Transfer Trimurthulu Teaser : కానిస్టేబుల్ త్రిమూర్తులు వెరీ స్ట్రిక్ట్ - పదేళ్ల తర్వాత హీరోగా వడ్డే నవీన్ రీఎంట్రీ
Vadde Naveen : దాదాపు పదేళ్ల తర్వాత హీరోగా రీఎంట్రీ ఇస్తున్నారు వడ్డే నవీన్. ఆయన కానిస్టేబుల్గా నటించిన మూవీ ట్రాన్స్ఫర్ త్రిమూర్తులు జూన్ 19న ప్రేక్షకుల ముందుకు రానుంది.
Vadde Naveen's Transfer Trimurthulu Teaser Out : అప్పట్లో పెళ్లి, బాగున్నారా, మనసిచ్చి చూడు, చాలా బాగుంది మూవీస్తో హీరోగా ఫుల్ క్రేజ్ సంపాదించుకున్నారు వడ్డే నవీన్. దాదాపు పదేళ్ల తర్వాత మళ్లీ 'ట్రాన్స్ఫర్ త్రిమూర్తులు' మూవీతో హీరోగా మళ్లీ రీఎంట్రీ ఇస్తున్నారు. యాక్షన్ ఎంటర్టైనర్గా రాబోతోన్న ఈ సినిమా టీజర్ తాజాగా రిలీజ్ చేశారు.
టీజర్ ఎలా ఉందంటే?
డ్యూటీలో సిన్సియర్గా ఉండే కానిస్టేబుల్ స్టోరీ ఆధారంగా ఈ మూవీని రూపొందించినట్లు టీజర్ను బట్టి తెలుస్తోంది. ఎవరి మాట వినని ఓ రెబల్ కానిస్టేబుల్గా నవీన్ కనిపించారు. కానిస్టేబుల్కు పదేళ్లలో 55 ట్రాన్స్ఫర్స్ ఎందుకు వచ్చాయి? అతని కోసం పోలీసులు ఎందుకు వెతుకుతున్నారు? నేషనల్ మీడియా కూడా ఎందుకు ఫోకస్ చేసింది? అనేది తెలియాలంటే మూవీ చూడాల్సిందే.
మూవీకి కమల్ తేజ్ దర్శకత్వం వహించగా... వడ్డే నవీన్ సరసన రాశీ సింగ్ హీరోయిన్గా నటించారు. వీరితో పాటే శిల్పా తులస్కర్, వివేక్ రఘువంశీ, రఘుబాబు, శివన్నారాయణ, వడ్లమాని శ్రీనివాస్, జ్వాలా కోటి, దేవి ప్రసాద్, సూర్య, బాబా బాస్కర్, ప్రమోదిని, సాథ్విక్ రాజు, అంజలి ప్రియ, గాయత్రి చాగంటి తదితరులు కీలకపాత్రలు పోషించారు. వడ్డే జిష్ణు సమర్పణలో వడ్డే క్రియేషన్స్ బ్యానర్పై వడ్డే నవీన్ నిర్మించారు.
Also Read : కాలేజీ కట్టి 25 పర్సెంట్ ఫ్రీ ఎడ్యుకేషన్ - తండ్రిపై మంచు మనోజ్ సెటైర్!
'స్క్రిప్ట్పై ఏడాది వర్క్ చేశాం'
తన తండ్రి చనిపోయిన తర్వాత తాను నటిస్తున్న, నిర్మిస్తున్న ఫస్ట్ మూవీ ఇదేనని చెప్పారు నవీన్. 'నేను ఎక్కువగా బయట కనిపించకపోయినా మీడియా, అభిమానులు ఎప్పుడూ గుర్తు చేసుకుంటూనే ఉన్నారు. అందుకు థాంక్స్. నా వద్దకు వచ్చిన కథలు నచ్చలేదు, నచ్చిన కథలు నా వద్దకు రాలేదు. త్రిమూర్తులు పాత్ర గురించి మాత్రమే కమల్ చెప్పాడు. ‘ట్రాన్స్ఫర్ త్రిమూర్తులు’ అనే టైటిల్ కూడా చెప్పాడు.
అయితే కథ, స్క్రిప్ట్ మీద ఏడాది పాటు ఇద్దరం వర్క్ చేశాం. కథ మొత్తం రెడీ అయ్యాక షూటింగ్కి వెళ్లాం. హై క్వాలిటీ స్టాండర్డ్లో ఉంటుంది. కంటెంట్ కూడా కొత్తగా ఉంటుంది. అందరం కలిసి ఓ ఫ్యామిలీలా ఈ మూవీ కోసం పని చేశాం. మా చిత్రం అందరికీ నచ్చుతుందని ఆశిస్తున్నా.' అని అన్నారు. వడ్డే నవీన్ కమ్ బ్యాక్ చాలా గట్టిగా ఉంటుందని చెప్పారు హీరోయిన్ రాశీ సింగ్. సినిమాలో లక్ష్మి అనే మంచి పాత్రను ఇచ్చిన దర్శక నిర్మాతలకు థాంక్స్ చెప్పారు.
తన డెబ్యూ మూవీ ఇంత గొప్పగా ఉంటుందని అనుకోలేదని చెప్పారు డైరెక్టర్ కమల్ తేజ. 'వడ్డే నవీన్ గారి ఫ్యాన్స్ అందరూ కోరుకున్నట్టుగా ఆయన రీ ఎంట్రీ, కమ్ బ్యాక్ ఉంటుంది. జూన్ 19న మా చిత్రం రాబోతోంది. అందరూ చూసి సపోర్ట్ చేయాలని కోరుకుంటున్నాను.' అని అన్నారు.
Also Read : ఫ్లాప్ టాక్తో 'దృశ్యం 3'కి భారీ ఓపెనింగ్... మోహన్ లాల్ స్టార్ పవర్ మహిమ?
టాప్ హెడ్ లైన్స్
ట్రెండింగ్ వార్తలు
