Rashmika Mandanna: ఆ బాధను చెప్పలేం - మనాలీలో పెళ్లి సీన్పై రష్మిక కామెంట్స్
Rashmika Mandanna: గత ఏడాది విడుదలైన బ్లాక్ బస్టర్ సినిమాల్లో ‘యానిమల్’ ఒకటి. ఈ సినిమా షూటింగ్ లో ఎదుర్కొన్న ఇబ్బందుల గురించి హీరోయిన్ రష్మిక మందన్న ఆసక్తికర విషయాలు వెల్లడించింది.
Rashmika Mandanna: రణ్బీర్ కపూర్, రష్మిక జంటగా సందీప్ రెడ్డి వంగా దర్శకత్వం వహించిన యానిమల్. గత డిసెంబర్ 1న థియేటర్లలో విడుదలైన ఈ చిత్రం బాక్సాఫీస్ను షేక్ చేసింది. దాదాపు రూ.900 కోట్ల పైగా వసూళ్లు సాధించి బ్లాక్బస్టర్గా నిలిచింది. తండ్రి-కొడుకు మధ్య సెంటిమెంట్ బేస్ చేసుకుని రూపొందించిన ఈ సినిమాకు ప్రేక్షకుల నుంచి మంచి స్పందన లభించింది. అయితే, ఈ మూవీ ఎంత పెద్ద విజయాన్ని అందుకుందో, అదే స్థాయిలో విమర్శలపాలైంది. కొంత మంది సినీ ప్రముఖులు సినిమా చాలా బాగుందని ప్రశంసించినా, మరికొంత మంది సమాజంలో స్త్రీలను చిన్నచూపు చూసేలా ఉందని విమర్శించారు. ఈ సినిమాపై పార్లమెంట్ లోనూ చర్చజరిగింది. ఇలాంటి సినిమాలు చాలా ప్రమాదకరమని సభ్యులు అభిప్రాయపడ్డారు.
ఆ సీక్వెన్స్ షూటింగ్ కోసం చాలా ఇబ్బంది పడ్డాం- రష్మిక
ఇక తాజాగా ‘యానిమల్’ సినిమా షూటింగ్ సమయంలో ఎదుర్కొన్న ఇబ్బందుల గురించి రష్మిక మందన్న కీలక విషయాలను వెల్లడించింది. ఈ సినిమాలో రష్మిక గీతాంజలి పాత్రలో కనిపించింది. ఆమెకు, రణబీర్ కు మనాలిలోని మంచు పర్వతాల్లో వివాహం జరుగుతుంది. ఈ సన్నివేశాన్ని షూట్ చేసే సమయంలో చాలా కష్టపడినట్లు చెప్పింది. “ఈ సినిమా షూట్ జరిగే ప్రదేశం అంతా మంచుతో గడ్డకట్టుకుపోయింది. అక్కడ రణబీర్ కుర్తాలో, నేను చీరలో కనిపించాలి. ఇంటి నుంచి పారిపోయి పెళ్లి చేసుకునే సీన్ కావడంతో చలి నుంచి కాపాడే ఎలాంటి దుస్తులు వేసుకోవద్దని దర్శకుడు చెప్పారు. అందుకే మేం స్వెటర్లు వేసుకోలేదు. రణబీర్ కుర్తా, నేను చీరలో ఉన్నాం. కానీ, అక్కడ ఉన్న చలికి చాలా ఇబ్బంది పడ్డాం. మంచులో షూట్ చేస్తున్నంత సేపు పడిన బాధ చెప్పలేం. చర్మం పూర్తిగా డ్రై అయ్యింది. మేకప్ ఆర్టిస్టులు దాన్ని కవర్ చేసేందుకు మరింత మేకప్ వేయాల్సి వచ్చింది. జుట్టు కూడా పొడిబారిపోయింది. మళ్లీ మళ్లీ హెయిర్ సెట్ చేయాల్సి వచ్చింది. అయినప్పటికీ ఎంతో ఓపికతో అక్కడ షూటింగ్ లో పాల్గొన్నాం, ఎలాంటి అవాంతరాలు లేకుండా అనుకున్న సీన్లు అనుకున్నట్లుగా వచ్చేలా ప్రయత్నం చేశాం” అని చెప్పుకొచ్చింది.
నెట్ ఫ్లిక్స్ లో ‘యానిమల్’ స్ట్రీమింగ్
ప్రస్తుతం ‘యానిమల్’ మూవీ నెట్ ఫ్లిక్స్ వేదికగా స్ట్రీమింగ్ అవుతోంది. డిజిటల్ వేదికపైనా ఈ సినిమాకు ఓ రేంజిలో ఆదరణ లభిస్తోంది. ‘యానిమల్’ మూవీలో బాబీ డియోల్ విలన్గా కనిపించగా, రణబీర్ కపూర్ తండ్రిగా అనిల్ కపూర్ నటించాడు. త్రిప్తి దిమ్రీ మరో కీలకపాత్రలో కనిపించింది. ఈ మూవీకి హర్షవర్ధన్ రామేశ్వర్ మ్యూజిక్ అందించారు. టీ సిరీస్ అధినేత భూషణ్ కుమార్తో కలిసి సందీప్ వంగా సోదరుడు ప్రణయ్ వంగా ఈ మూవీని నిర్మించారు. ‘యానిమల్’ మూవీ తర్వాత ప్రభాస్తో ‘స్పిరిట్’ మూవీ చేయబోతున్నారు సందీప్ వంగా.
Read Also: వివాదాలకు చిరునామా పూనమ్ పాండే, ఆమె కెరీర్లో టాప్ 10 కాంట్రవర్సీలు ఇవే
టాప్ హెడ్ లైన్స్
ట్రెండింగ్ వార్తలు
