Ennenno Janmalabandham March 28th: పెళ్లిరోజు యష్, వేద క్యూట్ రొమాన్స్- చిత్రకి ఐలవ్యూ చెప్పిన అభిమన్యు

ఖుషి పాయసం చేసి ముందుగా యష్ కి తినిపిస్తుంది. అది టేస్ట్ చేసి పాయసం ఎలా చేయాలో తన కూతురి దగ్గర చూసి నేర్చుకోమని అంటాడు. యష్ కి పాయసం తినిపించమని చిత్ర వాళ్ళు అంటారు. తన భర్తకి భార్య తినిపించడంలో ఒక తృప్తి ఉంటుంది. భర్త కడుపు నిండితే భార్య కడుపు నిండుతుందని మాలిని అంటుంది. దీంతో వేద భర్తకి తినిపిస్తుంది. భర్త చేతి ముద్దు భార్యకి అమృతంతో సమానమని అనేసరికి యష్ కూడా పెళ్ళానికి ప్రేమగా తినిపిస్తాడు. మీ ఇద్దరూ సంతోషంగా ఉంటే మేమందరం ఎంత సంతోషంగా ఉన్నాం. భార్యాభర్తలు ఒకరికొకరు సాయం చేసుకోవాలి, ప్రేమగా ఉండాలి. నువ్వు నీ భార్య మనసుతో చూడు. ఖుషికి అమ్మ స్థానంలో వచ్చి వేద నీకు గిఫ్ట్ ఇచ్చింది. నీ భార్య స్థానం ఇచ్చి నువ్వు రిటర్న్ గిఫ్ట్ ఇవ్వాలి కదా. నీ ఫస్ట్ మ్యారేజ్ సక్సెస్ కాలేదు అది తప్పు కాదు. కానీ రెండో మ్యారేజ్ సక్సెస్ అవకపోతే అది నీ తప్పు. మాళవిక నీ విషయంలో చేసిన తప్పు నువ్వు వేద విషయంలో చేయొద్దని మాలిని కొడుక్కి చెప్తుంది.

Also read: ప్రియ మెడలో తాళి కట్టిన సంజయ్- దివ్య జీవితం నాశనం చేసేందుకు లాస్య స్కెచ్

నా భార్యని గుండెల్లో పెట్టి చూసుకుంటానని మాట ఇస్తున్నానని యష్ తల్లితో చెప్తాడు. చిత్ర కోపంగా అభిమన్యు దగ్గరకి వచ్చి అరుస్తుంది. నెక్లెస్ ఇచ్చి తీసుకోమని అంటాడు. మాళవిక కోసమని చెప్పి నాకు ఇస్తున్నావా అని తిడుతుంది. నేను నిన్ను ప్రేమిస్తున్నాను. ఫస్ట్ టైమ్ నిన్ను చూసినప్పుడే నీ అందానికి ఫ్లాట్ అయిపోయాను. నీలాంటి అమ్మాయి వసంత్ తో చీప్ బతుకు బతకడం అవసరమా. ఐ లవ్యూ.. ఐ లవ్యూ నిన్ను ఒక మహారాణిలా చూసుకుంటాను. చెప్పాల్సింది చెప్పాను ఆడగాల్సింది అడిగాను. ఛాయిస్ ఈజ్ యువర్స్ చిత్ర డార్లింగ్ అని అభిమన్యు చెప్తాడు. నీ డబ్బు హోదా ఆస్తి నా కాలి గోటితో సమానం. నీకు ఎన్ని గుండెలు నన్ను ప్రేమిస్తున్నానని చెప్పడానికి. నిన్ను ఎంత గుడ్డిగా నమ్ముతుంది మాళవిక, అలాంటి దాన్ని మోసం చేస్తావా అని నిలదీస్తుంది.

Also Read: ధర్మరాజుకి రిషి కూల్ వార్నింగ్- రిషిధారగా ఒక్కటయ్యేందుకు ఏం నిర్ణయం తీసుకోబోతున్నారు?

వేద రెడీ అవుతుంటే విన్నీ ఫోన్ చేస్తాడు. ముంతాజ్ బేగం అని పిలుస్తాడు. నేను షాజహాన్ అయితే నువ్వు ముంతాజ్ బేగం అవుతావ్ కదా అంటే వేద ఆపుతావా నువ్వు కాదు నా భర్త షాజహాన్ అవుతాడని అంటుంది. నువ్వు రాంగ్ షాజహాన్ గొప్ప ప్రేమికుడు నాలాగా అని మనసులో ఉన్న మాట బయటపెట్టేస్తాడు. అనుమానపడిన వేద ఏంటి తేడాగా ఉందని అంటుంది. ఈ షాజహాన్ ముంతాజ్ ని ఆటపట్టిస్తున్నాడని అంటే ఇదంతా ఆపమని వేద అంటుంది. యష్ కి గిఫ్ట్ ఇవ్వాలని అడుగుతుంది. నేను నీకు గిఫ్ట్ పంపిస్తాను అది నువ్వు యష్ కి ఇవ్వమని చెప్తాడు. నువ్వు ట్రూ ఫ్రెండ్ అని వేద అంటే ఫ్రెండ్ కాదు కాబోయే హజ్బెండ్ ని హబ్బీనని అనుకుంటాడు. వేద తలకి సాంబ్రాణి వేసుకుంటుంటే యష్ వచ్చి తనే వేస్తాడు.