Peddi Item Song : హల్లల్లల్లో ఐటమ్ సాంగ్ సింగర్ ఈమెనే - రక్షిత సురేష్ బ్యాగ్రౌండ్ ఏంటో తెలుసా!
Hallallallo Song Singer : పెద్ది ఐటమ్ సాంగ్ హల్లల్లల్లోతో పాటే సింగర్ రక్షిత పేరు కూడా సోషల్ మీడియాలో ట్రెండ్ అవుతోంది. ఉత్తరాంధ్ర స్టైల్ గాత్రంతో సాంగ్ అదరగొట్టారు. అసలు ఆమె బ్యాగ్రౌండ్ ఏంటంటే..
Peddi Item Song Hallallallo Singer Rakshitha Suresh Background : పెద్ది ఐటమ్ సాంగ్ హల్లల్లల్లో ప్రస్తుతం అటు సోషల్ మీడియా ఇటు యూట్యూబ్లో ట్రెండ్ అవుతోంది. ఈ పాటకు అనంత్ శ్రీరామ్ రొమాంటిక్ టచ్ లిరిక్స్ అందించగా సింగర్గా రక్షిత సురేష్ (Rakshitha Suresh) ఫుల్ జోష్తో అదిరిపోయే వాయిస్ అందించారు. ఆమె పేరు వైరల్ అవుతుంగా ఆమె ఎవరా? అంటూ నెటిజన్లు తెగ సెర్చ్ చేస్తున్నారు. అసలు రక్షిత ఇంతకు ముందు ఏయే పాటలు, ఎన్ని భాషల్లో పాడారు. అసలు ఆమె బ్యాక్ గ్రౌండ్ ఏంటి? అనేది ఓసారి చూస్తే...
మ్యూజిక్పై ఇంట్రెస్ట్తో...
మైసూరుకు చెందిన రక్షిత చిన్నప్పటి నుంచే మ్యూజిక్పై ఇంట్రెస్ట్తో ట్రైనింగ్ తీసుకున్నారు. కర్ణాటక మ్యూజిక్, హిందుస్థానీ మ్యూజిక్తో పాటు లైట్ మ్యూజిక్లోనూ శిక్షణ పొందారు. కన్నడలో 'రిథమ్ తథీమ్', 'లిటిల్ స్టార్ సింగర్ - 2009' వంటి రియాలిటీ షోల్లో విన్నర్గా నిలిచారు. ఆ తర్వాత తమిళ రియాలిటీ షో సూపర్ సింగర్ 6లో ఫస్ట్ రన్నర్గా నిలిచి మంచి గుర్తింపు సంపాదించుకున్నారు. తెలుగు, తమిళం, హిందీ, కన్నడ, మలయాళం భాషల్లో పాటలు పాడారు.
తెలుగు పాటతో...
తెలుగు పాటతోనే రక్షిత సింగర్గా పరిచయమయ్యారు. ప్రముఖ మ్యూజిక్ డైరెక్టర్ ఇళయరాజా ఆమెను ఇండస్ట్రీకి ఇంట్రడ్యూస్ చేశారు. ఎవడే సుబ్రహ్మణ్యం (2015)లోని 'చల్లగాలి తాకుతున్నది మేఘమైనది మనసిలా' అనే గీతంతో ఫస్ట్ ప్రయత్నంలోనే ఆడియన్స్ మనసు దోచేశారు. 'లవ్ స్టోరీ'లో ముత్యాల చెమ్మ చెక్క పాట, పలు డబ్బింగ్ సినిమాల్లోనూ పాటలు పాడారు.
జవాన్లోని 'నాట్ రామయ్యా వస్తావయ్యా', ది లెజెండ్లోని 'తొలి తొలి ఆశల ఊసులే' పాటలు ఆలపించారు. జీవీ ప్రకాశ్ కుమార్, యువన్ శంకర్ రాజా మ్యూజిక్ డైరెక్టర్లతోనూ వర్క్ చేశారు. తన మధుర గాత్రంతో ఎన్నో వేదికలపై పెర్ఫార్మెన్స్ ఇచ్చి ఆకట్టుకున్నారు.
Also Read : జన నాయగన్ రిలీజ్ డేట్ - ఫ్యాన్స్కు నోటిఫికేషన్స్... సీఎం బర్త్ డేకు డబుల్ ట్రీట్
హల్లల్లల్లో సాంగ్ అలా...
ఆస్కార్ విన్నర్ ఏఆర్ రెహమాన్ టీంలో రక్షిత మెయిన్ సింగర్గా ఉన్నారు. ఆయన ఆధ్వర్యంలో ఇంటర్నేషనల్ స్థాయిలో ఎన్నో పెర్ఫార్మెన్సెస్ ఇచ్చారు. ఆయన సంగీత దర్శకత్వం వహించిన మూవీస్లో ఎక్కువ పాటలు పాడారు రక్షిత. మిమీ, లైఫ్ ఆఫ్ ముత్తు, కోబ్రా, పొన్నియన్ సెల్వన్ 1, 2, మామన్నన్, ఆడు జీవితం, థగ్ లైఫ్ చిత్రాల్లో పాటలు పాడారు.
అలా పెద్దిలో హల్లల్లల్లో (Hallallallo Item Song) సాంగ్ పాడే ఛాన్స్ అందుకున్నారు. పూర్తి ఉత్తరాంధ్ర యాసలో తనదైన గాత్రంతో అదరగొట్టారు. ప్రస్తుతం పాటతో పాటు రక్షిత పేరు కూడా సోషల్ మీడియాలో మార్మోగుతోంది.
Also Read : శక్తిమాన్గా అల్లు అర్జున్ - మలయాళ స్టార్ డైరెక్టర్తో మూవీ... క్లారిటీ వచ్చేసింది
టాప్ హెడ్ లైన్స్
ట్రెండింగ్ వార్తలు
