్ళేదుట కనిపించేలా ఫోటో అతికించానని జానకి అంటుంటే తన ఐపీఎస్ లక్ష్యమనుకుని రామ అనుకుంటాడు. జానకి పిల్లలు కనడం గురించి మాట్లాడుతుంటే రామ మాత్రం చదువు గురించి మాట్లాడుతూ ఉంటాడు. ఈ క్షణంలోనే మీ లక్ష్యం నెరవేరితే ఏం చేస్తారని రామ అంటే అంతకి మించి ఇంకేముంటుందని సంబరపడుతుంది. కాసేపటికి జానకి పిల్లల గురించి మాట్లాడుతున్న విషయం రామకి అర్థమవుతుంది.

తనకి పాప కావాలని రామ అంటే కుదరదు తనకి బాబు కావాలని అంటుంది. పొద్దున్నే రామ స్వీట్ బండి రెడీ చేసుకుంటూ మీరు కానిస్టేబుల్ అయిన తర్వాత తనకి ఎక్కువ మంది సెల్యూట్ కొడుతున్నారని చెప్తాడు. అప్పుడే ఇద్దరు ఆడవాళ్ళు జానకి దగ్గరకి వస్తారు. తన కూతురిని కొంతమంది కుర్రాళ్ళు ఏడిపిస్తున్నారని చెప్పి బాధపడుతుంది. వాళ్ళ దెబ్బకి చదవడం మానేసిందని కాలేజీకి కూడా వెళ్ళడం లేదని ఏడుస్తుంది. పోలీస్ కంప్లైంట్ ఇవ్వవచ్చు కదా అని రామ అంటే పరువు పోతుందని అంటుంది. పోలీసుల మీద తనకి నమ్మకం లేదని ఆడపిల్ల తల్లి చెప్తుంది. మగతోడు లేని కుటుంబమని అంత ధైర్యం చేయలేనని అనేసరికి సరే తను చూసుకుంటానని జానకి వాళ్ళకి చెప్తుంది. ఆడపిల్లలు ధైర్యంగా ఉండాలి ఇంకా జీవితం చాలా ఉంది అప్పుడే భయపడితే ఎలా కుర్రాళ్లను నాకు చూపించు నేను చెప్తా వాళ్ళ సంగతని స్వాతిని వెంటబెట్టుకుని వెళ్తుంది. రామ వస్తానంటే వద్దు జీవితంలో తోడు ఉంటే చాలు ఉద్యోగం సంగతి తాను చూసుకుంటానని చెప్తుంది.

జ్ఞానంబ దంపతులు గుడికి వెళ్ళడానికి బయల్దేరుతుంటే మల్లిక వచ్చి మాట్లాడుతుంది. ఎప్పుడు పాడే పాటగా ఎప్పటికప్పుడు ట్యూన్ లు మార్చి పాడుతుంది మల్లిక అని గోవిందరాజులు సెటైర్ వేస్తాడు. ఏంటో చెప్పమని జ్ఞానంబ అడుగుతుంది. ఈ ఇంటికి పెద్ద మీరు మీ పెద్దరికాన్ని నిలబెట్టలేదు. ఇందాక కామేశ్వరి ఆంటీ వచ్చింది. వాళ్ళ అమ్మాయిని ఎవరో పోకిరి కుర్రాళ్ళు ఏడిపిస్తున్నారంట మీకు చెప్పుకుంటే జానకికి చెప్పి ఏదో ఒక సాయం చేస్తారని వచ్చారు కానీ ఇంతేనా దానికి అత్తయ్య దాకా ఎందుకు నేను చూసుకుంటానులే అని చెప్పిందని జానకి మీద చాడీలు చెప్తుంది. మీరు జానకికి గట్టిగా వార్నింగ్ ఇవ్వకపోతే మేము కూడా ఇలాగే మాట్లాడతామని అంటుంది. సమస్యని పరిష్కరించాల్సింది జానకి కాదు పోలీస్ స్టేషన్ లో ఎస్సై, ఇంట్లో అత్తయ్య అవేమీ పట్టించుకొకపోతే చిక్కుల్లో పడేది జానకి కాదు ఈ ఇంటి పరువు అని బాగా ఎక్కిస్తుంది.

మన పరువుకి మచ్చ పడకుండా కాపాడాలని ఆ దేవుడికి దణ్ణం పెట్టుకుందామని చెప్పి గోవిందరాజులు భార్యని తీసుకుని గుడికి వెళ్లిపోతారు. తన పాచిక పారలేదని మల్లిక తిట్టుకుంటుంది. జానకి స్వాతిని బస్టాప్ కి తీసుకొచ్చి వెళ్ళమని చెప్తుంది. స్వాతి వెళ్ళి బస్టాప్ లో నిలబడేందుకు భయపడుతుంటే జానకి సత్యభామ, దుర్గామాత అని కాసేపు తనని మోటివేట్ చేస్తుంది. వాడి వస్తే లాగి చెంప పగలగొట్టు చెప్పు తీసి చూపించి దెబ్బకి పారిపోతాడని అంటుంది. దీంతో స్వాతి వెళ్ళి బస్టాప్ లో నిలబడుతుంది ఆ ఆకతాయి వచ్చి తనని ఏడిపిస్తాడు. జానకి ఇచ్చిన ధైర్యంతో స్వాతి అతన్ని కొడుతుంది. తర్వాత వాడు స్వాతి మీదకి చెయ్యి ఎత్తబోతుంటే జానకి వచ్చి ఆపుతుంది. వాడిని రోడ్డు మీద కొట్టుకుంటూ తీసుకెళ్తుంది.