News
News
వీడియోలు ఆటలు
X

Shaakuntalam Release Trailer : విడుదలకు ముందు సమంత 'శాకుంతలం' నుంచి మరో ట్రైలర్ - ఎలా ఉందో చూశారా?

సమంత ప్రధాన పాత్రలో నటిస్తున్న 'శాకుంతలం' సినిమా నుంచి రిలీజ్ ట్రైలర్ వచ్చేసింది. గుణశేఖర్ దర్శకత్వంలో తెరకెక్కిన ఈ పౌరాణిక ప్రేమగాథ ఏప్రిల్ 14న పాన్ ఇండియా వైడ్ విడుదల కాబోతోంది.

FOLLOW US: 
Share:
క్రియేటివ్ డైరెక్టర్ గుణశేఖర్ దర్శకత్వంలో తెరకెక్కిన పౌరాణిక చిత్రం 'శాకుంతలం'. కాళిదాసు రాసిన 'అభిజ్ఞాన శాకుంతలం' నవల ఆధారంగా ఈ మూవీని రూపొందించారు. మహాభారత ఇతిహాసగాథ ఆదిపర్వంలోని శకుంతల - దుష్యంతుడి ఆహ్లాదకర ప్రేమ కథను ఈ సినిమాలో చూపించబోతున్నారు. ఇందులో సౌత్ స్టార్ హీరోయిన్ సమంత రూత్ ప్రభు టైటిల్ రోల్ ప్లే చేసింది. చాలా కాలంగా సెట్స్ మీదనే ఉన్న ఈ సినిమా ఎట్టకేలకు రిలీజ్ కు రెడీ అయింది. ఈ నేపథ్యంలో మేకర్స్ జోరుగా ప్రచార కార్యక్రమాలు నిర్వహిస్తున్నారు. 
 
"శాకుంతలం" సినిమా నుంచి ఇప్పటికే వచ్చిన పోస్టర్లు, టీజర్, సాంగ్స్ కు ఆడియెన్స్ నుంచి విశేష స్పందన లభించింది. విడుదల తేదీ దగ్గర పడుతున్న నేపధ్యంలో మేకర్స్ తాజాగా రిలీజ్ ట్రెయిలర్ ను లాంచ్ చేశారు. ఆ మధ్య వచ్చిన థియేట్రికల్ ట్రైలర్ గుణశేఖర్ మార్క్ ను చూపించగా.. ఇప్పుడు వచ్చిన రిలీజ్ ట్రైలర్ సినిమాపై ఆసక్తిని రెట్టింపు చేసింది.
 
''లేడి కన్నులు.. నెమలి నడక.. సివంగి నడుము.." అనే వాయిస్ తో ప్రారంభమైన ఈ ట్రైలర్ ఆద్యంతం ఆకట్టుకుంటోంది. శకుంతల, దుశ్యంతుడి మధ్య అందమైన ప్రేమ కథను మరింత అందంగా చూపించే ప్రయత్నం చేశారు. ఇందులో సమంత శకుంతలగా గార్జియస్ గా కనిపించింది. ఆమె భర్త దుష్యంతుడి పాత్రలో మలయాళ నటుడు దేవ్ మోహన్ మెప్పించాడు. 
 
ఇందులో విశ్వామిత్రుడి పాత్రలో సీనియర్ నటుడు కలెక్షన్ కింగ్ మోహన్ బాబు కనిపించాడు. విలక్షణ నటుడు ప్రకాశ్ రాజ్, గౌతమి, మధుబాల, కబీర్ బేడి, సచిన్ ఖేడేకర్, జిషు షేన్ గుప్తా, శివ కృష్ణ, అదితి బాలన్, అనన్య నాగళ్ల, వర్షిణి సౌందరరాజన్ తదితరులు ఇతర ముఖ్యమైన పాత్రల్లో నటించారు. ఈ సినిమా ద్వారా టాలీవుడ్ హీరో అల్లు అర్జున్ ముద్దుల కూతురు అల్లు అర్హ తెరంగేట్రం చేస్తోంది.
 
అయితే రిలీజ్ ట్రైలర్ లో సమంత - దేవ్ మోహన్ మినహా మిగిలిన పాత్రలకు ప్రాధాన్యత కల్పించలేదు. ప్రతి ఫ్రేమ్ ను అత్యద్భుతంగా తెరకెక్కించడానికి కృషి చేసే గుణ శేఖర్.. మరోసారి ‘శాకుంతలం’ చిత్రంతో విజువల్ ట్రీట్ ను అందించడానికి ప్రయత్నం చేశారు. విజువల్స్, గ్రాఫిక్స్ ఈ సినిమాలో ఎలా ఉండబోతున్నాయో హింట్ ఇచ్చారు. ఏనుగులు, పులులు, నెమళ్ళు వంటి వన్య ప్రాణులను సీజీలో బాగా చూపించారు. కొన్ని షాట్స్ గుణశేఖర్ గత చిత్రాలను గుర్తు చేసినప్పటికీ, అవుట్ పుట్ వాటి కంటే బెటర్ గా ఉన్నట్లు తెలుస్తోంది.
 
