Swara Bhaskar: ఆడాళ్ళేమీ అందాల బొమ్మలు కాదు... డెలివరీ తర్వాత బాడీ షేమింగ్‌పై స్వరా భాస్కర్ స్ట్రాంగ్ రిప్లై

Swara Bhaskar On Trolls: ప్రసవం తర్వాత తన శరీరంలో వచ్చిన మార్పులపై ట్రోలింగ్ చేశారని స్వరా భాస్కర్ తెలిపారు. తన శరీరం వాళ్లకు వ్యాపారం కాదని ఆవిడ ఘాటుగా స్పందించారు.

డెలివరీ తర్వాత మహిళలపై బాడీ షేమింగ్ చేస్తారా? స్వరా భాస్కర్ స్ట్రాంగ్ రిప్లై

Source : https://www.instagram.com/reallyswara/

బాలీవుడ్ నటి స్వరా భాస్కర్ తెలుసా? కంగనా రనౌత్ 'తను వెడ్స్ మను', ధనుష్ 'రాంజనా', అలాగే అమెజాన్ ప్రైమ్ వీడియో సిరీస్ 'రసభరి'లో నటించారు. ఆమె మూడేళ్ళ క్రితం పెళ్లి చేసుకున్నారు. ఓ బిడ్డకు జన్మ ఇచ్చారు. అయితే డెలివరీ తర్వాత బరువు పెరిగడం మీద సోషల్ మీడియాలో తనను ట్రోలింగ్ చేశారని తెలిపారు. తనపై వస్తున్న విమర్శలకు, బాడీ షేమింగ్‌కు ఆమె స్ట్రాంగ్ కౌంటర్ ఇచ్చారు. ఆ వివరాల్లోకి వెళితే...

డెలివరీకి ముందు, తర్వాత...
స్వరా భాస్కర్ ఫోటోలపై ట్రోల్స్!
కుమార్తె రాబియాకు 2023లో స్వరా భాస్కర్ జన్మనిచ్చారు. ఇటీవల తాను 2018లో దిగిన ఫోటోను, ప్రజెంట్ ఫోటోను కలిపి సోషల్ మీడియాలో ఒక కొలాజ్‌ను షేర్ చేశారు. ఆ పోస్ట్ మీద కొందరు నెటిజన్లు కామెంట్స్ చేశారు. స్వరా భాస్కర్ కెరీర్ నుంచి మొదలు పెడితే... ప్రజెంట్ బాడీ గురించి అనుచిత వ్యాఖ్యలు చేయడంతో ఆమె తీవ్రంగా స్పందించారు. మహిళల మీద డెలివరీ తర్వాత మునుపటి శరీర ఆకృతిలోకి త్వరగా రావాలనే ఒత్తిడి చేయడకూడదని, అటువంటి ధోరణి తప్పు అని ఆమె తీవ్రంగా ఖండించారు. 

మళ్ళీ మునుపటి శరీర ఆకృతి ఎందుకు?
డెలివరీ తర్వాత మళ్ళీ మునుపటి శరీర ఆకృతిని పొందాలని తాను అనుకోలేదని స్వరా భాస్కర్ స్పష్టం చేశారు. ఒక్కసారి బిడ్డకు జన్మనిచ్చిన తర్వాత జీవితం మొత్తం మారిపోతుందని, మళ్ళీ మునుపటి స్థితికి వెళ్లడం సాధ్యం కాదని, బిడ్డ పుట్టిన తర్వాత మహిళలు జీవితాంతం తల్లిగా ఉంటారని ఆమె పేర్కొన్నారు.

మహిళలు ఏమీ అందాల బొమ్మలు కాదు!
మహిళల బాడీ అంటే కేవలం గ్లామర్ ప్రదర్శించడానికి, లైంగిక ఆకర్షణ కోసం మాత్రమే కాదని స్వరా భాస్కర్ అన్నారు. ఒకరికి ప్రాణం పోయడం, ఒక బిడ్డకు జన్మనివ్వడం, పెంచి పోషించడం వంటి గొప్ప ఉద్దేశ్యాలు మహిళల శరీరానికి ఉన్నాయని... అలాంటప్పుడు మహిళల శరీరంలో మార్పులు రావడం చాలా సహజం అని ఆమె వివరించారు. డెలివరీ తర్వాత మళ్ళీ మునుపటి శరీర ఆకృతిలోకి మారమని మహిళలను అడగటం క్రూరత్వం కిందకు వస్తుందని ఆమె అభిప్రాయపడ్డారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Swara Bhasker (@reallyswara)

నటనకు అందానికి సంబంధం లేదు!
యాక్టింగ్ కెరీర్‌కి, బాడీకి ముడి పెడుతూ కామెంట్స్ చేసే వారి గురించి స్వరా భాస్కర్ స్పందిస్తూ... ''నటన అనేది ప్రతిభకు సంబంధించినది. దానికి యాక్ట్రెస్ బాడీ వెయిట్, గ్లామర్‌తో సంబంధం లేదు'' స్పష్టం చేశారు. ప్రస్తుత సమాజంలో మహిళలపై జరుగుతున్న బాడీ షేమింగ్ అసహ్యంగా ఉందన్నారు. మహిళలు తమ జీవితాలను తమకు నచ్చినట్లుగా జీవించాలని, ఈ మాట చెప్పడం ఫిట్‌నెస్‌కు వ్యతిరేకం కాదని కూడా ఆమె తెలిపారు.