Venkatesh Daughter Wedding: ఓ ఇంటి కోడలైన వెంకటేష్ రెండో కుమార్తె - అల్లుడితో విక్టరీ దంపతుల్ని చూడండి

Venkatesh Daughter Hayavahini Marriage: వెంకటేష్ రెండో కుమార్తె హయ వాహిని వివాహం శుక్రవారం ఘనంగా జరిగింది. కుమార్తె, అల్లుడితో వెంకటేష్ దంపతులు దిగిన ఫోటోను కుటుంబం విడుదల చేసింది.

కుమార్తె హయవాహిని, అల్లుడు నిశాంత్ పాతూరితో వెంకటేష్, నీరజ దంపతులు 

Hayavahini Daggubati Husband: మూవీ మొఘల్ దగ్గుబాటి రామానాయుడు మనవరాలు, టాలీవుడ్ స్టార్ హీరో విక్టరీ వెంకటేష్ రెండో కుమార్తె హయ వాహిని శుక్రవారం ఓ ఇంటి కోడలు అయ్యింది. ఏపీలోని విజయవాడకు చెందిన ఓ డాక్టర్ కుమారుడు నిశాంత్ పాతూరి (Nishant Paturi)తో ఆమె ఏడు అడుగులు వేశారు. దగ్గుబాటి ఫ్యామిలీ సొంతమైన రామానాయుడు స్టూడియోలో బంధుమిత్రులు, అతి కొద్ది మంది సన్నిహితుల సమక్షంలో ఈ వివాహం ఘనంగా జరిగింది.

నూతన దంపతులతో వెంకటేష్ దంపతులు
Venkatesh with daughter Hayavahini and son in law Nishant Paturi: వివాహం తర్వాత కుమార్తె హయ వాహిని, అల్లుడు నిశాంత్ పాతూరితో వెంకటేష్, నీరజ దంపతులు దిగిన ఫోటోను కుటుంబం మీడియాకు విడుదల చేసింది. కొత్త జంటతో విక్టరీ జంట ఫోటోలు ప్రస్తుతం సోషల్ మీడియాలో చక్కర్లు కొడుతున్నాయి.

#Venkatesh's second daughter, #Hayavahini and Nishanth tied the knot on Friday.

The wedding was strictly a private affair and was attended by the who's who of the film industry and the political fraternity. #VictoryVenkatesh #HayavahiniWedding #Venkatesh pic.twitter.com/IFJpqZUU04

— KLAPBOARD (@klapboardpost) March 15, 2024

మెహందీ వేడుకలో మహేష్ కుమార్తె సందడి
కుటుంబ సభ్యులు, బంధు మిత్రుల సమక్షంలో హయ వాహిని పెళ్లిని దగ్గుబాటి ఫ్యామిలీ ఘనంగా చేసింది. పెళ్లికి ముందు రోజు మెహందీ వేడుక నిర్వహించారు. అందులో మహేష్ బాబు సతీమణి నమ్రత, కుమార్తె సితార ఘట్టమనేని సందడి చేశారు.

#NamrataShirodkar and #Sitara from Mehendi night of #Venkatesh's Daughter #Hayavahini❤️ #Mehendi #DaggubatiVenkatesh #SureshBabu #RamaNaiduStudios #RanaDaggubati pic.twitter.com/EE7gq0CaP3

— Rajesh Kumar Reddy E V (@rajeshreddyega) March 15, 2024

ఇద్దరు కుమార్తెలకు పెళ్లిళ్లు చేసిన వెంకటేష్
వెంకటేష్, నీరజ దంపతులకు నలుగురు సంతానం. పెద్ద కుమార్తె ఆశ్రితకు 2019లో వివాహం చేశారు. ఆమెకు ఫుడ్ బ్లాగర్. ఇన్ఫినిటీ ప్లాటర్ పేరుతో సోషల్ మీడియా, యూట్యూబ్ అకౌంట్స్ ఓపెన్ చేశారు. ఫుడ్ వీడియోలు పోస్ట్ చేస్తూ ఉంటారు. ప్రస్తుతం ఆశ్రిత ఫ్యామిలీ విదేశాల్లో ఉంటోంది. రెండో కుమార్తె హయ వాహిని వివాహం శుక్రవారం జరిగింది. ఆఖరి అమ్మాయి భావన, కుమారుడు అర్జున్ ఉన్నారు. వెంకటేష్ ఫ్యామిలీ వీలైనంత వరకు మీడియాకు దూరంగా ఉంటుంది.

సినిమాల విషయానికి వస్తే... సంక్రాంతికి 'సైంధవ్'తో థియేటర్లలోకి వచ్చారు వెంకటేష్. త్వరలో 'రానా నాయుడు 2' వెబ్ సిరీస్ షూటింగ్ స్టార్ట్ చేయనున్నారు. ఆ తర్వాత అనిల్ రావిపూడి దర్శకత్వంలో ఓ సినిమాను సెట్స్ మీదకు తీసుకు వెళ్లనున్నారు. మరో రెండు మూడు కథలు చర్చల దశలో ఉన్నాయట.