Family Star: 'ఫ్యామిలీ స్టార్'కు ఆ ఐదు రోజులూ పండుగ - విజయ్ దేవరకొండ అఫీషియల్‌గా చెప్పేశాడు

Vijay Devarakonda Family Star Release Date: విజయ్ దేవరకొండ 'ఫ్యామిలీ స్టార్' విడుదల తేదీని అధికారికంగా ఈ రోజు వెల్లడించారు.

'ఫ్యామిలీ స్టార్' సినిమాలో విజయ్ దేవరకొండ

Vijay Devarakonda's Famil Star to release on April 5th, 2024: విజయ్ దేవరకొండ కథానాయకుడిగా నటిస్తున్న లేటెస్ట్ ఎంటర్టైనర్ 'ఫ్యామిలీ స్టార్'. తన తొలి వంద కోట్ల సినిమా, 'గీత గోవిందం' వంటి హిట్ ఇచ్చిన పరశురామ్ దర్శకత్వంలో ఆయన రెండోసారి హీరోగా నటిస్తున్న చిత్రమిది. ఈ సినిమా విడుదల తేదీని అధికారికంగా ప్రకటించారు. 

ఏప్రిల్ 5న 'ఫ్యామిలీ స్టార్‌' విడుదల
ఏప్రిల్ 5న 'ఫ్యామిలీ స్టార్‌' చిత్రాన్ని విడుదల చేయనున్నట్లు చిత్ర నిర్మాణ సంస్థ శ్రీ వెంకటేశ్వర క్రియేషన్స్ పేర్కొంది. కొన్ని రోజులుగా ఈ విడుదల తేదీ గురించి అనుకుంటున్న విషయం ప్రేక్షకులకూ తెలుసు. అయితే... ఈ రోజు అఫీషియల్‌గా చెప్పారు.

A blockbuster entertainment bonanza is on its way! 💥💥

𝐀𝐩𝐫𝐢𝐥 𝟓𝐭𝐡, 𝟐𝟎𝟐𝟒 is your date to welcome our #FamilyStar into your hearts ♥️#FamilyStarOnApril5th@TheDeverakonda @Mrunal0801 @ParasuramPetla #KUMohanan @GopiSundarOffl @SVC_official @TSeries @tseriessouth pic.twitter.com/7O69QIFQcn

— Sri Venkateswara Creations (@SVC_official) February 2, 2024

మ్యాన్ ఆఫ్ మాసెస్ ఎన్టీఆర్ కథానాయకుడిగా కొరటాల శివ దర్శకత్వం వహిస్తున్న 'దేవర'ను ఏప్రిల్ 5న విడుదల చేయడానికి సన్నాహాలు చేశారు. అయితే... ఆ రోజు థియేటర్లలోకి ఆ సినిమా వచ్చే అవకాశాలు లేవు. 'దేవర' యూనిట్ ఇంకా అనౌన్స్ చేయలేదు గానీ... సంగీత దర్శకుడు అనిరుధ్ రవిచందర్ సాంగ్స్ లేట్ చేయడం, నేపథ్య సంగీతం చేయడానికి మరింత సమయం కావాలని అడగడంతో పాటు ఏపీ అసెంబ్లీ ఎన్నికలను దృష్టిలో పెట్టుకుని వాయిదా వేశారు. ఇప్పుడు 'దేవర' విడుదల తేదీకి విజయ్ దేవరకొండ 'ఫ్యామిలీ స్టార్' వస్తోంది.

సంక్రాంతి మిస్ అయినా... 
అంత కంటే బెస్ట్ రిలీజ్ డేట్!
తొలుత 'ఫ్యామిలీ స్టార్' సినిమాను సంక్రాంతికి విడుదల చేయాలని యూనిట్ ప్లాన్ చేసింది. అయితే... బరిలో నాలుగైదు సినిమాలు ఉండటంతో వెనక్కి వెళ్ళింది. ఒక విధంగా అలా వెళ్ళడం వల్ల చాలా మంచి జరిగింది. ఏప్రిల్ 5 దొరికింది.

ఏప్రిల్ 5 శుక్రవారం. విడుదల రోజు ఓపెనింగ్స్ కలెక్షన్స్ బావుంటాయి. శని, ఆది వారాలైన 6, 7 తేదీల్లో వీకెండ్ వసూళ్లు సైతం బాగా వస్తాయి. అయితే... ఏప్రిల్ 8న ఉగాది వచ్చింది. తెలుగు పండుగ. పైగా, ఫ్యామిలీ నేపథ్యంలో విజయ్ దేవరకొండ సినిమా. మంచి బజ్ రావడమే కాదు... థియేటర్లకు జనాలు కూడా వస్తారు. సో... సంక్రాంతి మిస్ అయినా విజయ్ దేవరకొండకు అంత కంటే మంచి రిలీజ్ డేట్ దొరికిందని చెప్పవచ్చు. దర్శక నిర్మాతలు అనౌన్స్ చేయలేదు గానీ ఈ విడుదల తేదీని సంగీత దర్శకుడు గోపీసుందర్ కన్ఫర్మ్ చేశారు. 

'ఫ్యామిలీ స్టార్' సినిమాలో విజయ్ దేవరకొండ సరసన 'సీతా రామం', 'హాయ్ నాన్న' సినిమాల ఫేమ్ మృణాల్ ఠాకూర్ (Mrunal Thakur) కథానాయికగా నటిస్తున్నారు. మరో కథానాయికగా 'మజిలీ', 'రామారావు ఆన్ డ్యూటీ', 'మైఖేల్' సినిమాల ఫేమ్ దివ్యాంశ కౌశిక్ నటిస్తున్నారు. ప్రముఖ నిర్మాత 'దిల్' రాజుకు చెందిన శ్రీ వెంకటేశ్వర క్రియేషన్స్ సంస్థలో రూపొందుతున్న 54వ సినిమా 'ఫ్యామిలీ స్టార్'. హీరో విజయ్ దేవరకొండకు ఇది 13వ సినిమా. ఈ సినిమాకు 'దిల్' రాజు, శిరీష్ నిర్మాతలు.