Mutton Soup: మటన్ సూప్... రియల్ క్రైమ్ కథతో వస్తున్న వర్షా విశ్వనాథ్... ఫస్ట్ లుక్ చూశారా?

Varsha Viswanath Telugu Movie: విజయ్ సేతుపతి తనయుడు సూర్య 'ఫోనిక్స్'లో నటించిన యంగ్ హీరోయిన్ వర్ష విశ్వనాథ్ గుర్తుందా? ఆవిడ కొత్త తెలుగు సినిమా ఫస్ట్ లుక్ రిలీజ్ అయ్యింది.

రియల్ క్రైమ్ కథతో 'మటన్ సూప్' సినిమా... ఫస్ట్ లుక్ రిలీజ్ చేసిన కేఎస్ రామారావు

Source : https://www.instagram.com/varsha_viswanath_

విజయ్ సేతుపతి తనయుడు సూర్య కథానాయకుడిగా నటించిన 'ఫోనిక్స్' సినిమా తెలుసుగా! అందులో నటించిన యంగ్ హీరోయిన్ వర్ష విశ్వనాథ్ గుర్తు ఉందా? ఓ తెలుగు సినిమా చేసింది ఆ అమ్మాయి. ఆ మూవీ పేరు 'మటన్ సూప్'. ఆగస్టు 15న ఇండిపెండెన్స్ డే సందర్భంగా మూవీ టైటిల్ పోస్టర్, ఫస్ట్ లుక్ రిలీజ్ చేశారు సీనియర్ నిర్మాత కేఎస్ రామారావు.

మటన్ సూప్... ఇదొక రియల్ క్రైమ్ కథ!
'మటన్ సూప్'లో వర్ష విశ్వనాథ్ జంటగా రమణ్ నటించారు. ఈ సినిమాకు విట్‌నెస్‌ ది రియల్ క్రైమ్ అనేది ఉపశీర్షిక. రామచంద్ర వట్టికూటి దర్శకుడిగా పరిచయం అవుతున్నారు. ఈ చిత్రాన్ని అలుక్కా స్టూడియోస్, శ్రీ వారాహి ఆర్ట్స్, భవిష్య విహార్ చిత్రాలు (BVC) సంస్థలపై రామకృష్ణ వట్టికూటి సమర్పణలో మల్లిఖార్జున ఎలికా (గోపాల్), అరుణ్ చంద్ర వట్టికూటి, రామకృష్ణ సనపల నిర్మిస్తున్నారు.

'మటన్ సూప్' ఫస్ట్ లుక్, టైటిల్ పోస్టర్ విడుదల చేసిన తర్వాత కేఎస్‌ రామారావు మాట్లాడుతూ... ''మటన్ సూప్' - ఈ టైటిల్ పోస్టర్ బాగుంది. యూనిట్‌ అందరికీ ఆల్ ది బెస్ట్. సినిమా పెద్ద హిట్ అవ్వాలి'' అన్నారు. ఆయనకు థాంక్స్ చెప్పిన దర్శక నిర్మాతలు త్వరలో సినిమా విడుదలకు సన్నాహాలు చేస్తున్నామని తెలిపారు. తన స్నేహితుడు రామచంద్ర మంచి కథతో 'మటన్ సూప్' తెరకెక్కిస్తున్నారని హీరో రమణ్ పేర్కొన్నారు. వాస్తవ ఘటనల ఆధారంగా తెరకెక్కించిన సినిమా 'మటన్ సూప్' అని త్వరలో విడుదలకు సన్నాహాలు చేస్తున్నామని దర్శకుడు రామచంద్ర వట్టికూటి తెలిపారు.

Mutton Soup Movie Cast And Crew: రమణ్, వర్ష విశ్వనాథ్ జంటగా నటిస్తున్న 'మటన్ సూప్' సినిమాలో 'జెమినీ' సురేష్, గోవింద్ శ్రీనివాస్, శివరాజ్, ఎస్ఆర్‌కే, చరణ్, కిరణ్, గోపాల్ మహర్షి, సునీత మనోహర్, మాస్టర్ విహార్ ప్రధాన తారాగణం. ఈ చిత్రానికి కూర్పు: లోకేష్ కడలి, ఎగ్జిక్యూటివ్ నిర్మాత: పర్వతనేని రాంబాబు, ఛాయాగ్రహణం: భరద్వాజ్ - ఫణింద్ర, సంగీతం: వెంకీ వీణ, నిర్మాణ సంస్థలు: అలుక్కా స్టూడియోస్ - శ్రీ వారాహి ఆర్ట్స్ - భవిష్య విహార్ చిత్రాలు (BVC), సమర్పణ: రామకృష్ణ వట్టికూటి, నిర్మాతలు: మల్లిఖార్జున ఎలికా (గోపాల్) - అరుణ్ చంద్ర వట్టికూటి - రామకృష్ణ సనపల, దర్శకత్వం: రామచంద్ర వట్టికూటి.