నిబంధనలు అతిక్రమిస్తూ, పర్మిషన్ లేకుండా నిర్మించిన భవనాలను కూల్చివేస్తామని HYDRA కమిషనర్ రంగనాథ్ హెచ్చరించారు. నాలాలు, చెరువులు ఆక్రమించి కట్టిన వాటిని నేలమట్టం చేస్తారు.
అన్వేషించండి
Gachibowli Building Collapse: అలాంటి బిల్డింగ్స్ అన్నీ కూల్చివేస్తాం.. గచ్చిబౌలి ఘటనా స్థలాన్ని పరిశీలించిన రంగనాథ్
అక్రమ కట్టడాలను కూలుస్తామని, నాలాలు, చెరువుల ఆక్రమణలను నేలమట్టం చేస్తామని గచ్చిబౌలి అంజయ్యనగర్లో కూలిన ఏడంతస్తుల భవనాన్ని పరిశీలించిన హైడ్రా కమిషనర్ రంగనాథ్ హెచ్చరించారు.
అలాంటి బిల్డింగ్స్ అన్నీ కూల్చివేస్తాం.. గచ్చిబౌలి ఘటనా స్థలాన్ని పరిశీలించిన రంగనాథ్
Source : Abp desam
- కూలిన భవనాన్ని పరిశీలించిన కమిషనర్, అక్రమ నిర్మాణాలపై చర్యలు తప్పవని హెచ్చరించారు.
- గచ్చిబౌలిలో నాలా పక్కన అక్రమంగా నిర్మించిన ఏడంతస్తుల భవనం కూలింది.
- ప్రమాదంలో ఇద్దరు కార్మికులు మృతిచెందగా, పక్కన పది ఫ్లాట్లు దెబ్బతిన్నాయి.
HYDRA Chief Ranganath | హైదరాబాద్: నిబంధనలు అతిక్రమిస్తూ పర్మిషన్ లేకుండా నిర్మించే బిల్డింగ్స్ కూల్చడం తప్పదని, నాలాలు, చెరువులు ఆక్రమించి నిర్మించే కట్టడాలు నేలమట్టం చేస్తామని హైడ్రా (HYDRAA) కమిషనర్ రంగనాథ్ హెచ్చరించారు. నగరంలోని గచ్చిబౌలి అంజయ్యనగర్లో శనివారం మధ్యాహ్నం కూలిన ఏడంతస్తుల భవనం స్థలాన్ని ఆయన పరిశీలించారు. అనంతరం ఆయన మీడియాతో మాట్లాడుతూ స్థానికుల ఫిర్యాదులను ప్రస్తావించారు. బిల్డర్ సాజిద్ నిర్మిస్తున్న భవనాలన్నీ నిబంధనలకు విరుద్ధంగానే ఉంటున్నాయని స్థానికులు చెబుతున్నారని, అలాంటి భవనాలన్నింటినీ త్వరలోనే కూల్చివేస్తామని ఆయన స్పష్టం చేశారు.
కేవలం 50 గజాల పరిమిత స్థలంలో ఏడంతస్తుల భవనాన్ని నిర్మించడమే కాకుండా, నిబంధనలకు విరుద్ధంగా దానిపై మరొక పెంట్ హౌస్ కూడా నిర్మించారని రంగనాథ్ తెలిపారు. అంజయ్యనగర్లో సరైన సెట్బ్యాక్లు లేని భవనాలు చాలా ఉన్నాయని, నాలాలను ఆక్రమించి ఇష్టానుసారంగా కట్టిన ఇలాంటి అక్రమ కట్టడాలన్నింటినీ కూల్చివేస్తామని హెచ్చరించారు. ప్రస్తుతం వీటిని హాస్టళ్లుగా వాడుతుండటంతో, తక్షణమే ఖాళీ చేయాలని యజమానులకు సూచించారు. ఈ ప్రాంతంలో ఆక్రమణలు, అక్రమ నిర్మాణాలపై ప్రత్యేక డ్రైవ్ నిర్వహించి చర్యలు తీసుకుంటామని హైడ్రా కమిషనర్ రంగనాథ్ స్పష్టం చేశారు.
