Sandeep Reddy Vanga: ఐదేళ్లు తిప్పుకొని మోసం చేసిన స్టార్ హీరోలు... పాపం సందీప్ వంగాను ఇంత కష్టపెట్టారా?

దర్శకుడు సందీప్ రెడ్డి వంగా కెరీర్ స్టార్టింగ్ లో చాలా కష్టాలు పడ్డారట. ఇద్దరు స్టార్ హీరోలు ఆయనతో సినిమా చేస్తామని ఏండ్ల తరబడి తిప్పించుకుని మోసం చేశారట. ఈ విషయాన్ని తాజాగా కోన వెంకట్ బయటపెట్టారు.

దర్శకుడు సందీప్ రెడ్డి వంగా

Source : Sandeep Vanga/x

Kona Venkat About Sandeep Vanga: సందీప్ రెడ్డి వంగా. ఇండియన్ ఫిల్మ్ ఇండస్ట్రీలో పెద్దగా పరిచయం అవసరం లేని దర్శకుడు. ‘అర్జున్ రెడ్డి’, ‘కబీర్ సింగ్’, ‘యానిమల్’ లాంటి సినిమాలతో దేశ వ్యాప్తంగా మంచి గుర్తింపు తెచ్చుకున్నారు. మోస్ట్ వాంటెడ్ డైరెక్టర్లలో ఒకరుగా క్రేజ్ సంపాదించుకున్నారు. ప్రస్తుతం ఆయనతో సినిమాలు చేసేందుకు ఎంతో మంది స్టార్ హీరోలు ఆసక్తి చూపిస్తున్నాయి. అయితే, కెరీర్ ప్రారంభంలో సందీప్ రెడ్డి వంగా ఎన్నో ఇబ్బందులు పడ్డారని ప్రముఖ రచయిత కోన వెంకట్ వెల్లడించారు. ఎన్నో బాధలు, అవమానాలు అనుభవించారని చెప్పారు.  

ఐదేండ్లు తిప్పి మోసం చేసిన స్టార్ హీరోలు

సందీప్ రెడ్డి వంగా ‘అర్జున్ రెడ్డి’ సినిమాతో బ్లాక్ బస్టర్ హిట్ కొట్టారు. ఈ సినిమా తెలుగు సినిమా ఇండస్ట్రీలో సంచలన  విజయాన్ని అందుకుంది. అదే సమయంలో ఎన్నో వివాదాలకు కారణం అయ్యింది. పలు ప్రజా సంఘాలు, రాజకీయ నాయకులు ఈ సినిమాపై తీవ్ర ఆగ్రహం వ్యక్తం చేశారు. ఎవరు ఎన్ని విమర్శలు చేసినా ప్రేక్షకుల నుంచి మంచి స్పందన లభించింది. ఈ సినిమా కోసం సందీప్ రెడ్డి వంగా ఎన్నో కష్టాలు పడ్డారని కోవా వెంకట్ తాజాగా వెల్లడించారు. ఈ సినిమా చేస్తామని ఇద్దరు హీరోలు, తిప్పీ తిప్పీ మోసం చేశారని చెప్పారు. 5 ఏండ్లు టైమ్ వేస్ట్ చేశారన్నారు. “’అర్జున్ రెడ్డి’ కథ నచ్చి ఓ హీరో సినిమా చేయడానిక ఇంట్రెస్ట్ చూపించారు. తన ఆఫీస్ లో కూర్చొని ఈ సినిమా కథను డెవలప్ చేయాలన్నారు. సందీప్ కు పెద్దగా వసతులు కూడా కల్పించలేదు. ఓ మూలన ఓ టేబుల్, ఓ సీటు వేయించి అక్కడే వర్క్ చేయమని చెప్పారు. భోజనం మాత్రం పెట్టారు. మూడు సంవత్సరాల తర్వాత అతడికి సినిమా చేయడం ఇష్టం లేదని తెలిసి సందీప్ బయటకు వచ్చాడు. ఆ తర్వాత మరో హీరో ఈ సినిమా కథ విని సినిమా చేస్తానని చెప్పాడు. అతడు కూడా రెండు సంవత్సరాల పాటు చేద్దాం, చేద్దాం అంటూ గడిపాడు. చివరకు అతడికి కూడా ఈ సినిమా చేసే ఉద్దేశం లేదని అర్థం అయ్యింది” అని కోనా చెప్పుకొచ్చారు.

తమ్ముడి కష్టం చూడలేక అన్నయ్య

సినిమా కోసం తమ్ముడు పడుతున్న కష్టం చూడలేక సందీప్ రెడ్డి అన్నయ్య డబ్బులు పెట్టి సినిమా చేయడానికి ముందుకొచ్చారని కోనా వెంకట్ చెప్పారు. “సినిమా కోసం తమ్ముడు పడుతున్న కష్టాన్ని ఆయన అన్నయ్య చూడలేకపోయారు. తనే డబ్బులు పెట్టి సినిమా చేయాలనుకున్నారు. ఆస్తులు అమ్మి సినిమా తీశాడు. విజయ్ దేవరకొండ కూడా ఆయనకు సపోర్టు చేయడంతో ‘అర్జున్ రెడ్డి’ సినిమా వచ్చింది. ప్రేక్షకులను అద్భుతంగా ఆకట్టుకుంది. సందీప్ రెడ్డి పడ్డ కష్టానికి గుర్తింపు దక్కింది” అని కోనా వెంకట్ వివరించారు.  ప్రస్తుతం సందీప్ రెడ్డి వంగా పాన్ ఇండియన్ స్టార్ ప్రభాస్ తో కలిసి ‘స్పిరిట్’ మూవీ చేయబోతున్నారు. ఈ మూవీతో పాటు మరికొన్ని సినిమాలపైనా వర్క్ చేస్తున్నారు.