Rajamouli: మహేష్ బాబు పాస్ పోర్ట్ లాక్కున్న రాజమౌళి... సీజ్ ద లయన్‌, SSMB29 షూటింగ్ షురూ

SSMB29 Latest Update: సూపర్ స్టార్ మహేష్ బాబు పాస్ పోర్ట్ సీజ్ చేశాడు దర్శక ధీరుడు రాజమౌళి. ప్రియాంక చోప్రా సైతం ఆ విషయాన్ని కన్ఫర్మ్ చేసినట్లు చెప్పింది. ఆ వివరాల్లోకి వెళితే...

రాజమౌళి

Source : https://www.instagram.com/p/DFN7ihLzH0D/

బంధించేశాడు... సింహాన్ని బోనులో బంధించేశాడు... సీజ్ చేసేశాడు... ఆ సింహం పాస్పోర్ట్ తీసుకుని సీజ్ చేసేశాడు...‌‌ తన దగ్గర ఆ పాస్ పోర్ట్ పెట్టుకున్నాడు... మొత్తం మీద దర్శక ధీరుడు ఎస్ఎస్ రాజమౌళి (SS Rajamouli) కొత్త సినిమా గురించి మరొక అప్డేట్ ఇచ్చాడు... ఇంతకీ ఇక్కడ సింహం ఎవరో తెలుసా? సూపర్ స్టార్ మహేష్ బాబు (Mahesh Babu)! 

మహేష్ పాస్ పోర్ట్ సీజ్ చేసిన జక్కన్న!
టాలీవుడ్ మోస్ట్ హ్యాండ్సమ్ హీరో, సూపర్ స్టార్ మహేష్ బాబు కథానాయకుడిగా జక్కన్న రాజమౌళి పాన్ వరల్డ్ సినిమా చేస్తున్న సంగతి తెలిసిందే. కొత్త ఏడాది ప్రారంభంలో పూజా కార్యక్రమాలతో లాంఛనంగా ప్రారంభించారు. అఫ్ కోర్స్... పూజ ఫోటోలు గాని, వీడియోలు గాని బయటకు రానివ్వలేదు అనుకోండి. పూజ కంటే ఎన్నో రోజుల ముందు ప్రీ ప్రొడక్షన్ వర్క్ మొదలు పెట్టారు. లేటెస్ట్ అప్డేట్ ఏమిటంటే... షూటింగ్ షురూ చేయడానికి జక్కన్న రెడీ అయ్యారు. 

రాజమౌళి శుక్రవారం రాత్రి సోషల్ మీడియాలో ఒక వీడియో షేర్ చేశారు. అందులో సింహాన్ని బోనులో బంధించినట్టు ఉంది. అలాగే ఒక పాస్ పోర్ట్ చూపిస్తూ ఫోటోకు పోజ్ ఇచ్చారు. మీకు గుర్తు ఉందా? గతంలో అదే సింహం ఫోటో షేర్ చేసిన రాజమౌళి... ఆ సింహం మీద మహేష్ బాబును ట్యాగ్ చేశారు. ఇప్పుడు ఆ సింహాన్ని బోనులో లాక్ చేసినట్లు అర్థం వచ్చేలా వీడియో షేర్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by SS Rajamouli (@ssrajamouli)

సూపర్ స్టార్ మహేష్ బాబు ఏడాదికి మినిమం మూడు నాలుగు ఫారిన్ ట్రిప్పులు వేస్తారు. ఫ్యామిలీతో కలిపి వెకేషన్ టూర్లకు వెళ్లి వస్తారు. రాజమౌళి సినిమా అంటే మినిమం మూడు నాలుగేళ్లు డేట్స్ కేటాయించాలని చిత్రసీమ ప్రముఖులతో పాటు ప్రేక్షకులు సైతం ఫిక్స్ అయ్యారు. ఇప్పుడు మహేష్ పాస్ పోర్ట్ లాక్కోవడం చూస్తుంటే... ఆయన్ను లాక్ చేశారని అర్థమవుతుంది. ఫారిన్ షెడ్యూల్ కోసం పాస్ పోర్ట్ తీసుకున్నారని టాక్. ఇక ఇప్పటి నుంచి మహేష్ షెడ్యూల్స్ అన్నీ రాజమౌళి చేతిలో ఉంటాయి. అదీ సంగతి!

రాజమౌళి షేర్ చేసిన వీడియో కింద ప్రియాంక చోప్రా 'ఫైనల్లీ' అని కామెంట్ చేశారు. ఈ సినిమాలో ఆవిడ కథానాయికగా నటిస్తున్న సంగతి తెలిసిందే.‌ అయితే ఆ విషయాన్ని అధికారికంగా ప్రకటించలేదు అనుకోండి. మహేష్, రాజమౌళి సినిమా పనుల కోసం ఇటీవల ప్రియాంక చోప్రా హైదరాబాద్ వచ్చారు చిలుకూరు బాలాజీ ఆలయానికి వెళ్లి స్వామి దర్శనం చేసుకోవడంతో పాటు ఉపాసన కుటుంబానికి చెందిన దోమకొండ ఆలయానికి కూడా వెళ్లి ఆశీర్వాదం తీసుకున్నారు. ఈ సినిమాను దుర్గా ఆర్ట్స్ పతాకం మీద కెఎల్ నారాయణ ప్రొడ్యూస్ చేస్తున్నారు.