Sankranthiki Vasthunnam First Look: సంక్రాంతికి వస్తున్నాం... ఫస్ట్ లుక్కే కాదు, రిలీజ్ అప్డేట్ కూడా ఇచ్చిన వెంకటేష్

విక్టరీ వెంకటేష్ హీరోగా అనిల్ రావిపూడి దర్శకత్వంలో రూపొందుతున్న హ్యాట్రిక్ మూవీ 'సంక్రాంతి వస్తున్నాం'. ఈ మూవీ ఫస్ట్ లుక్ ను దీపావళి సందర్భంగా నేడు రిలీజ్ చేశారు మేకర్స్. రిలీజ్ డేట్ కూడా చెప్పారు.

'సంక్రాంతి వస్తున్నాం'లో ఐశ్వర్య రాజేష్, వెంకటేష్, మీనాక్షీ చౌదరి

Source : https://x.com/SVC_official

విక్టరీ వెంకటేష్, బ్లాక్ బస్టర్ డైరెక్టర్ అనిల్ రావిపూడి కలయికలో రూపొందుతున్న హ్యాట్రిక్ మూవీ 'సంక్రాంతి వస్తున్నాం' (Sankranthiki Vasthunnam). ఈ మూవీ ఫస్ట్ లుక్ ను దీపావళి సందర్భంగా నేడు రిలీజ్ చేశారు మేకర్స్. కేవలం ఫస్ట్ లుక్ ను మాత్రమే కాకుండా పనిలో పనిగా రిలీజ్ డేట్ ని కూడా అనౌన్స్ చేశారు.

ఈ ఏడాది సంక్రాంతికి 'సైంధవ్' సినిమాతో ప్రేక్షకుల ముందుకు వచ్చారు వెంకీ మామ. అది అంతగా ఆడలేదు. దాంతో తనకు బాగా కలిసొచ్చిన ఫ్యామిలీ ఎంటర్టైనర్ జానర్లో ప్రేక్షకులను అలకరించడానికి సిద్ధం అవుతున్నారు. ఈ సినిమాను సంక్రాంతికి విడుదల చేస్తునట్టు చెప్పారు.

To another memorable Sankranthi, filled with all your love and responses🙏🏻

This time, we’re bringing even more thrills and fun to the festivities ☺️🥳

My next with Victory @VenkyMama garu is titled #SankranthikiVasthunam 😍

2025 #సంక్రాంతికివస్తున్నాం .
ఈసారి నవ్వుల టపాసులు… pic.twitter.com/jK7G5b1PsB

— Anil Ravipudi (@AnilRavipudi) November 1, 2024

విక్టరీ వెంకటేష్, యంగ్ డైరెక్టర్ అనిల్ రావిపూడి కాంబినేషన్ లో రాబోతున్న తాజా చిత్రానికి 'సంక్రాంతికి వస్తున్నాం' టైటిల్ ఖరారు చేసినట్టు వెల్లడించారు. గతంలో వీరిద్దరి కాంబినేషన్లో ఎఫ్2, ఎఫ్ 3 వంటి ఫ్యామిలీ ఎంటర్టైనర్ సినిమాలు వచ్చాయి. అందులో 'ఎఫ్ 2' మూవీ వెంకటేష్ కెరీర్ లోనే బిగ్గెస్ట్ బ్లాక్ బస్టర్ హిట్స్ లో ఒకటిగా నిలిచింది. ఇక అనిల్ రావిపూడి ట్రాక్ రికార్డును గమనిస్తే ఒక్క ఫ్లాప్ కూడా లేని డైరెక్టర్ అని చెప్పొచ్చు. తాజాగా ఈ డైనమిక్ కాంబోలో వస్తున్న మూడవ సినిమా గురించి మూవీ లవర్స్ ఆసక్తిగా ఎదురు చూస్తున్నారు.

'సంక్రాంతికి వస్తున్నాం' పూర్తి స్థాయి ఫ్యామిలీ ఎంటర్టైనర్ కాగా, ఇదొక ట్రయాంగిల్ క్రైమ్ స్టోరీ గా తెరకెక్కుతోంది. దిల్ రాజు సమర్పణలో శిరీష్ నిర్మిస్తున్న ఈ సినిమాకు బీమ్స్ సిసిరోలియో సంగీతం అందిస్తున్నారు. ఈ సినిమాలో వెంకటేష్ జోడీగా ఐశ్వర్య రాజేష్, మీనాక్షీ చౌదరి హీరోయిన్లుగా నటిస్తున్నారు. దీపావళి సందర్భంగా మేకర్స్ ఈ సినిమా టైటిల్ తో పాటు ఫస్ట్ లో పోస్టర్ ను రిలీజ్ చేశారు.

"సంక్రాంతికి వస్తున్నాం" అనే టైటిల్ తో మూవీని కూడా సంక్రాంతి టైంలోనే రిలీజ్ చేయడానికి రెడీ అయ్యారు. ఇంకా రిలీజ్ డేట్ ను అయితే ప్రకటించలేదు కానీ పోస్టర్ లో 2025 సంక్రాంతికి మూవీ రిలీజ్ ఉంటుందని అప్డేట్ ఇచ్చారు. ఇక ఆ పోస్టర్లో సంక్రాంతికి తగ్గట్టుగానే టైటిల్ ను ముగ్గులు, తుపాకీలతో ఇంట్రెస్టింగా డిజైన్ చేశారు. క్రైమ్ థ్రిల్లర్ గా తెరకెక్కుతున్న 'సంక్రాంతికి వస్తున్నాం' మూవీ ఫస్ట్ లుక్ పోస్టర్లో వెంకటేష్ లుంగీ ధరించి గంభీరంగా కనిపిస్తుండగా, కళ్ళకు స్టైలిష్ షేడ్స్, చేతిలో తుపాకీ పట్టుకొని ఉండడం ఆసక్తిని కలిగిస్తోంది. ఇక సినిమాలో ఆయన ఆన్ స్క్రీన్ భార్య ఐశ్వర్య రాజేష్ సంప్రదాయ లుక్ లో కనిపిస్తుంటే, మాజీ ప్రేయసి మీనాక్షి చౌదరి స్టైలిష్ అవతార్ లో ఆకట్టుకుంటుంది. 

'సంక్రాంతికి వస్తున్నాం' పోస్టర్ బ్యాగ్రౌండ్ లో కొన్ని ముఖ్యమైన తేదీలు, వార్తా పత్రికల క్లిప్పింగులతో నిండిన పరిశోధనాత్మకమైన క్రైమ్ బోర్డు కనిపించడం చూస్తుంటే సినిమాపై క్యురియాసిటీ పెరిగిపోతోంది. మొత్తానికి ఫస్ట్ లుక్ పోస్టర్ తోనే 'సంక్రాంతికి వస్తున్నాం' మూవీపై మంచి బజ్ పెరిగేలా చేశారు. పోస్టర్ డిజైన్ లో అనిల్ రావిపూడి మార్క్ చూపించారు. కాగా ఇప్పటికే ఈ సినిమాకు సంబంధించిన డబ్బింగ్ పనులు జరుగుతుండగా సినిమా షూటింగ్ చివరి దశలో ఉంది.