Pushpa 2 Censor: పుష్పరాజ్ రక్తపాతానికి సెన్సార్ కత్తెర... అల్లు అర్జున్ 'పుష్ప 2'లో డిలీట్ చేసిన సీన్స్ లిస్ట్ ఇదిగో

Pushpa 2 Censor Certificate: ఐకాన్ స్టార్ అల్లు అర్జున్ 'పుష్ప 2' సినిమా సెన్సార్ పూర్తి అయ్యింది. సినిమాకు యు/ఎ సర్టిఫికెట్ లభించింది. మరి, ఈ సినిమాలో ఏయే సీన్లకు సెన్సార్ కత్తెర పడిందో తెలుసా?

'పుష్ప 2' సినిమాలో ఐకాన్ స్టార్ అల్లు అర్జున్

Source : https://www.youtube.com/watch?v=g3JUbgOHgdw

Pushpa 2 Censor Cuts: ఐకాన్ స్టార్ అల్లు అర్జున్ అభిమానులు ఆందోళనకు తెర పడింది. ఓ వైపు తమ హీరో దేశంలోని వివిధ నగరాలు తిరుగుతూ ప్రచారం చేస్తుంటే... మరోవైపు ఇంకా సినిమా షూటింగ్ పూర్తి కాకపోవడం కాస్త కలర్ పెట్టింది. డే అండ్ నైట్ వర్క్ చేసిన సుకుమార్ 'పుష్ప 2' సినిమా ఫైనల్ కాపీ రెడీ చేశారు. ఇవాళ సెన్సార్ కూడా పూర్తి అయింది.‌ 

పుష్పరాజ్ నరకుడుకు సెన్సార్ కత్తెర!
'పుష్ప 2' చిత్రానికి సెన్సార్ బోర్డ్ యు/ఎ సర్టిఫికెట్ ఇచ్చింది. అయితే అది ఇవ్వడానికి ముందు సినిమాలో మూడు పదాలను పూర్తిగా మార్చమని సూచించింది. రెండు సన్నివేశాలలో హీరో వీరోచిత పోరాటానికి కత్తెర వేసింది. ఆ వివరాల్లోకి వెళితే...

పుష్ప సీక్వెల్ వచ్చేసరికి సుకుమార్ యాక్షన్ డోస్ బాగా పెంచారని ముందు నుంచి ఫిలిం నగర్ వర్గాల నుంచి వినపడుతోంది.‌ ఈ‌ రోజు సెన్సార్ సూచించిన కత్తెరలు కూడా అది నిజమేనని మరోసారి అనుకోక తప్పదు. ఓ సన్నివేశంలో పుష్పరాజ్ నరికిన కాళ్లు గాల్లో ఎగురుతూ ఉంటుందట. దానిని తొలగించమని సెన్సార్ సూచన చేయగా... సీజీతో కవర్ చేసేశారు. మరొక సన్నివేశంలో విలన్ చెయ్యి నరికి దాన్ని పట్టుకుని హీరో వెళతాడట. అది కూడా తీయమని సెన్సార్ చెప్పింది. దాంతో కట్ అయిన పార్ట్ చూపించకుండా సన్నివేశాన్ని జూమ్ చేశారు. ఈ రెండు కత్తెరలు‌ క్లైమాక్స్ యాక్షన్స్ సీక్వెన్స్ లో వచ్చాయి.

#Pushpa2TheRule - 3 Hours 20 Minutes 38 Seconds!!! pic.twitter.com/QehLToqpvq

— AndhraBoxOffice.Com (@AndhraBoxOffice) November 28, 2024

సెన్సార్ తొలగించమని చెప్పిన పదాల విషయానికి వస్తే... 'పుష్ప 2' ప్రారంభంలో 'రండి' అని ఒక పదం ఉంది. తెలుగులో రండి అంటే గౌరవం. కానీ హిందీలో మహిళను వేశ్య అని కించపరచడం. ఆ పదం పట్ల సెన్సార్ అభ్యంతరం వ్యక్తం చేయగా 'లపాకీ' అని మార్చారు.‌ అదే సన్నివేశంలో మరొక బూతు మాటకు కత్తెర వేశారు. ఇంకొక సన్నివేశంలో 'వెంకటేశ్వర' అని వచ్చే డైలాగులో 'భగవంతుడా...' అని మార్చారు. ఈ ఐదు కత్తెరలు తప్ప ఇంకేమీ సెన్సార్ చెప్పలేదు.

థియేటర్లలో ప్రేక్షకులు ఎన్ని గంటలకు కూర్చోవాలి?
'పుష్ప 2' రన్ టైం మూడు గంటల కంటే ఎక్కువ. మైత్రి మూవీ మేకర్స్ అధినేతలలో ఒకరైన నవీన్ ఎర్నేని ఆ విషయాన్ని కన్ఫర్మ్ చేశారు. తమ సినిమా మూడు గంటల 20 నిమిషాలు ఉంటుందని చెప్పారు.‌ సెన్సార్ సర్టిఫికెట్ చూసినా అదే రన్ టైం ఉంది. 200 నిమిషాల సినిమా ఇది.

థియేటర్లలో ప్రేక్షకులు ఎలా లేదన్న మూడున్నర గంటలు కూర్చుని చూడాల్సిన సినిమా. అల్లు అర్జున్, సుకుమార్ కలిసి అంతసేపు ప్రేక్షకులను ఎలా కూర్చోబెడతారు అనేది చూడాలి. ఒక్కటే సినిమా ముందున్న టఫ్ టాస్క్. ఆల్రెడీ సినిమాపై ఉన్న అంచనాలను చూస్తే మొదటి రోజు భారీ వసూళ్లు సాధించే అవకాశం ఉంది.