The Raja Saab: రాజా సాబ్ మ్యూజిక్ అప్డేట్ ఇచ్చిన తమన్ - డార్లింగ్ ఫ్యాన్స్‌కు మాస్ ఫీస్ట్ లోడింగ్!

Thaman On Raja Saab Songs: డార్లింగ్ ఫ్యాన్స్, రెబల్ స్టార్ ప్రభాస్ అభిమానులకు మ్యూజిక్ డైరెక్టర్ తమన్ సాలిడ్, క్రేజీ అప్డేట్ ఇచ్చారు. మ్యూజిక్ గురించి ఆయన ఓ విషయం చెప్పారు. అది ఏమిటంటే?

తమన్, ప్రభాస్

Source : https://www.instagram.com/musicthaman/

Prabhas and director Maruthi's The Raja Saab Music Update: రెబల్ స్టార్ ప్రభాస్ అభిమానులు ఫుల్ జోష్‌లో ఉన్నారు. బ్యాక్ టు బ్యాక్ రెండు భారీ హిట్స్ రావడంతో పండగ చేసుకుంటున్నారు. 'సలార్', 'కల్కి 2898 ఏడీ' విజయాలు వాళ్ళను సంతోష పెట్టాయి. వసూళ్లకు తోడు 'ది రాజా సాబ్' సినిమా వీడియో గ్లింప్స్ సైతం అందర్నీ ఆకట్టుకుంది. లేటెస్టుగా ప్రభాస్ అభిమానులకు మ్యూజిక్ డైరెక్టర్ తమన్ మాంచి అప్డేట్ ఇచ్చారు. 

డార్లింగ్ ఫ్యాన్స్... మాస్ ఫీస్ట్ లోడింగ్!
'ది రాజా సాబ్' సినిమాకు తమన్ సంగీతం అందిస్తున్న సంగతి తెలిసిందే. అది ఒక్కటే కాదు... పవర్ స్టార్ పవన్ కళ్యాణ్ 'ఓజీ', గ్లోబల్ స్టార్ రామ్ చరణ్ 'గేమ్ ఛేంజర్' సహా గాడ్ ఆఫ్ మాసెస్ నందమూరి బాలకృష్ణ హీరోగా బాబీ కొల్లి (కేఎస్ రవీంద్ర) దర్శకత్వం వహిస్తున్న సినిమాతో పాటు పలు సినిమాలు ఆయన చేతిలో ఉన్నాయి.

'గేమ్ ఛేంజర్' నుంచి ఓ సాంగ్ వచ్చింది. మరో సాంగ్ విడుదల చేయడానికి రెడీ అవుతున్నారు. మరి, 'ది రాజా సాబ్' సంగతి ఏంటి? ఈ ప్రశ్నకు తమన్ లేటెస్టుగా సోషల్ మీడియాలో సమాధానం ఇచ్చారు. జనవరిలో 'ది రాజా సాబ్' ఫస్ట్ సింగిల్ విడుదల చేస్తామని ఆయన తెలిపారు.

Will start from JAN ❤️ https://t.co/pOVYPK3nhH

— thaman S (@MusicThaman) August 2, 2024

రెబల్ స్టార్... తమన్... లేటెస్ట్ ఫోటో చూశారా?
''ఇట్స్ డార్లింగ్ టైమ్ విత్ ప్రభాస్'' అంటూ ఇన్‌స్టాగ్రామ్‌ స్టోరీలో తమన్ ఓ ఫోటో షేర్ చేశారు. అందులో ప్రభాస్ స్టైలిష్ గా ఉన్నారు. మాస్ ఫీస్ట్ లోడింగ్ అంటూ హైప్ పెంచేశారు. జనవరి త్వరగా రావాలని కోరుకుంటున్నట్లు దర్శకుడు మారుతిని ట్యాగ్ చేశారు. అదీ సంగతి!

ఏప్రిల్ 10న థియేటర్లలోకి 'ది రాజా సాబ్' రాక!
The Raja Saab Release Date: 'ది రాజా సాబ్' ఫస్ట్ సాంగ్ జనవరిలో విడుదల చేయాలని అనుకోవడానికి కారణం... సినిమా విడుదల తేదీ! వచ్చే ఏడాది ఏప్రిల్ 10వ తేదీన సినిమాను థియేటర్లలోకి తీసుకు వస్తున్నారు. విడుదలకు ఇంకా టైమ్ ఉండటంతో జనవరిలో తొలి పాటను విడుదల చేయాలని ప్లాన్ చేశారు.

తెలుగుతో పాటు హిందీ, తమిళ, కన్నడ, మలయాళ భాషల్లో 'ది రాజా సాబ్' విడుదల కానుంది. రొమాంటిక్ హారర్ కామెడీగా దర్శకుడు మారుతి తెరకెక్కిస్తున్న ఈ సినిమాను పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ ప్రొడ్యూస్ చేస్తున్నారు. ఇందులో మాళవికా మోహనన్, నిధి అగర్వాల్, రద్దీ కుమార్ హీరోయిన్లు. ఆల్రెడీ 40 శాతం షూటింగ్ కంప్లీట్ అయ్యింది. త్వరలో మిగతా షూట్ పూర్తి చేసేలా ప్లాన్ చేస్తున్నారు.