Ileana D'cruz: నెలసరి నొప్పిపై ఇలియానా షాకింగ్ కామెంట్స్‌

పీరియడ్స్, పీరియడ్స్ టైమ్‌లో ఇబ్బందుల గురించి ఇలియానా మాట్లాడారు. ఆమె మహిళలకు ఓ సలహా కూడా ఇచ్చారు.

Written By : ABP Desam | Updated at : 11 Jan 2022 03:56 PM (IST)

ఇలియానా

నెలసరి (పీరియడ్స్) సమయంలో కొంత మంది మహిళలకు కడుపు నొప్పి, ఇంకొంత మందికి అధిక రక్తస్రావం, మరి కొందరికి నడుము నొప్పి, పొత్తి కడుపులో తీవ్ర పోటు... ఇలా ఒక్కొక్కరికి ఒక్కోలా ఉంటుంది. ఆ మూడు రోజులు మహిళలు ఇబ్బందులు ఎదుర్కొంటారు. వీటి గురించి ఇలియానా మాట్లాడారు. ఆ సమయంలో వర్కవుట్స్ చేస్తే నొప్పి తగ్గుతుందని కొంత మంది చెప్పారని, అలా చేయడం వల్ల అన్నిసార్లు సత్ఫాలితాలు రావని ఆమె అన్నారు.

"ఓకే... ఒక్క నిమిషం రియ‌ల్‌గా ఉందాం. పీరియడ్స్ రెండో రోజు ఎంత కష్టంగా ఉంటుందో చాలా మంది మహిళలకు తెలుసు. నడుము కింద భాగంలో నొప్పి, అధిక రక్తస్రావం, సంకోచాల వల్ల నొప్పి రెండింతలు అవ్వడం... సాధారణంగా వచ్చే అన్ని ఇబ్బందులను నేను అనుభవించాను. ఆ సమయంలో వ్యాయామాలు చెయ్యడం వల్ల ఎండోర్ఫిన్ విడుదల అవ్వడంతో కొంత ఉపయోగం ఉంటుందని నేను ఎక్కడో చదివాను. అది అన్నిసార్లు వర్కవుట్ అవ్వదు. మీ బాడీ చెప్పింది వినండి. ఒకవేళ అవసరం అనుకుంటే ఆ రోజు సెలవు తీసుకోండి. అందులో ఇబ్బంది పడాల్సింది ఏమీ లేదు" అని ఇన్‌స్టాగ్రామ్ స్టోరీలో ఇలియానా పోస్ట్ చేశారు.

Ileana D'cruz: నెలసరి నొప్పిపై ఇలియానా షాకింగ్ కామెంట్స్‌
మహిళల సమస్యలపై ఇలియానా గతంలో కూడా మాట్లాడారు. తాను మానసిక సమస్యలతో ఇబ్బంది పడినట్టు ప‌బ్లిక్‌గా చెప్పారు. హీరోయిన్లు ఈ విధంగా మాట్లాడటం వల్ల సాధారణ మహిళలకు ధైర్యంగా ఉంటుందని మానసిక విశ్లేషకులు అంటున్నారు.