‘శాకుంతలం’ సినిమాలో ఎమోషనల్ లవ్ స్టోరీతో పాటుగా భారీ యాక్షన్ సీన్స్ ఉండబోతున్నాయని ట్రెయిలర్ లో చూపించారు. 'నీ కష్టానికి కన్నీళ్లు పెట్టగలమే కానీ.. నీ కర్మను పంచుకోలేం' 'పుట్టగానే తల్లిదండ్రుల ప్రేమకు దూరమయ్యాను, నీ ప్రేమ కూడా దూరమైతే..' వంటి డైలాగ్స్ ఆకట్టుకుంటున్నాయి. శేఖర్ వి జోసెఫ్ సినిమాటోగ్రఫీ, మణిశర్మ బ్యాగ్రాండ్ స్కోర్ ప్రధాన ఆకర్షణగా నిలిచాయి. బుర్రా సాయి మాధవ్ డైలాగ్స్ అందించిన ఈ చిత్రానికి ప్రవీణ్ పూడి ఎడిటింగ్ వర్క్ చేశారు.  
 
 
 
శాకుంతలం చిత్రాన్ని స్టార్ ప్రొడ్యూసర్ దిల్‌ రాజు సమర్పిస్తున్నారు. డీఆర్‌పీ - గుణా టీమ్ వర్క్స్‌ ప‌తాకంపై గుణశేఖర్ కుమార్తె నీలిమ గుణ భారీ బడ్జెట్ తో నిర్మించారు. పాన్ ఇండియా స్థాయిలో తెలుగుతోపాటు హిందీ, తమిళం, మలయాళం, కన్నడ భాషల్లో ఏప్రిల్ 14న గ్రాండ్ గా రిలీజ్ కాబోతోంది. 3డీ వెర్షన్ లోనూ ఈ సినిమా అందుబాటులోకి రానుంది. 'రుద్రమదేవి' తర్వాత దాదాపు 8 ఏళ్లకు గుణశేఖర్ నుంచి రాబోతున్న ఈ సినిమా బాక్సాఫీస్ వద్ద ఎలాంటి సక్సెస్ అందుకుంటుందో చూడాలి.
 
Published at : 06 Apr 2023 08:53 AM (IST) Tags: Dil Raju Shaakuntalam Dev Mohan Allu Arha Samantha

సంబంధిత కథనాలు

మామతో అల్లుడి పోజు, పవన్ మూవీ సెట్‌లో మంటలు, చెర్రీపై అక్కినేని ఫ్యాన్స్ అలక - మరిన్ని సినీ విశేషాలు మీ కోసం!

మామతో అల్లుడి పోజు, పవన్ మూవీ సెట్‌లో మంటలు, చెర్రీపై అక్కినేని ఫ్యాన్స్ అలక - మరిన్ని సినీ విశేషాలు మీ కోసం!

Prasanth Varma: 8 మంది సూపర్ హీరోస్ మూవీస్ తీస్తా, ‘ఆది పురుష్’ ప్రభావం ‘హనుమాన్’ మీద ఉండదు: ప్రశాంత్ వర్మ

Prasanth Varma: 8 మంది సూపర్ హీరోస్ మూవీస్ తీస్తా, ‘ఆది పురుష్’ ప్రభావం ‘హనుమాన్’ మీద ఉండదు: ప్రశాంత్ వర్మ

సాయి పల్లవిపై మనసు పారేసుకున్న బాలీవుడ్ హీరో - ఆమెపై క్రష్ ఉందంటూ కామెంట్స్!

సాయి పల్లవిపై మనసు పారేసుకున్న బాలీవుడ్ హీరో - ఆమెపై క్రష్ ఉందంటూ కామెంట్స్!

Arjun Kapoor-Malaika Arora: బెడ్‌పై అర్ధనగ్నంగా బాయ్‌ ఫ్రెండ్ - మలైకా అరోరాపై మండిపడుతున్న నెటిజన్స్!

Arjun Kapoor-Malaika Arora: బెడ్‌పై అర్ధనగ్నంగా బాయ్‌ ఫ్రెండ్ - మలైకా అరోరాపై మండిపడుతున్న నెటిజన్స్!

‘బిచ్చగాడు’ పెద్ద మనసు - క్యాన్సర్ రోగులకు విజయ్ ఆంటోని గుడ్ న్యూస్

‘బిచ్చగాడు’ పెద్ద మనసు - క్యాన్సర్ రోగులకు విజయ్ ఆంటోని గుడ్ న్యూస్

టాప్ స్టోరీస్

Sharmila Meet Sivakumar : మరోసారి డీకే శివకుమార్‌తో షర్మిల భేటీ - కాంగ్రెస్ తో పొత్తులు ఫైనల్ అవుతున్నాయా ?

Sharmila Meet Sivakumar  : మరోసారి డీకే శివకుమార్‌తో షర్మిల భేటీ -  కాంగ్రెస్ తో పొత్తులు ఫైనల్ అవుతున్నాయా ?

Andhra News : జీతం బకాయిల కోసం ఆత్మహత్యాయత్నం - ఏపీలో విషాదం !

Andhra News  :  జీతం బకాయిల కోసం ఆత్మహత్యాయత్నం - ఏపీలో విషాదం  !

Allu Sirish: సందీప్ కిషన్ కాదన్న కథతో అల్లు శిరీష్? - అఫీషియల్ అనౌన్స్‌మెంట్ రేపే!

Allu Sirish: సందీప్ కిషన్ కాదన్న కథతో అల్లు శిరీష్? - అఫీషియల్ అనౌన్స్‌మెంట్ రేపే!

Karnataka Accident: కర్ణాటకలో ఘోరం, 10 మంది దుర్మరణం - నలుగురు అక్కడికక్కడే మృతి

Karnataka Accident: కర్ణాటకలో ఘోరం, 10 మంది దుర్మరణం - నలుగురు అక్కడికక్కడే మృతి