Prashanth Neel: ప్రశాంత్ నీల్ సమర్పించు... హారర్ సినిమా '418'

418 Movie: ప్రశాంత్ నీల్ పేరు చెబితే పాన్ ఇండియా యాక్షన్ ఫిలిమ్స్ గుర్తుకు వస్తాయి. బట్, ఫర్ ఏ ఛేంజ్... ఆయన సమర్పణలో ఓ హారర్ సినిమా రూపొందుతోంది. ఆ మూవీ టైటిల్, ఇతర వివరాలు వెల్లడించారు.

ప్రశాంత్ నీల్ సమర్పణలో మైత్రీ మూవీ మేకర్స్, కీర్తన్ నాదగౌడ హారర్ మూవీ టైటిల్ '418'

Source : ABPLIVE AI

ప్రశాంత్ నీల్ పేరు చెబితే పాన్ ఇండియా యాక్షన్ ఫిలిమ్స్ ప్రేక్షకులకు గుర్తుకు వస్తాయి. యశ్ 'కేజీఎఫ్' కావచ్చు లేదంటే రెబల్ స్టార్ ప్రభాస్ హీరోగా తీసిన 'సలార్' కావచ్చు... దేశవ్యాప్తంగా విజయాలు సాధించాయి. యాక్షన్ ఫిలిమ్స్ లవర్స్ అందరినీ మెప్పించాయి. అటువంటి దర్శకుడి సమర్పణలో ఇప్పుడు ఓ హారర్ సినిమా రూపొందుతోంది.

ప్రశాంత్ నీల్ సమర్పణలో '418'
Horror Movie 418 Update: ప్రస్తుతం మ్యాన్ ఆఫ్ మాసెస్ ఎన్టీఆర్ హీరోగా 'డ్రాగన్' (టైటిల్ ఇంకా అనౌన్స్ చేయలేదు)ను తెరకెక్కిస్తున్నారు ప్రశాంత్ నీల్. ఆ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ ప్రొడ్యూస్ చేస్తోంది. ఇప్పుడు ప్రశాంత్ నీల్, మైత్రి కలయికలో కొత్తవాళ్లతో సరికొత్త హారర్ సినిమా '418'ని రూపొందిస్తున్నారు.

కీర్తన్ నాదగౌడ దర్శకత్వంలో తెరకెక్కనున్న '418'ను నవీన్ యెర్నేని, వై రవిశంకర్ నిర్మిస్తున్నారు. ప్రశాంత్ నీల్ సమర్పకులు. ఇందులో సూర్య రాజ్ వీరబత్తిని, హను రెడ్డి, ప్రీతి పగడాల ప్రధాన తారాగణం. సినిమా అనౌన్స్ చేయడంతో పాటు టైటిల్ పోస్టర్ విడుదల చేశారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mythri Movie Makers (@mythriofficial)

మెడికల్ కాలేజీ నేపథ్యంలో...  
'418' చిత్ర కథ మెడికల్ కాలేజ్‌ నేపథ్యంలో ఉంటుందని చిత్ర బృందం పేర్కొంది. భయంతో కూడిన గ్రామంలోని మెడికల్ కాలేజీలో ఏం జరిగింది? అనేది సస్పెన్స్. సైన్స్, మిస్టరీ, మూఢనమ్మకానికి అర్థం కాని ఓ రహస్యంతో ఇప్పటి వరకూ చూడని సరికొత్త కథతో ఈ సినిమా తెరకెక్కిస్తున్నామని దర్శక నిర్మాతలు తెలిపారు.

సూర్య రాజ్ వీరబత్తిని, హను రెడ్డి, ప్రీతి పగడాల, శ్రీ వైష్ణవ, శశాంక్ పాటిల్ ప్రధాన పాత్రలు పోషిస్తున్న '418' చిత్రానికి సమర్పణ: ప్రశాంత్ నీల్, నిర్మాతలు: నవీన్ యెర్నేని - వై రవిశంకర్, దర్శకత్వం: కీర్తన్ నాదగౌడ, ఎగ్జిక్యూటివ్ నిర్మాత: అనిల్ యెర్నేని, ఛాయాగ్రహణం: దినేష్ దివాకరన్, సంగీతం: వెంకీ జిజి, మాటలు: మోహన్ బిఎస్, ప్రొడక్షన్ డిజైనర్: ఉల్లాస్ హైదూర్, కాస్ట్యూమ్ డిజైనర్: సమృద్ధి పటేల్ - షర్నితా వల్లూరు.