ఒక్కసారిగా కుప్పకూలిన 7 అంతస్థుల బిల్డింగ్
గచ్చిబౌలిలోని అంజయ్య నగర్‌లో నాలా పక్కన 50 గజాల చిన్న స్థలంలో అక్రమంగా నిర్మిస్తున్న 7 అంతస్తుల భవనం ఒక్కసారిగా కుప్పకూలింది. ఈ ప్రమాదంలో టైల్స్, ఎలక్ట్రీషియన్ పనులు చేస్తున్న మధ్యప్రదేశ్కు చెందిన ఉమేష్, మహబత్ అనే ఇద్దరు కార్మికులు ప్రాణాలు కోల్పోయారు. శిథిలాల కింద చిక్కుకున్న మరికొందరి కోసం రెస్క్యూ టీమ్ సహాయక చర్యలు చేపడుతోంది. భవనం కూలిన తీవ్రతకు పక్కనే ఉన్న అపార్ట్‌మెంట్‌లో 10 ఫ్లాట్లు దెబ్బతిన్నాయి, సమీప హాస్టల్ విద్యార్థులు భయంతో బయటకు పరుగులు తీశారు. సాయంత్రం వేళ ఈ ప్రమాదం జరిగి ఉంటే భారీగా ప్రాణనష్టం జరిగేదని స్థానికులు తెలిపారు. రెస్క్యూ టీమ్ మృతదేహాలను వెలికితీయగా, పోలీసులు పోస్టుమార్టం కోసం ఆసుపత్రికి తరలించారు.
Frequently Asked Questions
నిబంధనలు అతిక్రమించిన భవనాలపై HYDRA ఏం చర్యలు తీసుకోనుంది?
గచ్చిబౌలి అంజయ్యనగర్లో జరిగిన ప్రమాదం ఏమిటి?
గచ్చిబౌలి అంజయ్యనగర్లో అక్రమంగా నిర్మిస్తున్న ఏడంతస్తుల భవనం కుప్పకూలింది. ఈ ఘటనలో మధ్యప్రదేశ్కు చెందిన ఇద్దరు కార్మికులు ప్రాణాలు కోల్పోయారు.
కూలిపోయిన భవనం నిర్మాణం ఎలా ఉంది?
ఈ భవనాన్ని కేవలం 50 గజాల చిన్న స్థలంలో ఏడంతస్తులు, ఒక అక్రమ పెంట్ హౌస్‌తో నిర్మించారు. ఇది నిబంధనలకు విరుద్ధంగా నాలా ఆక్రమించి కట్టబడిందని HYDRA కమిషనర్ తెలిపారు.
అంజయ్యనగర్లోని ఇతర అక్రమ కట్టడాలపై చర్యలు ఉంటాయా?
అవును, అంజయ్యనగర్లో సరైన సెట్బ్యాక్లు లేని, నాలాలను ఆక్రమించి నిర్మించిన అన్ని అక్రమ కట్టడాలను కూల్చివేస్తామని రంగనాథ్ హెచ్చరించారు. ఈ ప్రాంతంలో ప్రత్యేక డ్రైవ్ నిర్వహిస్తారు.
Advertisement
టాప్ హెడ్ లైన్స్
హైదరాబాద్
తన కుమార్తె వివాహానికి తెలంగాణ డిప్యూటీ సీఎం భట్టి, మంత్రి సీతక్కకు షర్మిల ఆహ్వానాలు
హైదరాబాద్
ఐదారు రోజులు చూసి పర్మిషన్ నిరాకరించడం కుట్రే! ఢిల్లీకి బస్సుల్లో తరలివస్తాం: మహేష్ గౌడ్
హైదరాబాద్
తెలంగాణలో ఐఏఎస్ అధికారుల బదిలీలు.. అటవీ శాఖకు జయేష్ రంజన్, ఇంధన శాఖకు వికాస్ రాజ్
హైదరాబాద్
తెలంగాణలో కరవు కోరలు.. 31 జిల్లాల్లో 365 మండలాల్లో తీవ్ర ప్రభావం.. రూ.20 వేల కోట్ల కేంద్ర ప్యాకేజీ కోసం అభ్యర్థన
Advertisement
Advertisement
ట్రెండింగ్ వార్తలు
