Varun Tej Operation Valentine: 'ఆపరేషన్‌ వాలెంటైన్‌' షూటింగ్‌ టైంలో ఎయిర్‌ క్రాఫ్ట్స్‌ క్రాష్‌ అయ్యాయి - ఇద్దరు పైలెట్స్‌ చనిపోయారు

Varun Tej: ఆపరేషన్‌ వాలెంటైన్‌ మూవీ ప్రమోషన్స్‌లో భాగంగా తాజాగా వరుణ్‌ తేజ్‌ ఓ ఇంటర్య్వూలో మాట్లాడాడు. ఈ సందర్భంగా షూటింగ్‌ టైంలో జరిగిన రియల్‌ ఇన్సిడెంట్‌ గురించి ప్రస్తావించాడు

Image Source: Youtube

Operation Valentain movie: మెగా ప్రిన్స్ వరుణ్ తేజ్ ప్రస్తుతం వాలంటైన్‌ సినిమాతో బిజీగా ఉన్నాడు. బాలీవుడ్‌ డైరెక్టర్‌ శక్తి ప్రతాప్ సింగ్‌ ఈ సినిమాను హిందీ, తెలుగులో భాషల్లో ఎకకాలంలో తెరకెక్కించాడు. ఈ చిత్రం వరుణ్‌ తేజ్‌ సరసన మాజీ మిస్‌ ఇండియా మానుషి చిల్లర్‌ హీరోయిన్‌గా నటిస్తుంది. మార్చి 1న ఈ చిత్రం ప్రేక్షకుల ముందుకు రాబోతుంది. ఈ నేపథ్యంలో మూవీ టీం ప్రమోషన్స్‌తో బిజీగా ఉంది. ఇక వరుణ్‌ తేజ్‌ అయితే వరుస ఇంటర్య్వూలతో బిజీ బిజీ అయిపోయాడు. తాజాగా ఓ చానల్‌తో ముచ్చటించిన వరుణ్‌ సినిమా గురించి ఆసక్తికర విషయాలను పంచుకున్నాడు.

ఈ సినిమాను 2019 ఫిబ్రవరి 14న పుల్వామాలో భారత జవాన్లపై జరిగిన దాడి, తర్వాత ఇండియన్ ఎయిర్ ఫోర్స్ పాకిస్థాన్, అక్కడి ఉగ్రవాదులపై తీర్చుకున్న ప్రతీకారం నేపథ్యంలో ఈ సినిమా ఉండబోతుందని చెప్పాడు. ఫిబ్రవరి 14న ఈ ఇన్సిడెంట్‌ జరిగింది కాబట్టి 'వాలెంటైన్‌' అని పేరు పెట్టామన్నాడు. ఇక ఈ సినిమాలో కోసం ఎలాంటి జాగ్రత్తలు తీసుకున్నారని అడగ్గా.. రియల్‌ ఎయిర్‌ఫోర్స్‌తో చేశామని, లోకేషన్స్‌ కూడా నిజమైనవే అని చెప్పాడు. గ్వాలియర్‌లోనే ఈ సినిమా షూటింగ్‌ మొత్తం జరిగిందన్నాడు. "ముందు సినిమా స్క్రిప్ట్‌ను MODకి పంపించాం. వాళ్లకు స్క్రిప్ట్‌ నచ్చడంతో షూటింగ్‌కి పర్మిషన్‌ ఇచ్చారు. రియల్‌ లోకేషన్స్‌‌, ఎయిర్‌ ఫోర్స్‌ బెసిస్‌ కూడా ఇచ్చారు. ఐఎఫ్‌,MOD కూడా ఈ సినిమాలో నటించారు. ఐఎఫ్‌ పర్సన్స్‌ని కూడా సెట్లోనే పెట్టారు" అంటూ చెప్పుకొచ్చాడు. ఆ తర్వాత  సినిమా షూటింగ్‌ ఎక్కువగా కశ్మీర్‌, గ్వాలియర్‌, హైదరాబాద్‌లో జరిగిందని పెర్కొన్నాడు.

ఈ సినిమా షూటింగ్ జరుగుతున్న టైంలో రెండు రియల్‌ ఎయిర్‌క్రాప్ట్స్‌ క్రాష్‌ అయ్యాయని షాకింగ్‌ విషయం చెప్పాడు. "ఓ రోజు మూవీ షూటింగ్‌ జరుగుతుండగా అమ్రత్‌ సర్‌కు సమీపంలో రెండు ఎయిర్‌ క్రాప్ట్స్‌ క్రాష్‌ అయ్యాయని విన్నాను. ఈ ఘటనలో ఇద్దరు పైలెట్స్‌ చనిపోయారు. ఇది ఏదో స్మాల్‌ ఫంక్షన్‌ జరుగుతుండగా ఈ ఘటన చోటుచేసుకుంది" అని చెప్పాడు. అలాగే ఇదే ఇంటర్య్వూలో వరణ్‌ మరో ఆసక్తికర విషయం చెప్పాడు. తన అసలు పేరు వరుణ్‌ తేజ్‌ కాదని, ఫుల్‌ నేమ్‌ సాయి వరుణ్ తేజ్ అంటూ అసలు విషయం చెప్పాడు. అయితే స్క్రీన్‌పై పేరు పెద్దదిగా ఉందని తన పేరు నుంచి సాయి తీసేసరన్నాడు. అయితే తన స్టడీ సర్టిఫికేట్స్‌, పాస్‌పోర్ట్‌ అన్నింటిలో ‘సాయి వరుణ్ తేజ్’ అనే ఉంటుందని పేర్కొన్నాడు. 

మెగా ప్రిన్స్‌ ఈసారైన హిట్‌ కొడతాడా?

ఈ మధ్య కాలంలో వరుణ్‌ తేజ్‌ పెద్దగా కలసి రావడం లేదనే చెప్పాలి. వరుసగా సినిమాలు చేసుకుంటుపోతున్నాడు కానీ ఈ మెగా హీరోకు ఆశించిన విజయం దక్కడం లేదు. గత చిత్రాలు వరుసగా అనుకున్న స్థాయిలో ప్రేక్షకులను ఆకట్టుకోలేకపోయాయి. ఎన్నో అంచాల మధ్య వచ్చిన ‘గని’, ‘గాండీవధారి అర్జున’ సినిమాలు దారుణ ఫలితాలు ఇచ్చాయి. దీంతో ఈసారి ఎలాగైన ఆపరేషన్‌ వాలెంటైన్ తో మెగా రేంజ్‌లో భారీ హిట్‌ కొట్టాలని ఆశలు పెట్టుకున్నాడు. కానీ బాలీవుడ్‌ డైరెక్టర్ ఈ సినిమా చేయడం.. వరుణ్‌ తప్ప ఎవరూ తెలుగు వారు లేకపోవడంతో ఇక్కడ ఈ సినిమాకు పెద్దగా హైప్‌ కనిపించడం లేదు. దీంతో ఈ మూవీ రిజల్ట్‌పై మెగా ఫ్యాన్స్‌ వర్రీ అవుతున్నారు. మరి విడుదల తర్వాత ఈ సినిమా ఎలాంటి రిజల్ట్‌ ఇస్తుందో చూడాలి.