Sangeeth Shobhan: సైలెంట్‌గా వచ్చి ఫిల్మ్ ఫేర్ కొట్టాడు... టాలెంట్ ఉన్నోడు, శోభన్ కొడుకు!

Filmfare Awards South 2024: ఫిల్మ్ ఫేర్ సౌత్ 2024 అవార్డ్స్ వచ్చాయి. ఇందులో ఓ చిన్నోడు సైలెంట్‌గా అవార్డు అందుకున్నాడు. టాలెంట్ ఉన్నోడినని మరోసారి ప్రూవ్ చేసుకున్నాడు. అతనే సంగీత్ శోభన్.

సంగీత్ శోభన్

Source : https://www.instagram.com/sangeeth_shobhan/

యువ కథానాయకుడు సంగీత్ శోభన్ (Sangeeth Shobhan) గురించి చెప్పాలంటే... టాలెంట్ ఉన్నోడికి ఏ క్యారెక్టర్ ఇచ్చినా సరే ఆడియన్స్‌ను ఎట్రాక్ట్ చేస్తాడని రాయాలేమో!? ఎంటర్‌టైన్‌మెంట్ ఇండస్ట్రీలోకి సైలెంట్‌గా వచ్చాడు. యాక్టింగ్, కామెడీ టైమింగ్, టాలెంట్‌తో తెలుగు జనాలను ఆకట్టుకుంటున్నాడు. తొలి సినిమాకు అవార్డు కూడా అందుకున్నాడు. 

'మ్యాడ్'కు ఫిల్మ్ ఫేర్ బెస్ట్ డెబ్యూ మేల్ అవార్డు!
Sangeeth Shobhan wins the Best Debut Male Filmfare South 2024 Award for Mad: 'మ్యాడ్' సినిమా ముగ్గురు హీరోల కథతో తెరకెక్కింది. ఈ జనరేషన్ కాలేజీ లైఫ్, యువతీ యువకుల ప్రేమ కథలు, స్నేహం వంటి అంశాలను చూపించింది. ముగ్గురు హీరోల్లో ఎక్కువ ఎంటర్‌టైన్‌ చేసింది సంగీత్ శోభన్. ఫోన్ కాల్ రావడం, అటువైపు నుంచి వచ్చే గొంతు విని ఓ అమ్మాయి తనను ప్రేమిస్తుందని భావించి ఊహల్లో తేలడం, చివరకు ట్విస్ట్ తెలిసి ఫీల్ అవ్వడం... ప్రతి సన్నివేశంలో ఆ క్యారెక్టర్ ఫీలింగ్ ప్రేక్షకులు ఫీల్ అయ్యేలా చేశాడు సంగీత్ శోభన్. అందుకే, అతడికి ఫిల్మ్ ఫేర్ పట్టం కట్టింది. బెస్ట్ డెబ్యూ మేల్ అవార్డు ఇచ్చింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sithara Entertainments (@sitharaentertainments)

Sangeeth Shobhan Movies and Web Series List: 'మ్యాడ్'తో సంగీత్ శోభన్ సిల్వర్ స్క్రీన్ మీద అడుగు పెట్టాడు. కానీ, అంతకు ముందు ఓటీటీలో దుమ్ము రేపాడు. 'ది బేకర్ అండ్ ది బ్యూటీ'లో హీరో బ్రదర్ రోల్ చేశాడు. దానికి ముందు కొన్ని వెబ్ సిరీస్‌లలో కనిపించినా... అతడికి ఆ సిరీస్ ఎక్కువ గుర్తింపు తెచ్చింది. అయితే... అతని సోలో లీడ్ మాత్రం 'ఓ చిన్న ఫ్యామిలీ స్టోరీ'. నిహారికా కొణిదెల నిర్మించిన ఆ వెబ్ సిరీస్ హీరోగా అతడి టాలెంట్ చూపించడంతో పాటు పెద్ద హిట్ అయ్యింది. 'మ్యాడ్' తర్వాత 'జీ 5' ఓటీటీలో విడుదలైన 'ప్రేమ విమానం' సినిమాలోనూ సంగీత్ శోభన్ తన నటనతో ఆకట్టుకున్నారు. అవార్డు వచ్చిన సందర్భంగా తనను నమ్మిన వాళ్లందరికీ అతను థాంక్స్‌ చెప్పాడు.

Is Sangeeth Shobhan brother of Santosh Shoban?: ప్రేక్షకులను ఎంటర్‌టైన్‌ చేయడం తనకు ఇష్టమని, అదే తన లక్ష్యం అని చెప్పే సంగీత్ శోభన్ ఎవరో తెలుసు కదా! యంగ్ హీరో సంతోష్ శోభన్ తమ్ముడు. అదేనండీ... రెబల్ స్టార్ ప్రభాస్ హీరోగా 'వర్షం' వంటి సూపర్ డూపర్ హిట్ తీసిన దర్శకుడు శోభన్ (Who is the father of Sangeet Shoban?) చిన్న కొడుకు. ప్రస్తుతం 'మ్యాడ్' సీక్వెల్ 'మ్యాడ్ 2' చేస్తున్నాడు సంగీత్ శోభన్. ఎక్కువ హడావిడి చేయకుండా సైలెంట్‌గా సినిమాలు చేసుకుంటూ వెళ్లడం అతని స్టైల్.