Vijay Deverakonda Rashmika Wedding : ఒక్కటైన విజయ్ దేవరకొండ రష్మిక - హిందూ సంప్రదాయంలో పెళ్లి
Virosh Wedding : విజయ్ దేవరకొండ, రష్మిక వివాహ బంధంతో ఒక్కటయ్యారు. గురువారం ఉదయం 10 గంటల 10 నిమిషాలకు హిందూ సంప్రదాయం ప్రకారం పెళ్లి ఘనంగా జరిగింది.
Vijay Deverakonda Rashmika Get Married In Hindu Tradition : స్టార్ హీరో విజయ్ దేవరకొండ, నేషనల్ క్రష్ రష్మిక జంట ఒక్కటయ్యారు. రాజస్థాన్లోని ఉదయపూర్ వేదికగా గురువారం ఉదయం 10 గంటల 10 నిమిషాలకు హిందూ సంప్రదాయం ప్రకారం వేద మంత్రోచ్ఛారణల మధ్య విరోష్ కపుల్ వివాహ బంధంతో ఒక్కటయ్యారు. రష్మిక మెడలో విజయ్ మూడు ముళ్లు వేశారు. విజయ్, రష్మిక చూడముచ్చటగా కనిపించారు.
కుటుంబ సభ్యులు, కొద్ది మంది సన్నిహితుల మధ్య వైభవంగా వీరి పెళ్లి వేడుక సాగింది. ఈ సాయంత్రం 4:30 గంటలకు కడువ సంప్రదాయం ప్రకారం మరోసారి వీరి వివాహం జరగనుంది. ప్రస్తుతం సోషల్ మీడియాలో 'Vijay Deverakonda', 'Virosh' హ్యాష్ ట్యాగ్స్ ట్రెండ్ అవుతున్నాయి. నూతన జంటకు అభిమానులతో పాటు ఫ్యాన్స్ విషెష్ చెబుతున్నారు.
Also Read : విజయ్ దేవరకొండ, రష్మికల వెడ్డింగ్! - క్యూట్ కపుల్ ఆస్తుల విలువ ఎంతో తెలుసా?
అతిథులు ఎవరూ ఫోన్స్ యూజ్ చేయకూడదనే నిబంధన ఉండడంతో వీరి పెళ్లి ఫోటోలు బయటకు రాలేదు. ఈ హడావుడి ముగిసిన దాదాపు రెండు రోజుల తర్వాత విజయ్, రష్మిక పెళ్లి ఫోటోలు సోషల్ మీడియాలో షేర్ చేసే ఛాన్స్ ఉందని తెలుస్తోంది. అఫీషియల్గా వీరు షేర్ చేసే వరకూ వెయిట్ చేయాల్సిందే. ఇక మార్చి 4న రిసెప్షన్ హైదరాబాద్లో జరగనుండగా... ఈవెంట్కు టాలీవుడ్ టాప్ సెలబ్రిటీలతో పాటు పొలిటికల్ లీడర్స్ హాజరు కానున్నారు.
సంబరంగా సంగీత్
అంతకు ముందు హల్దీ, సంగీత్ సంబరాలు అంబరాన్నంటాయి. బుధవారం రాత్రి సంగీత్ వేడుకలో విజయ్, రష్మికలతో పాటు అతిథులు డ్యాన్సులతో సందడి చేశారు. 'గీత గోవిందం'లోని బెస్ట్ సాంగ్స్కు కలిసి డ్యాన్స్ చేశారు. ఆ మూవీతోనే వీరిద్దరూ బెస్ట్ పెయిర్ అనిపించుకున్నారు. ఆ తర్వాత 'డియర్ కామ్రేడ్' మూవీలోనూ కలిసి నటించారు. అలా వీరిద్దరి పరిచయం ప్రేమగా మారింది. ఎంతోకాలంగా వీరిద్దరూ ప్రేమలో ఉన్నట్లు వార్తలు వచ్చినా ఆ బంధాన్ని ఇద్దరూ బయటపెట్టలేదు. తాజాగా, పెళ్లి చేసుకోబోతున్నామంటూ ఒకేసారి సోషల్ మీడియా వేదికగా అనౌన్స్ చేశారు. ఇప్పుడు వివాహ బంధంతో ఒక్కటయ్యారు.
Before You Go
Illu Illalu Pillalu Serial Actor Sai Kumar Kola | సీరియల్ నటుడు సాయి కుమార్ కోలా రియల్ లైఫ్
టాప్ హెడ్ లైన్స్
ట్రెండింగ్ వార్తలు
